Latest
హైదరాబాద్‌లో భారీ స్కామ్.. ఆరుగురు దొరికేశారు!
హైదరాబాద్‌లో క్యూనెట్ పేరుతో జరిగిన ఒక పెద్ద మోసాన్ని CCS పోలీసులు పట్టుకుని, ఆరుగురిని అరెస్ట్ చేశారు. ఈ గ్యాంగ్ మెయిన్‌గా జాబ్స్ లేని వాళ్లని, సాఫ్ట్‌వేర్ ఎంప్లాయిస్‌ని టార్గెట్ చేసింది. కొద్దిగా ఇన్వెస్ట్ చేస్తే కోట్లు సంపాదించవచ్చని నమ్మించి, ఒక్కొక్కరి దగ్గర ₹5 లక్షల నుండి ₹10 లక్షల వరకు వసూలు చేశారు. వాళ్ల దగ్గర ఉన్న ల్యాప్‌టాప్స్, ఇంపార్టెంట్ డాక్యుమెంట్స్‌ని పోలీసులు సీజ్ చేశారు. ఈ స్కామ్ ఫుల్ డీటెయిల్స్‌ని బంజారాహిల్స్ ICCC ఆఫీస్‌లో జరిగే ప్రెస్‌మీట్‌లో, హైదరాబాద్ సీపీ సజ్జనార్ ఈరోజు మధ్యాహ్నం 12 గంటలకి చెప్పబోతున్నారు.
ఇంట్లోనే ప్రొటీన్ పౌడర్ ఎలా తయారు చేసుకోవాలో తెలుసా?
మార్కెట్లో దొరికే ఖరీదైన ప్రొటీన్ పౌడర్స్ బదులు, ఇంట్లోనే నాచురల్‌గా తయారు చేసుకోవచ్చు. బాదం, వేయించిన వేరుశెనగ, జీడిపప్పు (ఒక్కో కప్పు), ఓట్స్, అవిసె గింజలు (అర కప్పు), గుమ్మడి గింజలను లైట్‌గా ఫ్రై చేసి, చల్లార్చాక మిక్సీ పట్టి పౌడర్ చేసుకోవాలి. ఫ్లేవర్ కోసం కొద్దిగా యాలకుల పొడి మిక్స్ చేసి ఎయిర్ టైట్ జార్‌లో దాచుకోవచ్చు. రోజూ 1-2 స్పూన్ల పౌడర్‌ను మిల్క్ తో తీసుకుంటే మజిల్ గ్రోత్ బాగుంటుంది, బాడీకి మంచి ఎనర్జీ వస్తుంది. Note: ఇందులోని ఇన్ఫర్మేషన్ అవగాహన కోసం మాత్రమే. ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది.
మళ్లీ పడిపోయిన గోల్డ్ రేట్స్.. ఈరోజు ధరలివే!
బంగారం కొనాలనుకునే వారికి గుడ్ న్యూస్. గోల్డ్ రేట్స్ వరుసగా రెండో రోజు కూడా భారీగా తగ్గాయి. హైదరాబాద్‌లో ఈరోజు 10 గ్రాముల 24 క్యారెట్ల బంగారం ధర ₹1,45,640 కి, 22 క్యారెట్ల ధర ₹1,33,500 కి పడిపోయింది. US-ఇరాన్ టెన్షన్స్ వల్ల డాలర్ వాల్యూ పెరగడంతోనే గోల్డ్ మార్కెట్ డౌన్ అయిందని ఎక్స్‌పర్ట్స్ చెప్తున్నారు. సిల్వర్ రేట్స్‌లో మాత్రం ఎలాంటి చేంజ్ లేదు. సో, గోల్డ్ కొనే ముందు రేట్స్ ఒకసారి చెక్ చేసుకోండి!
ప్రియుడి మోజులో పడి భర్తను కడతేర్చిన భార్య
TG: కామారెడ్డి జిల్లా సదాశివనగర్‌ మండలం మర్కల్‌ గ్రామానికి చెందిన కంచర్ల రాజయ్య (45), రేణుక దంపతులు. రేణుకకు గంగాశేఖర్ అనే వ్యక్తితో అక్రమ సంబంధం ఉంది. అడ్డుగా ఉన్న రాజయ్యను తొలగించుకోవాలని, అంతేకాకుండా రాజయ్య చనిపోతే ఆయన పేరు మీదున్న ఇన్సూరెన్స్ సొమ్ము తమకే దక్కుతుందని ప్లాన్ వేశారు. రేణుక, గంగాశేఖర్ పథకం ప్రకారం రాజయ్యకు మద్యం తాగించి ఐరన్ రాడ్‌తో కొట్టి హత్యచేశారు. అనుమానం రాకుండా రోడ్ యాక్సిడెంట్‌గా చిత్రీకరించారు. నేరం అంగీకరించడంతో నిందితులు రేణుక, గంగాశేఖర్‌లను పోలీసులు అరెస్టు చేసి రిమాండ్‌కు తరలించారు.
