Latest
ఏపీలో ఒమిక్రాన్ RF.5వేరియంట్ - మంత్రి
ఆంధ్రప్రదేశ్లో కోవిడ్ పాజిటివ్ నమూనాల జీనోమ్ సీక్వెన్సింగ్ పరీక్షల్లో ఒమిక్రాన్ RF.5 వేరియంట్ గుర్తించారు. ఇది కరోనా వైరస్లోని ఒమిక్రాన్ వేరియంట్కు చెందిన ఒక ఉపవంశం, ప్రపంచ వ్యాప్తంగా గుర్తించిన అనేక ఒమిక్రాన్ ఉపవంశాల్లో RF.5 కూడా ఒకటి. కడప జిల్లాలో నమోదైన కోవిడ్ పాజిటివ్ కేసుల్లో 4 నమూనాలను వైద్య ఆరోగ్యశాఖ పూణేలోని వైరాలజీ ల్యాబ్ కు పంపింది. వాటి ఫలితాలు ఇప్పుడు అందాయి. ఈ మేరకు రాష్ట్ర వైద్య ఆరోగ్య శాఖ మంత్రి శ్రీ సత్య కుమార్ యాదవ్ ఉన్నతాధికారులతో సెల్ ఫోన్ ద్వారా మాట్లాడారు.
పదేళ్లుగా 152 ఎగ్జామ్ పేపర్స్ లీక్- రాహుల్ గాంధీ
దేశంలో గత పదేళ్లలో ఏకంగా 152 పరీక్షల పేపర్లు లీక్ అయ్యాయని కాంగ్రెస్ నేత రాహుల్ గాంధీ ఆరోపించారు. డెహ్రాడూన్లో విద్యార్థులతో మాట్లాడిన ఆయన, ఈ లీకేజీల వల్ల కోట్లాది మంది యువత భవిష్యత్తు నాశనమైందని ఆవేదన వ్యక్తం చేశారు. విద్యా వ్యవస్థను కొందరు గుత్తాధిపత్యం చేస్తున్నారని విమర్శించారు. పేపర్ లీక్లకు వ్యతిరేకంగా పటిష్టమైన చట్టం తేవాలని, విద్యార్థుల కష్టానికి తగిన న్యాయం జరగాలని రాహుల్ గాంధీ ఈ సందర్భంగా డిమాండ్ చేశారు.
గౌరవంగా తప్పుకోండి- ధర్మేంద్రకు ప్రముఖుల లేఖ
నీట్-యూజీ సహా పలు జాతీయ పరీక్షల నిర్వహణలో వైఫల్యాలకు బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ 'గౌరవప్రదంగా రాజీనామా చేయాలి' అని కోరుతూ దేశవ్యాప్తంగా వందలాది మంది ప్రముఖ విద్యావేత్తలు, సామాజిక కార్యకర్తలు ఆయనకు బహిరంగ లేఖ రాశారు. పరీక్షల లీకేజీలు, అవకతవకల వల్ల లక్షలాది మంది విద్యార్థుల భవిష్యత్తు దెబ్బతిందని ఆవేదన వ్యక్తం చేశారు. ప్రభుత్వ విద్యా వ్యవస్థపై విద్యార్థుల్లో నమ్మకం పునరుద్ధరించడానికి, ఈ పరీక్షల సంక్షోభానికి నైతిక బాధ్యత వహిస్తూ ఆయన తక్షణమే పదవి నుంచి తప్పుకోవాలని లేఖలో డిమాండ్ చేశారు.
సోనం వాంగ్ చుక్ కు ఇరోమ్ షర్మిల మద్దతు !
సోనమ్ వాంగ్చుక్ నిరాహార దీక్షకు మణిపూర్ హక్కుల ఉద్యమకారిణి ఇరోమ్ షర్మిల మద్దతు ప్రకటించారు. మార్పు కోసం చేసే ఈ పోరాట బాధ్యత కేవలం వాంగ్చుక్ ఒక్కరిదే కాదని, ప్రతి పౌరుడూ ఇందులో భాగస్వామి కావాలని ఆమె పిలుపునిచ్చారు. ఏ ఒక్క నిరసనకారుడూ అమరవీరుడు కాకూడదన్న షర్మిల, ప్రజలంతా భారీగా తరలివచ్చి ఒత్తిడి తెస్తేనే ప్రభుత్వం దిగివస్తుందని స్పష్టం చేశారు.
