Latest
లింక్డ్ఇన్ మేకోవర్ - ఉద్యోగాల వేటలో కొత్త ట్రెండ్:
లింక్డ్ఇన్ (LinkedIn) ప్రొఫైల్ను ఆకర్షణీయంగా మార్చుకోవడం (మేకోవర్) ద్వారా అభ్యర్థులు త్వరగా ఉద్యోగాలు పొందుతున్నారు. కేవలం సాధారణ సమాచారానికే పరిమితం కాకుండా.. ప్రొఫెషనల్ హెడ్షాట్ ఫోటో, నైపుణ్యాలను ప్రతిబింబించే హెడ్లైన్, ఏఐ (AI) సాయంతో రాసిన ఆకట్టుకునే సమ్మరీలతో కూడిన ప్రొఫైల్స్ రిక్రూటర్లను ఎక్కువగా ఆకర్షిస్తున్నాయి. ఇలాంటి స్మార్ట్ మార్పులు అభ్యర్థుల ప్రొఫైల్ విజిబిలిటీని పెంచి, ఇంటర్వ్యూ అవకాశాలను మెరుగుపరుస్తున్నాయి.
క్యాన్సర్ బాధితులకు బసవతారకం హాస్పిటల్ ఓ భరోసా
TG: క్యాన్సర్ బాధితులకు బసవతారకం హాస్పిటల్ ఓ భరోసా అని కేంద్రమంత్రి అనుప్రియ పటేల్ అన్నారు. హైదరాబాద్లోని బసవతారకం క్యాన్సర్ ఆసుపత్రి రజతోత్సవ కార్యక్రమంలో ఆమె మాట్లాడారు. ఇక్కడ చాలా తక్కువ ఖర్చుతో వైద్యం అందించడం అభినందనీయమన్నారు. నిరుపేదలకు మెరుగైన వైద్యసేవలను అందించాలనే మహోన్నత లక్ష్యంతో ఏర్పాటైన బసవతారకం హాస్పిటల్ రెండున్నర దశాబ్దాలపాటు సేవలను అందిచడం గొప్ప విషయమని కేంద్రమంత్రి పేర్కొన్నారు.
మతిమరుపు సమస్యకు ఇలా చెక్ పెట్టండి !
మెదడును చురుగ్గా ఉంచేందుకు మధ్య వయస్సులో కొత్త నైపుణ్యాలను నేర్చుకోవడం ఎంతో అవసరం. పజిల్స్ పూరించడం, కొత్త భాష నేర్చుకోవడం, సంగీత వాయిద్యాలు వాయించడం లేదా కొత్త అలవాట్లను పెంపొందించుకోవడం వంటివి మెదడులోని నరాల కణాల మధ్య సరికొత్త Neural Networks ఏర్పరుస్తాయి. ఈ 'మెంటల్ జిమ్నాస్టిక్స్' వృద్ధాప్యంలో వచ్చే మతిమరుపు సమస్యలకు అడ్డుకట్ట వేస్తాయి.
పాలమూరులో బ్రహ్మోస్ మిస్సైల్ తయారీ యూనిట్
అత్యాధునిక బ్రహ్మోస్ క్షిపణులను తయారుచేసే యూనిట్ను తెలంగాణలో ఏర్పాటుకు రంగం సిద్ధమైంది. ‘మేక్ ఇన్ ఇండియా’, ‘ఆత్మనిర్భర్ భారత్’ పథకాల్లో భాగంగా బ్రహ్మోస్ మిస్సైల్ తయారీ 2వ యూనిట్ను మహబూబ్నగర్ జిల్లా దేవరకద్ర నియోజకవర్గంలో ఏర్పాటు చేయనున్నారు. ఈ యూనిట్ ఏర్పాటు నిమిత్తం సర్వే నిర్వహించిన బ్రహ్మోస్ బృందం.. ఆ ప్రాంతం అన్నివిధాలా అనుకూలంగా ఉందని సంతృప్తి వ్యక్తం చేసింది. రక్షణశాఖ లఖ్నవూ (UP)లో మొదటి యూనిట్ ఏర్పాటు చేయగా మహబూబ్నగర్లో రెండో యూనిట్.
