Latest
మార్చ్ ఆపలేరు.. నేను లీడ్ చేస్తా- సోనమ్ వాంగ్చుక్ భార్య
తన భర్త సోనమ్ వాంగ్చుక్ను జంతర్ మంతర్ నుండి తమకు చెప్పకుండానే సఫ్దర్జంగ్ హాస్పిటల్కు తరలించారని గీతాంజలి ఆరోపించారు. నిన్న సాయంత్రం వరకు ఆయన హెల్త్ రేపోర్ట్స్ అన్నీ నార్మల్గా ఉన్నాయని, ఇప్పుడు సడన్గా పొటాషియం తగ్గిపోయి ప్రాణానికే ప్రమాదం అని అంటున్నారని మండిపడ్డారు. తీరా రిపోర్ట్స్ అడిగితే చూపించడం లేదన్నారు. సోనమ్ రాకపోయినా, సోమవారం జరగబోయే నిరసన మార్చ్ను తానే ముందుండి నడిపిస్తానని, ఆయనను ఇలా బలవంతంగా హాస్పిటల్కు తెచ్చి మార్చ్ను ఆపలేరని ఆమె స్పష్టం చేశారు.
కాలం చెల్లిన పదార్థాలతో బేకరీ ఐటమ్స్
TG: హైదరాబాద్లో ఫుడ్ సేఫ్టీ టాస్క్ ఫోర్స్ అధికారులు బేకరీలు, స్వీట్లు, కేకులు, బిస్కెట్ల తయారీ కేంద్రాలపై ఆకస్మిక దాడులు నిర్వహించారు. తనిఖీల్లో తీవ్ర అపరిశుభ్రత, ఈగలు, పురుగులు పట్టిన ఆహార పదార్థాలతో తయారీ జరుగుతున్నట్లు గుర్తించారు. కొన్ని యూనిట్లలో కాలం చెల్లిన రంగులు, ఫ్లేవర్లు వినియోగించడంతో పాటు తయారీ తేదీ, ఎక్స్పైరీ వివరాలు లేకుండానే ఉత్పత్తులను విక్రయానికి సిద్ధం చేసినట్లు తేలింది. మరికొన్ని కేంద్రాలు FSSAI లైసెన్స్ గడువు ముగిసినా, పాతవాటితోనే గుట్టుచప్పుడు కాకుండా వ్యాపారాలు సాగిస్తున్నట్లు తనిఖీల్లో బయటపడింది.
ఐదుగురు మత్స్యకారులు మృతి
AP: పోలవరం జిల్లా ఎటపాక మండలం గొల్లగూడెం వద్ద గోదావరిలో ఘోర విషాదం చోటుచేసుకుంది. చేపల వేటకు వెళ్లిన గొమ్ముకొత్తగూడెం గ్రామానికి చెందిన ఐదుగురు మత్స్యకారులు నీటిలో మునిగి మృతి చెందారు. మృతులు ఊకె సుశీల (37), లక్ష్మి (37), తుర్రం భారతి (40), భాసుబోయిన బాలరాజు (38), ఊకె రమేష్ (38)లుగా గుర్తించారు. గోదావరిలో లోతైన ప్రాంతంలో చేపల వేటకు వెళ్లగా ఈ ప్రమాదం జరిగింది. ఘటనాస్థలానికి చేరుకున్న పోలీసులు మృతదేహాలను వెలికితీశారు. ఒకే గ్రామానికి చెందిన ఐదుగురు మృతితో గొమ్ముకొత్తగూడెంలో విషాదఛాయలు అలుముకున్నాయి.
అభిజిత్ దీప్కేపై సిరా (ఇంక్) దాడి!