తనను దీక్షా స్థలికి పంపాలంటూ సోనమ్ పట్టు !
విద్యా మంత్రి రాజీనామా కోరుతూ నిరవధిక నిరాహార దీక్ష చేస్తున్న సోనమ్ వాంగ్చుక్ ఆస్పత్రిలో కూడా తన దీక్షను కొనసాగిస్తున్నారు. ఆయన చేపట్టిన నిరవధిక నిరాహార దీక్ష ఈ రోజుతో 21వ రోజుకు చేరింది. ఆరోగ్యం క్షీణించడంతో హైకోర్టు ఆదేశాల మేరకు పోలీసులు ఈ ఉదయం సఫ్దర్ జంగ్ ఆస్పత్రికి తరలించగా తనను తిరిగి జంతర్ మంతర్ పంపాలని ఆయన మొండిపట్టు పట్టారు. నీట్-యూజీ అక్రమాలపై కేంద్ర మంత్రి రాజీనామాను డిమాండ్ చేస్తూ జూన్ 28 నుండి ఆయన ఈ దీక్ష చేస్తున్నారు. మద్దతుదారులు జూలై 20న పార్లమెంట్ మార్చ్ను యథావిధిగా నిర్వహిస్తామని ప్రకటించారు.
పుష్ప 2 సుకుమార్ కు నేషనల్ అవార్డ్ !
జాతీయ చలన చిత్ర అవార్డుల 72వ వేడుకలో తెలుగు సినిమాకు అవార్డుల పంట పండింది. స్టార్ హీరో అల్లూ అర్జున్ నటించిన పుష్ప 2 మూవీ డైరక్టర్ సుకుమార్ కు బెస్ట్ స్క్రీన్ ప్లే రైటర్ (ఒరిజినల్) అవార్డు దక్కింది.అలాగే పుష్ప 2 మూవీ కాస్ట్యూమ్ డిజైనర్లుగా శీతల్ శర్మ, దీపాలీ సూర్ లకు జాతీయ పురస్కారం లభించింది.
ఇరాన్ ప్రభుత్వానికి అతివాద శక్తుల వార్నింగ్ !
ఇరాన్ సుప్రీం లీడర్ ఖమేనీ మరణం తర్వాత అక్కడ అధికారం కోసం యుద్ధం మొదలైంది. US తో శాంతి చర్చలు జరుపుతున్న అధ్యక్షుడు మసూద్ పెజెష్కియన్, విదేశీ మంత్రిలను అక్కడి తీవ్రవాద శక్తులు టార్గెట్ చేస్తున్నారు. ఖమేనీ అంత్యక్రియల్లో దేశ నాయకులను "ద్రోహులు" అని నిందిస్తూ రాళ్లు రువ్వారు. కొత్త సుప్రీం లీడర్ మొజ్తబా ఖమేనీ ప్రజల ముందుకు రాకపోవడంతో, అధ్మ్యక్షుడు అతని బృందం రాజకీయ కుట్రకు ప్లాన్ చేస్తున్నారని హార్డ్లైనర్స్ ఆరోపిస్తున్నారు. "ప్రెసిడెంట్ గారూ, మా కండిషన్స్ వినకపోతే మా బ్లేడ్ మీ మెడపై ఉంటుంది" అంటూ కొందరు బహిరంగంగానే బెదిరింపులు చేస్తుండటంతో ఇరాన్ లో పొలిటికల్ హీట్ పెరిగింది.
మత్తు మందిచ్చి, పాముతో కరిపించి భర్తను చంపిన మహిళ !