రికార్డులు కొల్ల గొడుతున్న హాలీవుడ్ మూవీ అబ్సెషన్
హాలీవుడ్ మూవీ అబ్సెషన్ ఇండియాలోనూ రికార్డులు కొల్లగొడుతోంది. ఇప్పటి వరకూ రూ.77 కోట్లకు పైగానే రాబట్టినట్లు ట్రేడ్ వర్గాలు చెబుతున్నాయి. నటీనటులు, దర్శకుడు అందరూ కొత్త వారే అయినా కానీ ప్రేక్షకుల మనసును మాత్రం దోచేశారు. సమాజంలో నిజ జీవితాలకు ఈ కథ దగ్గరగా ఉండటంతో ఎక్కువమందికి కనెక్ట్ అయ్యింది. ఒక మనిషి మీద ప్రేమ హద్దులు దాటి చివరకు సమస్యగా మారితే ఏం జరుగుతుందో ఈ సినిమాలో చూపించారు.
మాకు న్యాయం చేయండి- ఔట్ సోర్సింగ్ టీచర్ల నిరసన
ఆంధ్రప్రదేశ్ గిరిజన సంక్షేమ గురుకుల విద్యాసంస్థల్లో పది, పదిహేనేళ్లుగా ఔట్సోర్సింగ్ విధానంలో పనిచేస్తున్న ఉపాధ్యాయులు తమను కొనసాగించాలని డిమాండ్ చేస్తూ సోమవారం గిరిజన సంక్షేమ గురుకుల కార్యాలయం ఎదుట నిరసన చేపట్టారు. మెగా డీఎస్సీ కారణంగా తమ ఉపాధి కోల్పోయామని, గురుకుల బైలాస్కు విరుద్ధంగా తమ పోస్టులను డీఎస్సీలో విలీనం చేశారని వారు ఆవేదన వ్యక్తం చేశారు. తమ నియామకాలకు ప్రత్యేక డీఎస్సీ నిర్వహించాలని, లేకపోతే కాంట్రాక్టు విధానంలోకి తీసుకోవాలని లేదా రెగ్యులర్ చేసి మిగిలిన ఖాళీలను భర్తీ చేసుకోవాలని గతంలోనే ప్రభుత్వాన్ని కోరినట్లు తెలిపారు.
రామమందిర నిర్వహణ లోపాల మయం- సిట్ దర్యాప్తులో వెల్లడి
అయోధ్య రామమందిర విరాళాల చోరీ, అవకతవకల ఆరోపణలపై దర్యాప్తు చేస్తున్న ప్రత్యేక విచారణ బృందం (SIT) పలు కీలక లోపాలను గుర్తించింది. నగదు లెక్కింపు, ఉద్యోగుల నియామకం, భద్రతా తనిఖీలలో తీవ్ర నిర్లక్ష్యం జరిగినట్లు సిట్ పేర్కొంది. నిబంధనల ప్రకారం డ్రెస్ కోడ్ పాటించకపోవడం, సీసీటీవీ (CCTV) కెమెరాల నిఘాలో లోపాలు ఉండటం వల్ల దొంగతనాలకు ఆస్కారం కలిగిందని దర్యాప్తులో తేలింది. ఈ సమగ్ర నివేదికను ముఖ్యమంత్రి యోగి ఆదిత్యనాథ్కు సిట్ సమర్పించనుంది.
ఇకపై ప్రిస్క్రిప్షన్ ఉంటేనే కాఫ్ సిరప్ ల అమ్మకం
దేశంలో 2,000 పైగా కాఫ్ సిరప్ బ్రాండ్లు అందుబాటులో ఉన్న నేపథ్యంలో, వాటి నాణ్యత ,భద్రతను నిర్ధారించడానికి ప్రభుత్వం కీలక నిర్ణయం తీసుకుంది. కలుషిత సిరప్ల వల్ల ఎదురవుతున్న ఆరోగ్య ప్రమాదాలు, దుర్వినియోగాన్ని అరికట్టేందుకు కేంద్ర ఆరోగ్య మంత్రిత్వ శాఖ 'ఓవర్-ది-కౌంటర్' (OTC) విక్రయాలను నిషేధించింది. ఇకపై డాక్టర్ ప్రిస్క్రిప్షన్ ఉంటేనే ఫార్మసీలు వీటిని విక్రయించాలి. అలాగే, ముడిసరుకుల నాణ్యతను ట్రాక్ చేయడానికి క్యూఆర్ (QR) కోడ్ విధానాన్ని, తప్పనిసరి బ్యాచ్ టెస్టింగ్ను నిబంధనలుగా తెచ్చింది.
వాట్సప్ సీఈఓ గా ఇండియన్ !