ఢిల్లీలో నిరసనల మధ్య మాట్లాడుతుండగా 'కాక్రోచ్ జనతా పార్టీ' ఫౌండర్ అభిజిత్ దీప్కేపై ఒక వ్యక్తి సడన్గా నల్ల సిరా (ఇంక్) చల్లింది. ఈ దాడితో అక్కడ ఒక్కసారిగా తీవ్ర టెన్షన్ వాతావరణం నెలకొంది. దీనిపై 'Cockroach is Back' అఫిషియల్ హ్యాండిల్ సోషల్ మీడియాలో స్పందిస్తూ.. "ఈ గవర్నమెంట్ మాపై ఎన్ని దాడులు చేయించినా మేము భయపడబోము. మేము బాబాసాహెబ్ అంబేద్కర్ బిడ్డలం, దేనికీ వెనకడుగు వేసేదే లేదు.. జై భీమ్!" అంటూ స్ట్రాంగ్ కౌంటర్ ఇచ్చింది. ఈ ఇంక్ ఎటాక్ వీడియో ప్రస్తుతం నెట్టింట తెగ వైరల్గా మారింది.
నమ్మకం పోయింది, హాస్పిటల్ మారుస్తాం.. సోనమ్ భార్య లెటర్!
సోనమ్ వాంగ్చుక్ భార్య గీతాంజలి, సఫ్దర్జంగ్ హాస్పిటల్ మేనేజ్మెంట్కు ఒక సీరియస్ లెటర్ రాశారు. నిన్నటివరకు ఆయన పొటాషియం లెవెల్స్ బాగున్నాయని, ఈరోజు సడన్గా తగ్గిపోయాయని ఓరల్గా చెబుతున్నారే తప్ప మెడికల్ రిపోర్ట్స్ చూపించడం లేదని ఆమె ఆరోపించారు. హాస్పిటల్లో అస్సలు ట్రాన్స్పరెన్సీ (పారదర్శకత) లేదని, అందుకే తమకు నమ్మకం పోయిందని, వెంటనే డిశ్చార్జ్ ఫార్మాలిటీస్ పూర్తి చేస్తే.. తమకు నచ్చిన వేరే హాస్పిటల్కు మారుస్తామని ఆమె లెటర్ లో స్పష్టం చేశారు.
HYDRAAకు మద్దతుగా భారీ ర్యాలీ
TG: హైదరాబాద్లో హైడ్రాకు మద్దతుగా పలు కాలనీలు, బస్తీ వాసులు భారీ సంఘీభావ ర్యాలీ నిర్వహించారు. NTR గార్డెన్స్ నుంచి అమరవీరుల స్మారక చిహ్నం వరకు జరిగిన ర్యాలీలో కాలనీ సంక్షేమ సంఘాల ప్రతినిధులు పాల్గొని హైడ్రాకు మద్దతుగా నినాదాలు చేశారు. HYDRAAను రాష్ట్రవ్యాప్తంగా విస్తరించాలని, ప్రభుత్వ భూములను కబ్జాల నుంచి రక్షించడంలో సంస్థ కీలక పాత్ర పోషించిందని పేర్కొన్నారు. చెరువుల పునరుద్ధరణ, పర్యావరణ పరిరక్షణలో హైడ్రా సేవలను ప్రశంసిస్తూ, సంస్థను మరింత బలోపేతం చేసి శాశ్వతంగా కొనసాగించాలని ప్రభుత్వాన్ని కోరారు.
బస్టాండ్లో యువతిని నరికి చంపిన ప్రేమోన్మాది
కర్ణాటక రాష్ట్రం మంగళూరు దగ్గర్లోని బంట్వాల్ బస్టాండ్లో లావణ్య(21) అనే యువతిని ఆమెకు దూరపు బంధువైన చేతన్ దారుణంగా నరికి చంపాడు. బస్టాండ్లో ఉన్న లావణ్యను కత్తితో పొడిచి అక్కడి నుండి పారిపోయాడు. పోలీసులు నిందితుడి కోసం గాలిస్తున్నారు. ఈ హత్యకు ప్రేమ వ్యవహారమే కారణమని, ప్రేమను కాదన్నందుకే నిందితుడు లావణ్యను చంపేసుంటాడని అనుమానిస్తున్నారు.