హత్య చేసి డెడ్‌బాడీని గోనె సంచిలో కట్టి..
AP: మార్కాపురం జిల్లా పుల్లలచెరువు మండలం శతకోడు గ్రామపరిధిలో రియల్ ఎస్టేట్ వ్యాపారి హత్య తీవ్ర కలకలం రేపింది. మృతుడు గుంటూరు జిల్లా వడ్డేశ్వరం గ్రామానికి చెందిన వ్యక్తిగా గుర్తించారు. భూవివాదానికి సంబంధించి రవికుమార్ శతకోడు గ్రామంలోని పొలానికి వచ్చిన సమయంలో ఈ ఘటన జరిగింది. హత్య అనంతరం డెడ్‌బాడీని గోనె సంచిలో పెట్టి బండరాళ్లతో కట్టి నీటిలో పడేశారు. పోలీసులు ఘటనా స్థలాన్ని పరిశీలించారు. భూవివాదమే హత్యకు కారణమా లేదా ఇతర కారణాలేమైనా ఉన్నాయా అనే కోణంలో దర్యాప్తు చేస్తున్నారు.
సాగర్ హైవేపై ఘోర రోడ్డు ప్రమాదం
TG: రంగారెడ్డి జిల్లా మంచాల మండలం ఆగపల్లి గ్రామశివారులోని నాగార్జునసాగర్ హైవేపై ఘోర రోడ్డు ప్రమాదం జరిగింది. హైవేపై రెండు కార్లు ఎదురెదురుగా వచ్చి ఢీకొన్నాయి. ప్రమాద తీవ్రతకు రెండు కార్లు నుజ్జునుజ్జవగా ప్రయాణికులు గాయాలతో బయటపడ్డారు. పలువురికి తీవ్ర గాయాలయ్యాయి. స్థానికులు వెంటనే 108 అంబులెన్స్‌కు సమాచారం అందించారు. క్షతగాత్రులను 108 అంబులెన్స్ ద్వారా ఇబ్రహీంపట్నం గవర్నమెంట్ హాస్పిటల్‌కు తరలించారు. ఒకరి పరిస్థితి విషమంగా ఉన్నట్లు వైద్యులు తెలిపారు.
ఇరాన్ దాడిలో ఇద్దరు పైలట్లు సేఫ్.. ఆపరేషన్ సక్సెస్
వాషింగ్టన్: ఇరాన్ దాడిలో హెలికాప్టర్ కూలిన ప్రమాదంలో చిక్కుకున్న ఇద్దరు అమెరికా పైలట్లను కాపాడిన మానవరహిత డ్రోన్ బోట్ (సీ బోట్) హిస్టరీ క్రియేట్ చేసింది. అమెరికాకు చెందిన AH-64 అపాచీ హెలికాప్టర్ హర్మూజ్ జలసంధి సమీపంలో ప్యాట్రోలింగ్ చేస్తుండగా ఇరాన్ దాడిచేసింది. హెలికాప్టర్ ఒమన్ తీరం దగ్గరలో కూలిపోయింది. పైలట్లు ప్రాణాలతో బయటపడ్డారు. అమెరికా నౌకాదళ టాస్క్‌ఫోర్స్ 59 రంగంలోకి దిగింది. కోర్ ఎయిర్ అటానమస్ డ్రోన్ బోట్ సహాయంతో వారిద్దరినీ నీటిలో నుంచి క్షేమంగా బయటకు తీసుకొచ్చారు. అమెరికా తొలిసారిగా చేపట్టిన ఈ ఆపరేషన్ విజయవంతమైంది.
విశాఖ బీచ్‌లో యువకుడు గల్లంతు
AP: విశాఖ బీచ్‌లో స్నానానికి వెళ్లి యువకుడు గల్లంతయ్యాడు. గల్లంతైన యువకుడు వుడా పార్కు వెనుక సముద్రపు ఒడ్డుకు కొట్టుకొచ్చిన డెడ్‌బాడీని గమనించిన స్థానికులు పోలీసులకు సమాచారం అందించారు. విశాఖ త్రీ టౌన్ పోలీసులు మృతదేహాన్ని పరిశీలించారు. అనంతరం సంఘటన స్థలానికి చేరుకున్న కుటుంబ సభ్యులు, బంధువులు అది మన్ కుమార్(19) మృతదేహమేనని గుర్తించి నిర్ధారించారు. పోస్టుమార్టం నిమ్మితం కింగ్ జార్జ్ హాస్పిటల్‌కు తరలించారు. కేసు నమోదు చేసి దర్యాప్తు చేపట్టారు.