వాట్సాప్ మాతృసంస్థ 'మెటా', ప్రముఖ ఇండియన్ ఫిన్ టెక్ స్టార్టప్ 'క్రెడ్' (CRED) లో దాదాపు రూ. 9,500 కోట్లు ($900 మిలియన్లు) పెట్టుబడి పెట్టనుంది. ఈ ఒప్పందంలో భాగంగా, క్రెడ్ వ్యవస్థాపకుడు కునాల్ షా వాట్సాప్ గ్లోబల్ సీఈఓ (గ్లోబల్ హెడ్) గా బాధ్యతలు చేపట్టనున్నారు. ఒక భారతీయ వ్యాపారవేత్త ప్రపంచంలోనే అతిపెద్ద మెసేజింగ్ యాప్కు నాయకత్వం వహించడం విశేషం.
స్టాక్ రేస్ లో ఏపీని దాటి దూసుకు పోతున్న బెంగాల్
స్టాక్ మార్కెట్ పెట్టుబడిదారుల (ఇన్వెస్టర్ల) సంఖ్యలో ఆంధ్రప్రదేశ్ను అధిగమించి పశ్చిమ బెంగాల్ వేగంగా దూసుకుపోతోంది. నేషనల్ స్టాక్ ఎక్స్ఛేంజ్ (NSE) గణాంకాల ప్రకారం, బెంగాల్లో కొత్త డీమ్యాట్ ఖాతాలు ,క్రియాశీల ఇన్వెస్టర్ల సంఖ్య ఏపీ కంటే వేగంగా పెరిగింది. పారిశ్రామిక వృద్ధి, పెరుగుతున్న ఆర్థిక అవగాహన , యువత షేర్ మార్కెట్ వైపు అట్రాక్ట్ కావడం వల్ల బెంగాల్ ఈ రేసులో ముందంజలో నిలిచింది.
మీరు వాడే కారం పొడి కల్తీదా? ఇంట్లోనే ఇలా గుర్తించండి!
ఈ రోజుల్లో పాలు, కూరగాయలతో పాటు కారంలోనూ సుడాన్ రెడ్ లాంటి హానికర కెమికల్స్ కలిపి కల్తీ చేస్తున్నారు. అయితే కొన్ని చిట్కాలతో దీన్ని కనిపెట్టవచ్చు. గ్లాస్ నీటిలో కారం వేసినప్పుడు నీరు బాగా ఎర్రగా మారినా, చేతితో రుద్దినప్పుడు రంగు బలంగా అంటుకున్నా అది కల్తీనే. అలాగే కారంలో నిమ్మరసం కలిపినప్పుడు బుడగలు వస్తే అందులో వాషింగ్ సోడా ఉన్నట్లు అర్థం. స్వచ్ఛమైన కారానికి సహజమైన ఘాటు, లేత ఎరుపు రంగు ఉంటాయి. కాబట్టి హెల్త్ ప్రాబ్లమ్స్ రాకుండా నమ్మకమైన బ్రాండ్స్ వాడటం మంచిది.
బాలయ్య గురుంచి కాజల్ ఇంట్రెస్టింగ్ కామెంట్స్!
నందమూరి బాలకృష్ణ నెక్స్ట్ మూవీ ‘NBK111’ లో హీరోయిన్గా నటిస్తున్న కాజల్ అగర్వాల్ ప్రెస్ ముందు కొన్ని ఇంట్రెస్టింగ్ విషయాలు చెప్పారు. ఈ సినిమాలో తన క్యారెక్టర్ చాలా పవర్ఫుల్గా ఉండబోతుందని అంటూ హ్యాపీనెస్ షేర్ చేసుకున్నారు. బాలయ్యతో కలిసి యాక్ట్ చేయాలనేది తన డ్రీమ్ అని, అది ఇప్పుడు నిజమైందని అన్నారు. షూటింగ్ సెట్స్లో బాలయ్య ఎనర్జీ వేరే లెవెల్లో ఉంటుందని, ఈ వర్కింగ్ ఎక్స్పీరియన్స్ తనకు ఎప్పటికీ గుర్తుండిపోతుందని కాజల్ చెప్పారు.
వర్షంలో సచిన్ టెండూల్కర్ ఆటలు.. వీడియో వైరల్!
సచిన్ టెండూల్కర్ షేర్ చేసిన ఒక లేటెస్ట్ వీడియో ఇప్పుడు సోషల్ మీడియాలో ఫుల్ వైరల్ అవుతోంది. వర్షం పడుతుండగా సచిన్ బయటకు వచ్చి, వర్షంలో తడుస్తూ తన పెంపుడు కుక్కతో కలిసి సరదాగా ఆడుకున్నారు. ఆ బాల్ని అటు ఇటు విసురుతూ ఫుల్ ఎంజాయ్ చేశారు. ఎప్పుడూ బిజీగా ఉండే సచిన్. ఇలా వర్షాన్ని ఎంజాయ్ చేస్తూ చాలా సింపుల్గా కనిపించడంతో ఫ్యాన్స్ ఫిదా అవుతున్నారు. ఈ క్యూట్ వీడియోకి తెగ లైక్స్ కొడుతున్నారు.