రైల్వే టెక్నీషియన్ పోస్టులకు నోటిఫికేషన్
రైల్వేశాఖలో 6,557 టెక్నీషియన్ పోస్టుల భర్తీకి నోటిఫికేషన్ విడుదల చేశారు. అభ్యర్థులు ఈనెల 29 వరకు అప్లై చేసుకోవచ్చని తెలిపారు. వీటిలో టెక్నీషియన్ గ్రేడ్-1(సిగ్నల్)లో 323 పోస్టులు, టెక్నీషియన్ గ్రేడ్-3లో 6,234 పోస్టులు ఖాళీగా ఉన్నాయి. టెన్త్ , ఐటీఐ, యాక్ట్ అప్రెంటిస్షిప్, బీఎస్సీ, డిప్లొమా లేదా ఏదైనా డిగ్రీ పూర్తి చేసి, 18 నుండి 33 సంవత్సరాల మధ్య వయసున్నవారు ఈ ఉద్యోగాలకు అర్హులు. ఆన్లైన్ ఎగ్జామ్, సర్టిఫికెట్ వెరిఫికేషన్, మెడికల్ చెకప్ ఆధారంగా ఎంపిక చేస్తారు. వెబ్సైట్: https://www.rrbapply.gov.in/
చిన్నారి ముక్కులో చాక్పీస్
TG: మేడ్చల్ జిల్లా నూతన్కల్ ప్రాథమిక పాఠశాలలో ఓ చిన్నారి చాక్పీస్ను ముక్కులో పెట్టుకుని ఇబ్బందికి గురైంది. 1వ తరగతి చదువుతున్న విద్యార్థిని పరిస్థితిని గమనించిన ఉపాధ్యాయులు వెంటనే 108 అంబులెన్స్కు సమాచారం అందించారు. హుటాహుటిన ఘటన స్థలానికి చేరుకున్న 108 EMT యాదమ్మ, పైలట్ తిరుపతి చాకచక్యంగా చిన్నారి ముక్కులో ఇరుక్కున్న చాక్పీస్ను సురక్షితంగా తొలగించారు. దీంతో ప్రమాదం తప్పి చిన్నారి క్షేమంగా బయటపడింది. సమయానికి స్పందించి ప్రాణాపాయం తప్పించిన వైద్య సిబ్బందికి చిన్నారి తల్లిదండ్రులు, పాఠశాల ఉపాధ్యాయులు కృతజ్ఞతలు తెలిపారు.
నిర్మలా సీతారామన్కు సీఎం చంద్రబాబు విజ్ఞప్తి
AP: అమరావతిలోని క్యాంపు ఆఫీస్లో సీఎం చంద్రబాబును కేంద్రమంత్రి నిర్మలా సీతారామన్ మర్యాదపూర్వకంగా కలిశారు. రొయ్యల మేత తయారీకి ఉపయోగించే ముడి పదార్థాల ధరలను స్థిరీకరించేందుకు కేంద్రం త్వరగా నిర్ణయం తీసుకోవాలని చంద్రబాబు నిర్మలా సీతారామన్ను కోరారు. రాష్ట్రానికి సంబంధించిన వివిధ పెండింగ్ అంశాలను కేంద్రమంత్రి దృష్టికి సీఎం తీసుకొచ్చారు. ఈ అంశాలపై కేంద్రం సానుకూలంగా స్పందించాలని విజ్ఞప్తి చేశారు.