మీరట్ లో ఒక షాకింగ్ మర్డర్ ప్లాన్ బయటపడింది. దామిని అనే మహిళ తన భర్త అతుల్ పవార్ కి పాలల్లో స్లీపింగ్ పిల్స్ కలిపి ఇచ్చింది. అతను స్పృహ కోల్పోయాక బెడ్పై విష పూరిత పాము ని వదిలి కరిపించింది. ఈ క్రైమ్లో ఆమెకి తన లవర్ , స్కూల్ డ్రైవర్ తుషార్ హెల్ప్ చేశాడు. ₹20 లక్షల ఇన్యూరెన్స్ క్లెయిమ్ చేయడం, తమ రిలేషన్ షిప్ ని కంటిన్యూ చేయడమే వీరి మెయిన్ మోటివ్. అయితే, పోలీస్ ఇన్వెస్టిగేషన్ లో ,మొబైల్ రికార్డ్స్ పరిశీలించగా వీరికుట్ర బయటపడటంతో ఇద్దరినీ అరెస్ట్ చేశారు. భార్యా భర్తలిద్దరూ హస్తినాపూర్ లో కిడ్స్ ప్లే స్కూల్ ని నడుపుతున్నారు.
ఏపీలో ఐదు రోజులు పాటు తేలిక పాటి వర్షాలు
APలో రానున్న 5 రోజులు మేఘావృతమైన వాతావరణం, పలుచోట్ల తేలికపాటి నుంచి మోస్తరు వర్షాలు పడే ఛాన్స్ ఉందని వాతవరణ శాఖ తెలిపింది. 'కోస్తాంధ్ర తీరం వెంబడి 40-50KMPH వేగంతో ఈదురుగాలులు వీచే అవకాశం ఉంది. రేపు శ్రీకాకుళం, విజయనగరం, బాపట్ల,పోలవరం,కృష్ణ,NTR, గుంటూరు, ప్రకాశం,నెల్లూరు,నంద్యాల, కడప జిల్లాల్లో పిడుగులతో కూడిన వర్షాలు కురిసే అవకాశం ఉంది. మిగిలిన జిల్లాల్లో కొన్నిచోట్ల తేలికపాటి వర్షాలు పడే ఆస్కారముంది' అని వాతావరణ శాఖ చెబుతోంది.
నా కుటుంబానికి పెద్దన్న అందెశ్రీ: CM రేవంత్
నా జీవితంలో జరిగిన ఎన్నో సంఘటనలను కవి అందెశ్రీ గారు నిశ్శబ్దంగా గమనిస్తూనే ఉన్నారని CM రేవంత్ రెడ్డి అన్నారు. గతంలో ఒకసారి ఆయన రేవంత్ రెడ్డి గారి ఫ్యామిలీని కలిసినప్పుడు, ఈ దుర్మార్గాన్ని ఎదిరించడానికి ఎవరైనా వస్తారా అని ఎదురుచూశానని, ఈరోజు రేవంత్ ఆ నమ్మకాన్ని కలిగించాడంటూ తన ఆవేదనను పంచుకున్నారని గుర్తుచేశారు. అందెశ్రీ కేవలం కవి, గాయకుడు మాత్రమే కాదని, తనకు ఆత్మబంధువని, తన కుటుంబంలో పెద్దన్న లాంటివారని CM రేవంత్ రెడ్డి భావోద్వేగంగా చెప్పారు. ఈ వీడియో ఇప్పుడు సోషల్ మీడియాలో ఫుల్ వైరల్ అవుతోంది.
'రక్తానికి రక్తం'.. ట్రంప్ ఫ్యామిలీ టార్గెట్గా ఇరాన్ బ్యానర్లు!