మామిడిపండ్లు తిని అక్కాచెల్లెళ్లు మృతి
TG: మామిడిపండ్లు తిన్న తర్వాత అస్వస్థతకు గురై ఆస్పతిపాలైన అక్కాచెల్లెళ్లు చికిత్స పొందుతూ మరణించారు. కర్ణాటకలోని బీదర్‌కు చెందిన వైజినాథ్, ఇందుమతి దంపతులకు మొత్తం నలుగురు కుమార్తెలు. వీరు ఉపాధి కోసం బీదర్ నుంచి హైదరాబాద్‌కు వచ్చారు. నారాయణగూడలోని విఠల్‌‌వాడి ప్రాంతంలో నివాసం ఉంటున్నారు. ఇద్దరు కుమార్తెలు భువనేశ్వరి (17), సంధ్య (10) మామిడి పండ్లను తిని అస్వస్థతకు గురయ్యారు. చికిత్స పొందుతూ మృతి చెందారు.
CM అసమర్థతతోనే నగరవాసులకు నరకయాతన: KTR
TG: CM రేవంత్‌రెడ్డి అసమర్థత, బాధ్యతారాహిత్యంతో హైదరాబాద్ నగరవాసులు నరకయాతన అనుభవించాల్సి వచ్చిందని BRS వర్కింగ్‌ ప్రెసిడెంట్ KTR ఫైరయ్యారు. వర్షంతో ఎదురైన ఇబ్బందులను చక్కదిద్దాల్సిన సీఎం తొలి వానకే నగరం అతలాకుతలమైందని అంగీకరించడం సిగ్గుచేటు అని ఎక్స్‌ వేదికగా ఆయన ప్రశ్నించారు. వర్షానికి హైదరాబాద్ వాసులు ట్రాఫిక్‌లో చిక్కుకుపోయి నాలుగు గంటల పాటు నరకయాతన పడితే కాంగ్రెస్ ప్రభుత్వం నుంచి ఒక్కరంటే ఒక్కరూ స్పందించలేదని కేటీఆర్‌ ఆగ్రహం వ్యక్తం చేశారు.
కాలర్ పట్టుకుని సర్పంచ్‌పై మహిళ దాడి
TG: సంగారెడ్డి జిల్లా ఆందోల్ మండలం నేరడిగుంట గ్రామ సర్పంచ్ ఒగ్గు సాయికిరణ్‌పై అదే గ్రామానికి చెందిన ఓ మహిళ కాలర్ పట్టుకొని దాడి చేసింది. జోగిపేట తహసీల్దార్ ఆఫీస్‌లో కళ్యాణలక్ష్మీ చెక్కుల పంపిణీ అనంతరం సుశీల అనే మహిళకు చెందిన భూమిని సర్పంచ్ కుటుంబీకులు ఆక్రమించి సాగు చేసుకుంటున్నారని సర్పంచ్‌పై దాడి చేసింది. సర్పంచ్ అనుచరుడు సెల్‌ఫోన్‌లో వీడియో తీస్తుండగా ఆ మహిళ అతని కాలర్ పట్టుకొని కొద్దిదూరం ఈడ్చుకొచ్చి దాడి చేసింది.
శాఖల సమన్వయ లోపం.. వాహనదారులకు నరకం
TG: వర్షాకాలం నేపథ్యంలో అన్నిశాఖలతో సమన్వయ సమావేశాలు నిర్వహించిన హైడ్రా కమిషనర్ రంగనాథ్ తన సంస్థ ఆధ్వర్యంలో జరగాల్సిన సన్నద్ధతపై దృష్టిసారించలేదు. హైడ్రా హడావుడి చూసి.. అన్ని పనులను హైడ్రానే చూసుకుంటుందని మూడు కార్పొరేషన్లు చేతులెత్తేశాయి. గతంలో నగరంలో GHMC ఒక్కటే ఉండేది. తర్వాత హైడ్రా వచ్చింది. తాజాగా మరో రెండు కొత్త కార్పొరేషన్లు ఏర్పాటయ్యాయి. వరదలో చిక్కుకొని సుమారు మూడులక్షల మంది వాహనదారులు అర్థరాత్రి వరకు రోడ్లపై పడిగాపులు కాస్తే అధికారులు కనిపించలేదని విమర్శలు వెల్లువెత్తుతున్నాయి.