70 వేల ఉద్యోగాలు నిరూపిస్తే రాజకీయ సన్యాసం: కేటీఆర్
TG: కాంగ్రెస్ ప్రభుత్వం నిరుద్యోగులకు 70 వేల ఉద్యోగాలు ఇచ్చినట్లు నోటిఫికేషన్లతో సహా నిరూపిస్తే తను శాశ్వతంగా రాజకీయ సన్యాసం తీసుకుంటానని బీఆర్ఎస్ వర్కింగ్ ప్రెసిడెంట్ కేటీఆర్ సవాల్ చేశారు. హైదరాబాద్ సరూర్నగర్లో జరిగిన బీఆర్ఎస్ యువసంగ్రామ సదస్సులో ఆయన మాట్లాడుతూ ఉద్యోగాలు ఇచ్చినట్టు నిరూపిస్తే రాహుల్ గాంధీకి జైకొడతానన్నారు. ఉద్యోగాలు భర్తీ చేసే దమ్ము రేవంత్ రెడ్డికి ఉందా అంటూ కేటీఆర్ తీవ్రస్థాయిలో గొంతెత్తారు. నిరుద్యోగుల హక్కుల కోసమే ఈ సదస్సు పెట్టినట్లు తెలిపారు.
యువత పిడికిలి బిగిస్తే పాలకుల పీఠాలు కదులుతాయి
TG: హైదరాబాద్ సరూర్నగర్లో నిర్వహించిన యువ సంగ్రామ సదస్సులో BRS పార్టీ వర్కింగ్ ప్రెసిడెంట్ KTR కాంగ్రెస్ ప్రభుత్వంపై ఫైరయ్యారు. యువత కోసం BRS పోరాటం చేస్తుందన్నారు. యువశక్తి కదిలితే పాలకుల పీఠాలు కదిలిపోతాయని అన్నారు. తెలంగాణ ఉద్యమంలో యువత కీలక పాత్ర పోషించిందని గుర్తుచేసిన ఆయన, రేపటి తెలంగాణ భవిష్యత్తు యువత చేతుల్లోనే ఉందన్నారు. నిరుద్యోగులను మోసం చేసిన వారిని నిలదీయడానికే ఈ సదస్సు నిర్వహించామన్నారు. హామీలు అమలుచేయకపోతే పోరాటం మరింత ఉధృతం చేస్తామని హెచ్చరించారు.
రైల్లో ఇవి కూడా దొంగతనం చేస్తున్నారా?
భారతీయ రైల్వే AC కోచ్లలో బెడ్షీట్లు, టవల్స్, దుప్పట్లు మాయమవుతున్న ఘటనలు పెరుగుతున్నాయి. 2022 నుంచి 2026 మే వరకు మొత్తం 1.27 కోట్లకు పైగా లెనిన్ వస్తువులు మిస్సయ్యాయని RTI ద్వారా తెలిసింది. ఈ చోరీల వల్ల రూ.104 కోట్లకు పైగా నష్టం జరిగినట్లు సమాచారం. ఎక్కువగా ఫేస్ టవల్స్, బెడ్షీట్లు, పిల్లో కవర్లు ప్రయాణికులు తీసుకెళ్తున్నారని అధికారులు చెబుతున్నారు. ప్రయాణికులు రైల్వే వస్తువులను ఇంటికి తీసుకెళ్లొద్దని అధికారులు విజ్ఞప్తి చేస్తున్నారు.
హాస్పిటల్లో సోనమ్ వాంగ్చుక్- ఫోన్ బ్యాన్.. లాయర్లకు నో ఎంట్రీ!
ఢిల్లీలోని సఫ్దర్జంగ్ హాస్పిటల్లో గవర్నమెంట్ చాలా రూల్స్ పెట్టింది. అక్కడ ట్రీట్మెంట్ తీసుకుంటున్న సోనమ్ వాంగ్చుక్, హాస్పిటల్ రూమ్లోకి ఫోన్ తీసుకెళ్లనివ్వడం లేదని అతని భార్య ఆరోపించింది. అంతేకాకుండా, ఆయన మెడికల్ రిపోర్ట్స్ను కూడా ఫ్యామిలీకి చూపించడం లేదని, కనీసం వారి పర్సనల్ డాక్టర్లను, లాయర్లను కూడా కలవనివ్వడం లేదని వారు బాధపడుతున్నారు. గవర్నమెంట్ కావాలనే ఇలా 'డిక్టేటర్షిప్' చేస్తోందంటూ సోషల్ మీడియాలో ఈ వీడియో తెగ వైరల్ అవుతోంది.