నిట్ట నిలువుగా చీలిన శివసేన- ఆరుగురు ఎంపీల జంప్
మహారాష్ట్ర రాజకీయాల్లో ఉత్కంఠకు తెరదించుతూ, ఉద్ధవ్ థాకరే వర్గం తొమ్మిది మంది ఎంపీలలో ఆరుగురు సోమవారం సాయంత్రం ముంబైలో ముఖ్యమంత్రి ఏకనాథ్ షిండే నేతృత్వంలోని శివసేనలో చేరిపోయారు. దాంతో మహారాష్ట్రలో రెండో అతిపెద్ద పార్టీ గా ఏక్ నాథ్ షిండే శివసేన వర్గం గుర్తింపు పొందింది. యాంటి డిఫెక్షన్ లా ముప్పు నుంచి వీరు తప్పించుకున్నట్లే. నియోజక వర్గాలకు నిధుల కొరత కారణంగానే షిండే వర్గంలోకి మారామని ఫిరాయించిన ఎంపీలు తెలిపారు. ఉద్ధవ్ వర్గం ఇప్పుడు మైనారిటీలో పడిపోయింది.
దువ్వాడ శ్రీనివాస్ కోసం మాధురి ధర్నా.. శ్రీకాకుళంలో టెన్షన్!
శ్రీకాకుళం జిల్లా కొత్తూరు సర్కిల్ పోలీస్ స్టేషన్ ముందు దువ్వాడ శ్రీనివాస్ కోసం మాధురి ధర్నాకు దిగారు. AP మంత్రి అచ్చెన్నాయుడు చేసిన రూ.75 కోట్ల ధాన్యం కుంభకోణాన్ని ప్రశ్నించినందుకే దువ్వాడ శ్రీనివాస్ను పోలీసులు టార్గెట్ చేసి హింసిస్తున్నారని ఆమె ఆరోపించారు. తప్పును ప్రశ్నించడం నేరమా అంటూ పోలీసులను నిలదీశారు. దువ్వాడ శ్రీనివాస్కు సపోర్ట్గా ఆమె పోలీస్ స్టేషన్ ముందే కూర్చోవడంతో అక్కడ కాసేపు తీవ్ర ఉద్రిక్తత, టెన్షన్ వాతావరణం నెలకొంది. ప్రస్తుతం ఈ ధర్నాకు సంబంధించిన వీడియో సోషల్ మీడియాలో ఫుల్ వైరల్ అవుతోంది.
రూ. 5 కోట్ల రిటైర్మెంట్ ఫండ్ సరిపోదా? షాకింగ్ నిజాలు!
మీరు రూ. 5 కోట్లు దాచుకుంటే లైఫ్ సెటిల్ అనుకుంటున్నారా? అయితే పప్పులో కాలేసినట్టే! సగటున 6% ద్రవ్యోల్బణం (Inflation) లెక్కగడితే, మరో 30 ఏళ్లలో (2056 నాటికి) ఈ రూ. 5 కోట్ల కొనుగోలు శక్తి కేవలం రూ. 87 లక్షలకే పడిపోతుంది. అదే 40 ఏళ్లకైతే (2066 నాటికి) దీని విలువ కేవలం రూ. 49 లక్షలకే పరిమితం కానుంది! ఇక 10-12% పెరిగే వైద్య ఖర్చుల గురించి చెప్పక్కర్లేదు. అందుకే కేవలం సేవింగ్స్ నమ్ముకోకుండా, ఈక్విటీల్లో ఇన్వెస్ట్ చేస్తూ మీ ఫండ్ను పెంచుకోవడం అత్యంత కీలకం అని నిపుణులు హెచ్చరిస్తున్నారు.