అమెరికా, ఇరాన్ మధ్య గొడవలు పీక్స్కి చేరాయి. ఇరాన్ రాజధాని టెహ్రాన్ లో అమెరికా ప్రెసిడెంట్ డోనాల్డ్ ట్రంప్, ఆయన ఫ్యామిలీని టార్గెట్ చేస్తూ పెట్టిన ఒక భారీ బ్యానర్ ఇప్పుడు వైరల్ అవుతోంది. వైట్ హౌస్ కాలిపోతున్నట్లు బ్యాక్డ్రాప్ పెట్టి.. ట్రంప్, ఆయన భార్య మెలానియా, పిల్లల ఫొటోలను శవపేటికలపై ముద్రించారు. దానిపై పర్షియన్ లాంగ్వేజ్లో 'రక్తానికి రక్తం' అని రాశారు. ఇరాన్ కి చెందిన ఒక మీడియా సంస్థ ఈ హోర్డింగ్స్ పెట్టడంతో అంతర్జాతీయంగా టెన్షన్స్ మరింత పెరిగాయి.
అమెరికాతో శాంతి ఒప్పందం క్యాన్సిల్- ఇరాన్
అమెరికా, ఇరాన్ మధ్య గొడవలు మళ్లీ ముదిరాయి. అమెరికాతో గత నెలలో కుదిరిన శాంతి ఒప్పందాన్ని పక్కనపెట్టేస్తున్నట్లు ఇరాన్ అనౌన్స్ చేసింది. ఇకపై ఆ రూల్స్ ఏవీ పాటించబోమని క్లియర్ గా చెప్పింది. అమెరికానే ముందుగా ఒప్పందాన్ని బ్రేక్ చేసిందని ఇరాన్ అంటోంది. రీసెంట్ గా హోర్ముజ్లో కమర్షియల్ నౌకలపై దాడులు జరగడంతో ఇరు దేశాల మధ్య పరిస్థితి మరింత దారుణంగా మారింది. గత వారం అమెరికా ఇరాన్ పై దాడులు చేయగా, ఇరాన్ కూడా అమెరికా మిలిటరీ స్థావరాలపై మిసైల్స్ ప్రయోగించింది.
ఇక ధర్మేంద్ర ప్రధాన్ మాత్రమే కాదు.. మోదీ కూడా దిగిపోవాలి!
ఢిల్లీ జంతర్ మంతర్ వద్ద జరుగుతున్న CJP (కాక్రోచ్ జనతా పార్టీ) నిరసనల్లో సామాజిక కార్యకర్త యోగేంద్ర యాదవ్ జాయిన్ అయ్యారు. NEET పేపర్ లీకేజీలపై ఇప్పటివరకు కేవలం విద్యాశాఖ మంత్రి ధర్మేంద్ర ప్రధాన్ రాజీనామా మాత్రమే డిమాండ్ చేశామని, కానీ ఇప్పుడు ఈ పోరాటం సిస్టమ్ మొత్తానికి వ్యతిరేకంగా మారుతోందని ఆయన అన్నారు. దేశ యువత భవిష్యత్తును కాపాడటం కోసం ప్రధాని నరేంద్ర మోదీ కూడా తన పదవికి రాజీనామా చేయాలని డిమాండ్ చేశారు.
జంతర్ మంతర్ కి పిగ్గీ బ్యాంక్తో వచ్చిన చిన్నారి!
ఢిల్లీలోని జంతర్ మంతర్ వద్ద నిరసనలు చేస్తున్న వారికి సపోర్ట్ గా ఒక చిన్నారి తన పిగ్గీ బ్యాంక్ (గల్లా పెట్టె) తో అక్కడికి చేరుకుంది. దేశ భవిష్యత్తు కోసం ఆందోళన చేస్తున్న వారికి తన చిన్న చిన్న పొదుపు మొత్తాన్ని విరాళంగా ఇచ్చి ఆకట్టుకుంది. సహాయం ఎంత అనేది కాదు, మన ఉద్దేశం ఎలాంటిదనేదే ముఖ్యం అంటూ ఆ చిన్నారి చెప్పిన మాటలు అందరినీ ఆలోచింపజేస్తున్నాయి. ఒక చిన్న పాప దేశం కోసం తన వంతు బాధ్యత నెరవేరుస్తుంటే, మనమంతా ఇంకెంత రెస్పాన్సిబిలిటీగా ఉండాలో కదా అంటూ నెటిజన్లు కామెంట్స్ చేస్తున్నారు.