ఆమరణ నిరాహార దీక్షకు కూర్చున్న అభిజిత్ దీప్కే!
సోనమ్ వాంగ్చుక్ అరెస్ట్కు నిరసనగా 'కాక్రోచ్ జనతా పార్టీ' ఫౌండర్ అభిజిత్ దీప్కే కీలక నిర్ణయం తీసుకున్నారు. ఆయన జంతర్ మంతర్ వద్ద ఆమరణ నిరాహార దీక్ష స్టార్ట్ చేశారు. సోనమ్ వాంగ్చుక్ ఫోటోను చేతబట్టుకుని ఆయన దీక్షకు కూర్చున్న పిక్ ఇప్పుడు సోషల్ మీడియాలో వైరల్ అవుతోంది. ఈ సందర్భంగా జులై 20న జరగబోయే 'చలో సంసద్' మార్చ్ ఎలాంటి మార్పులు లేకుండా ప్లాన్ ప్రకారం జరిగి తీరుతుందని స్పష్టం చేశారు. దీంతో ఢిల్లీలో పొలిటికల్ హీట్ మరింత పెరిగింది.
తీవ్ర భావోద్వేగానికి గురైన అభిజిత్ దీప్కే!
సోనమ్ వాంగ్చుక్ అరెస్ట్ తర్వాత 'కాక్రోచ్ జనతా పార్టీ' ఫౌండర్ అభిజిత్ దీప్కే తీవ్ర భావోద్వేగానికి గురై, కన్నీళ్లు పెట్టుకున్నారు. ఈ వీడియో ఇప్పుడు సోషల్ మీడియాలో విపరీతంగా వైరల్ అవుతోంది. "దీప్కే కార్చిన ప్రతి కన్నీటి చుక్క, చిందించిన ప్రతి చెమట చుక్క ఈ ఉద్యమాన్ని మరింత ముందుకు తీసుకెళ్తాయి. ఈ దేశ యువత ఎవరికీ తలవంచదు" అంటూ నెటిజన్లు, నిరసనకారులు ఆయనకు మద్దతుగా నిలుస్తున్నారు.
సోనమ్ వాంగ్చుక్ అరెస్ట్పై అభిజిత్ దీప్కే ఎమోషనల్!
ఢిల్లీ: సోనమ్ వాంగ్చుక్ను పోలీసులు బెడ్షీట్స్ కప్పి బలవంతంగా తీసుకెళ్లడంపై తీవ్ర నిరసనలు వ్యక్తమవుతున్నాయి. దీనిపై అభిజిత్ దీప్కే ప్రెస్మీట్లో మాట్లాడుతూ.. "ఆయన ఏమైనా క్రిమినలా? అంత హెల్త్ కేర్ ఉంటే గౌరవంగా తీసుకెళ్లాలి కానీ, ఇలా బెడ్షీట్లలో దాచి తరలించడం ఏంటి?" అని ఎమోషనల్ అయ్యారు. జంతర్ మంతర్ వద్ద జరుగుతున్న ఈ నిరసనలను పోలీసులు ఆపాలని చూస్తే, దేశంలోని ప్రతి స్టేట్, ప్రతి డిస్ట్రిక్ట్లో ప్రజలు ఒక జంతర్ మంతర్ను క్రియేట్ చేసి ప్రొటెస్ట్ చేయాలని పిలుపునిచ్చారు.