మగవారికీ ఛైల్డ్ కేర్ లీవ్స్ - జీవో 70 సవరించిన ఏపీ ప్రభుత్వం
వివాహితులైన మహిళలతో పాటు, పురుషులు కూడా ఛైల్డ్ కేర్ లీవ్ కు అర్హులేనంటూ ఏపీ ప్రభుత్వం జీవోను సవరించింది. అవివాహిత పురుషులు, భార్య చనిపోయినవారు, ఒంటరి పురుషులు సైతం, ఈ లీవును వాడుకోడానికి అర్హులే. అర్హులైన ప్రతి ఉద్యోగి తమ మొత్తం సర్వీస్ కాలంలో గరిష్టంగా 180 రోజులు (6 నెలలు) చైల్డ్ కేర్ లీవ్ను వాడుకోవచ్చు. గరిష్టంగా ఇద్దరు పిల్లల సంరక్షణ కోసం మాత్రమే ఈ సెలవులను అనుమతిస్తారు. జీవో 70 ప్రకారం పిల్లల సంరక్షణలో వయో పరిమితి నిబంధనలను ఎత్తేశారు. ఈ 180 రోజుల సెలవును గరిష్టంగా పది విడతల్లో వాడుకోవచ్చు
SBI లో భారీ నోటిఫికేషన్.. లక్షల్లో జీతం!
బ్యాంక్ జాబ్స్ కోసం చూస్తున్న యూత్కి స్టేట్ బ్యాంక్ ఆఫ్ ఇండియా (SBI) అదిరిపోయే గుడ్ న్యూస్ చెప్పింది. దేశవ్యాప్తంగా 1,500 ప్రొబేషనరీ ఆఫీసర్ (PO) పోస్టుల భర్తీకి నోటిఫికేషన్ రిలీజ్ చేసింది. ఏదైనా డిగ్రీ పాసైన వాళ్లు ఈ జాబ్స్ కి ఎలిజిబుల్. సెలెక్ట్ అయిన వారికి మెట్రో సిటీస్ లో ఏడాదికి దాదాపు రూ.22 లక్షల వరకు ప్యాకేజీ ఉంటుంది. ప్రిలిమ్స్, మెయిన్స్, ఇంటర్వ్యూల ద్వారా సెలెక్షన్ ప్రాసెస్ ఉంటుంది. అప్లై చేయడానికి జూలై 8 లాస్ట్ డేట్. జనరల్ అభ్యర్థులకు రూ.750 ఫీజు ఉండగా, ఎస్సీ, ఎస్టీలకు ఫ్రీ.
గోదావరి పుష్కరాలకు భారీ ఏర్పాట్లు
వచ్చే ఏడాది జూన్ 26నుంచి జులై 7 వరకూ జరిగే గోదావరి పుష్కరాలకు భారీ ఏర్పాట్లు చేస్తున్నట్లు మంత్రి ఆనం రామనారాయణ రెడ్డి తెలిపారు. 12 మంది మంత్రులతో కేబినెట్ సబ్ కమిటీని వేస్తున్నామన్నారు. పుష్కరాల దృష్ట్యా 162 ఆలయాల్లో రూ. 71.60 కోట్లతో అభివృద్ధి పనులు చేపట్టామని వచ్చే ఏడాది మార్చికల్లా వాటిని కంప్లీట్ చేస్తామని మంత్రి స్పష్టం చేశారు.
వాహనదారులకు షాకిచ్చిన కియా
ప్రముఖ కార్ల తయారీ సంస్థ కియా ఇండియా దేశంలో విక్రయించే తన అన్ని మోడళ్ల ధరలను పెంచాలని నిర్ణయించింది. వచ్చే జులై 1, 2026 నుంచి భారతదేశంలో విక్రయించే అన్ని కియా కార్ల ధరలను 2 శాతం వరకు పెంచనున్నట్లు కంపెనీ అధికారికంగా ప్రకటించింది. కారు మోడల్, వేరియంట్ను బట్టి ఈ ధరల పెంపులో మార్పు ఉంటుంది.
కిల్లర్ రోబోలు వచ్చేశాయ్ !
యుద్ధరంగంలో 'కిల్లర్ రోబోలు' ఇప్పుడు నిజమయ్యాయి. మనుషుల ప్రమేయం లేకుండానే శత్రువులను గుర్తించి మట్టుబెట్టే సాంకేతికత అందుబాటులోకి వచ్చింది. ఈ రోబోలకు ఫీడ్ చేసి వదిలి పెడితే యుద్ధరంగంలో శత్రువును మట్టుపెట్టేస్తాయి. అయితే, ఈ ప్రాణాంతక యంత్రాలను యుద్ధాల్లో అనుమతించాలా? లేదా మానవాళి మనుగడకే ముప్పుగా భావించి నిషేధించాలా? అనే కీలకమైన నిర్ణయాన్ని తేల్చుకోవాల్సింది మాత్రం ప్రపంచ దేశాలే.