బెస్ట్ తెలుగు సినిమాగా 'కమిటీ కుర్రోళ్లు'..
కేంద్ర ప్రభుత్వం రీసెంట్ గా 72వ నేషనల్ ఫిల్మ్ అవార్డ్స్ ని అనౌన్స్ చేసింది. 2024 సంవత్సరానికి గాను ఇచ్చిన ఈ అవార్డ్స్ లో 'కమిటీ కుర్రోళ్లు' మూవీ 'బెస్ట్ తెలుగు ఫిల్మ్' అవార్డ్ గెలుచుకుంది. నిహారిక కొణిదెల సమర్పణలో పద్మజ కొణిదెల, జయలక్ష్మి అడపాక నిర్మించిన ఈ మూవీకి యదు వంశీ డైరెక్టర్. 1990ల నాటి విలేజ్ మెమొరీస్, పల్లెటూరి వాతావరణాన్ని చాలా బ్యూటిఫుల్ గా చూపించిన ఈ సినిమా ఇప్పుడు నేషనల్ లెవెల్ లో క్రేజీ రికార్డ్ కొట్టింది.
మమ్ముట్టికి నేషనల్ అవార్డ్!
రీసెంట్ గా అనౌన్స్ చేసిన నేషనల్ ఫిల్మ్ అవార్డ్స్ లో 'ఆర్టికల్ 370' కి బెస్ట్ మూవీ అవార్డ్ వచ్చింది. 'భ్రమయుగం' సినిమాలో యాక్ట్ చేసిన మమ్ముట్టి, అలాగే కార్తీక్ ఆర్యన్ ఇద్దరికీ బెస్ట్ యాక్టర్ అవార్డ్స్ వచ్చాయి. 'ఆర్టికల్ 370' హీరోయిన్ యామీ గౌతమ్ కి బెస్ట్ యాక్ట్రెస్ అవార్డ్ దక్కింది. 'అమరన్' సినిమా తీసిన రాజ్కుమార్ పెరియస్వామి బెస్ట్ డైరెక్టర్ గా నిలిచారు.
ఢిల్లీ పోలీసుల వ్యూహాన్ని తిప్పికొట్టేందుకు అభిజిత్ దీప్కే ప్లాన్!
సోనమ్ వాంగ్చుక్ను పోలీసులు బలవంతంగా తరలించినా, జంతర్ మంతర్ వద్ద విద్యార్థుల నిరసనలు కొనసాగుతున్నాయి. యువత గొంతు నొక్కేందుకు ఢిల్లీ పోలీసులు అర్ధరాత్రి లేదా తెల్లవారుజామున క్రాక్డౌన్కు ప్లాన్ చేస్తున్నట్లు అభిజిత్ దీప్కే ఆందోళన వ్యక్తం చేశాడు. పోలీసుల చర్యలను అడ్డుకునేందుకు అందరూ తరలివచ్చి రాత్రిపూట కాపలా ఉండాలని పిలుపునిచ్చారు. జూలై 20న జంతర్ మంతర్ నుండి పార్లమెంట్ వైపు చేపట్టే శాంతియుత మార్చ్ను విజయవంతం చేయాలని, పెద్ద సంఖ్యలో తరలిరావాలని అభిజిత్ పిలుపునిచ్చారు.
ఢిల్లీ జంతర్ మంతర్ నిరసనల్లో సుక్క రాంనర్సయ్య!
ఢిల్లీలోని జంతర్ మంతర్ వద్ద జరుగుతున్న విద్యార్థుల నిరసనలకు మద్దతుగా తెలంగాణ నుండి సామాజిక కార్యకర్త, సింగర్ సుక్క రాంనర్సయ్య అక్కడికి వెళ్లారు. దేశవ్యాప్తంగా కలకలం రేపిన NEET పేపర్ లీకేజీల బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ను వెంటనే సస్పెండ్ చేయాలని డిమాండ్ చేశారు. నిరసన చేస్తున్న సోనమ్ వాంగ్చుక్ను పోలీసులు అక్రమంగా తరలించడాన్ని ఆయన తీవ్రంగా తప్పుబట్టారు. విద్యా వ్యవస్థను కాపాడుకునేందుకు, విద్యార్థుల భవిష్యత్తు కోసం తెలుగు రాష్ట్రాల యువత, రాజకీయ నాయకులు ఈ ఉద్యమానికి మద్దతు తెలపాలని ఆయన కోరారు.