మాజీ భార్య ఇంటి వద్ద కానిస్టేబుల్ హల్చల్
TG: మంచిర్యాల జిల్లాలో హాజీపూర్ PSకు చెందిన కానిస్టేబుల్ కార్తీక్పై మాజీ భార్య ప్రవీణ తీవ్ర ఆరోపణలు చేశారు. విడాకుల అనంతరం ఆస్తి పత్రాల కోసం తనను వేధిస్తున్నాడని, ఇవ్వకపోతే చంపేస్తానని బెదిరిస్తూ మద్యం మత్తులో కత్తులతో ఇంటికి వచ్చాడని ఆరోపించారు. అతడితో పాటు వచ్చిన ఇద్దరు మహిళలు కూడా తనపై దాడి చేశారని తెలిపారు. ఎక్కడికి వెళ్లినా తనపై నిఘా పెట్టిస్తున్నాడని, పోలీస్ స్టేషన్లలో ఫిర్యాదు చేసినా న్యాయం జరగడం లేదని ఆవేదన వ్యక్తం చేశారు. కానిస్టేబుల్ను వెంటనే అరెస్ట్ చేసి తమకు రక్షణ కల్పించాలని బాధితురాలు అధికారులను కోరారు.
స్టీలు ప్లేటులో పర్యావరణ పాఠం
TG: పాఠాలు చెప్పడమే కాదు..ఆచరించి చూపించి విద్యార్థులకు నేర్పుతాం అంటున్నారు సంగారెడ్డి జిల్లా ఉపాధ్యాయులు. జిల్లా స్థాయి శిక్షణలో టీచర్లు తమ విద్యార్థులకు పర్యావరణ పరిరక్షణపై అవగాహన అందించేందుకు లంచ్ టైంలో ఇంటి నుండి తెచ్చుకున్న స్టీల్ ప్లేట్లలో తిన్నారు. ఇళ్ల నుంచే స్టీల్ ప్లేట్స్, గ్లాసులు, బాటిళ్లు తెచ్చుకోవాలని పిల్లలకు చెప్పారు. సింగిల్ యూజ్ ప్లాస్టిక్ విడిచిపెట్టి, పర్యావరణరహితమైన వస్తువులనే వాడాలని తెలిపారు.
పవన్ కల్యాణ్ను పరామర్శించిన రఘురామకృష్ణ రాజు
AP: కుడిభుజానికి ఆపరేషన్ చేయించుకున్న డిప్యూటీ సీఎం పవన్ కల్యాణ్ను డిప్యూటీ స్పీకర్ రఘురామకృష్ణ రాజు పరామర్శించారు. వారితోపాటు శాసనసభ విప్ బొమ్మిడి నాయకర్, మాజీ మంత్రి బాలినేని శ్రీనివాసరెడ్డి, ఎమ్మెల్యేలు నిమ్మక జయకృష్ణ కూడా పవన్ ఆరోగ్య పరిస్థితిని అడిగి తెలుసుకున్నారు. ఇతర ఎమ్మెల్యేలు, నాయకులు, నిర్మాతలు, న్యాయవాదులు, మీడియా సంస్థల నిర్వాహకులు పవన్ కల్యాణ్ను పరామర్శించారు.
స్కైరూట్ ఏరోస్పేస్..ఇది చాలా ప్రత్యేకం
2018లో ఇస్రో మాజీ శాస్త్రవేత్తలు పవన్ కుమార్ చందన, నాగ భరత్ డాకా స్థాపించిన సంస్థే ఈ స్కైరూట్ ఏరోస్పేస్. ప్రపంచంలోని మినీ-సాటిలైట్ మార్కెట్ కోసం వాణిజ్యపరంగా ప్రయోగ వాహనాలను డెవలప్ చేయడానికి దీన్ని మొదలుపెట్టారు. మొదట్లో ఈ సంస్థ ప్రయోగ వాహనాల టెక్నాలజీని అభివృద్ధి చేయడంపై దృష్టి పెట్టింది. ప్రయోగ ఖర్చు, ఉత్పత్తి సమయం తగ్గించే లక్ష్యంతో పనిచేసింది. ప్రస్తుతం నింగిలోకి దూసుకెళ్లిన విక్రమ్-1 సాటిలైట్ ఈ సంస్థ తయారు చేసిందే.