హాస్పిటల్పై అనుమానాలున్నాయి- సోనమ్ వాంగ్చుక్ భార్య
సఫ్దర్జంగ్ హాస్పిటల్ రిపోర్ట్స్ ప్రకారం సోనమ్ వాంగ్చుక్ పొటాషియం లెవెల్ నిన్న 4.3 ఉంటే, ఈరోజు ఒక్కసారిగా 2.9కి పడిపోయిందని ఆయన భార్య గీతాంజలి ఆందోళన వ్యక్తం చేశారు. వేరే ల్యాబ్లో సెకండ్ ఒపీనియన్ తీసుకోవడానికి హాస్పిటల్ యాజమాన్యం ఒప్పుకోవడం లేదని, బ్లడ్ శాంపిల్స్ కూడా ఇవ్వడం లేదని ఫైర్ అయ్యారు. హాస్పిటల్ ప్రవర్తనపై అనుమానాలు ఉన్నాయని, వెంటనే డిశ్చార్జ్ చేయాలని కోరినా రెండు గంటలుగా స్పందన లేదని ట్విట్టర్ వేదికగా ఆరోపించారు.
స్టూడెంట్స్ కోసం గవర్నమెంట్ జాబ్ కి రిసైన్ చేసిన UPSC ఆఫీసర్!
దేశంలో జరుగుతున్న పేపర్ లీకేజీలు, నీట్ (NEET) పరీక్ష అక్రమాలపై కేంద్ర ప్రభుత్వం జవాబుదారీతనం వహించాలని డిమాండ్ చేస్తూ 2018 బ్యాచ్ మాజీ UPSC (IES) ఆఫీసర్ ప్రేమపాల్ జంతర్ మంతర్ వద్ద నిరసనకు దిగారు. విద్యా వ్యవస్థలో జరుగుతున్న అన్యాయాలకు నిరసనగా ఆరేళ్ల ప్రభుత్వ సర్వీసుకు రాజీనామా చేసినట్లు ఆయన తెలిపారు. జంతర్ మంతర్ నుండి పార్లమెంట్ వరకు జరిగే మార్చ్లో విద్యార్థులు, యువత పెద్ద ఎత్తున పాల్గొని మద్దతు తెలపాలని, విద్యా వ్యవస్థను కాపాడుకోవాలని ఆయన పిలుపునిచ్చారు.
హైదరాబాద్ నడిబొడ్డున 20 అడుగుల భారీ కొండచిలువ!
హైదరాబాద్ బంజారాహిల్స్లోని KBR నేషనల్ పార్క్లో శనివారం ఉదయం వాకర్స్కు ఒక భారీ కొండచిలువ (Python) కనిపించి ఆశ్చర్యపరిచింది. సుమారు 20 అడుగుల పొడవున్న ఈ భారీ సర్పం.. పార్క్లోని వాకింగ్ ట్రాక్ను నెమ్మదిగా దాటుకుంటూ వెళ్తుండటంతో అక్కడున్న వారు కాసేపు భయాందోళనకు, మరికొందరు ఆశ్చర్యానికి గురయ్యారు. ఈ భారీ కొండచిలువ రోడ్డు దాటుతున్న దృశ్యాలు ప్రస్తుతం సోషల్ మీడియాలో వైరల్ అవుతున్నాయి. నగర నడిబొడ్డున ఉన్న ఈ అర్బన్ ఫారెస్ట్లో వన్యప్రాణుల జీవవైవిధ్యానికి ఈ ఘటనే నిదర్శనమని అధికారులు చెబుతున్నారు.