హైటెక్ సిటీలో 15ఏకరాల భూమికి కంచె
TG: హైటెక్ సిటీలోని ఖానామెట్ గ్రామంలో అరబిందో టవర్స్ పక్కనున్న 15ఎకరాల ప్రభుత్వ భూమికి హైడ్రా కంచె ఏర్పాటు చేసింది. రంగారెడ్డి జిల్లా శేరిలింగంపల్లి మండలం ఖానామెట్ విలేజ్‌లోని సర్వే నంబర్లు 41/12, 13, 14లో పదిహేను ఎకరాల ప్రభుత్వ భూమి ఉంది. హైకోర్టు ఆదేశాల మేరకు ప్రభుత్వ భూమి సంరక్షణకు చర్యలు చేపట్టినట్లు హైడ్రా కమిషనర్ ఏవీ రంగనాథ్ తెలిపారు. స్థలాన్ని ఖాళీ చేయాలంటూ 2016లో TGIIC ఇచ్చిన నోటీసులను సవాల్ చేస్తూ భూమి తమదేనంటూ ఇట్టినా ప్రాపర్టీస్ సంస్థ న్యాయస్థానాన్ని ఆశ్రయించింది. పిటిషనర్ సమర్పించిన పట్టా పత్రాలు నకిలీవి అని తేలింది.
పెయింట్ షాప్‌లో భారీ అగ్ని ప్రమాదం
AP: అనకాపల్లి జిల్లా S.రాయవరం మండలం అడ్డురోడ్డు జంక్షన్‌లో అగ్నిప్రమాదం జరిగింది. పెయింట్స్ అండ్ హార్డ్‌వేర్ షాప్‌లో ఒక్కసారిగా మంటలు చెలరేగాయి. వెంటనే ఫైర్ సిబ్బందికి సమాచారం అందించారు. ఫైర్ సిబ్బంది మంటలను అదుపులోకి తెచ్చారు. పెయింట్స్ షాపులో పెద్ద ఎత్తున కెమికల్స్, స్పిరిట్, డబ్బాలు నిల్వ ఉండటంతో మంటలు క్షణాల్లో తీవ్రరూపం దాల్చిచనట్లు స్థానికులు తెలిపారు. పోలీసులు కేసు నమోదు చేసి దర్యాప్తు చేస్తున్నారు. విద్యుత్ షార్ట్ సర్క్యూట్ వల్ల మంటలు చెలరేగినట్లు ప్రాథమికంగా అంచనా వేశారు.
ఇక్కడ భయంతోనే డ్యూటీ చేయాలి
TG: వికారాబాద్ జిల్లా మర్పల్లి తహసీల్దార్ కార్యాలయ భవనం శిథిలావస్థకు చేరింది. భవనం ఎప్పుడు కూలుతుందోనన్న భయంతో ఉద్యోగులు పనిచేస్తున్నారు. ఈ భవనంలో వివిధ విభాగాలకు చెందిన సుమారు 40మంది ఉద్యోగులు పని చేస్తున్నారు. వర్షాకాలం వస్తే పైకప్పు నుంచి నీరు కారి లోపలంతా చిత్తడిగా మారుతోంది. వాన పడిన ప్రతిసారీ విలువైన భూరికార్డులు తడిసిపోకుండా ఉండేందుకు ప్లాస్టిక్ కవర్లతో కప్పాల్సిన దుస్థితి నెలకుందని అధికారులు తెలిపారు.
'ఎవరైనా హిట్ల‌ర్‌ను ఆదర్శంగా తీసుకుంటారా'
TG: CM రేవంత్ రెడ్డి త‌న‌ను తాను హిట్ల‌ర్‌తో పోల్చుకుంటూ చేసిన కామెంట్స్‌పై BRS రాష్ట్ర ప్ర‌ధాన కార్య‌ద‌ర్శి జీవ‌న్ రెడ్డి ఫైరయ్యారు. జగిత్యాలలో నిర్వహించిన మీడియా సమావేశంలో ఆయన మాట్లాడారు. హిట్ల‌ర్ గ‌తి ఏమైందో చివ‌రికి అంద‌రం గ‌మ‌నించామని, రేపు రేవంత్ రెడ్డికి కూడా అదే గ‌తి పడుతుందన్నారు. ఒక కాంగ్రెస్ నాయ‌కుడిగా రేవంత్ రెడ్డి ఏం కావాల‌ని కోరుకోవాలి.. ఇందిరాగాంధీని, రాజీవ్ గాంధీని ఆదర్శంగా తీసుకోవాలి..కానీ ఎవ‌డ‌న్నా హిట్ల‌ర్‌ను ఆదర్శంగా తీసుకుంటాడా అని జీవ‌న్ రెడ్డి ప్రశ్నించారు.
చెత్తకుప్పలో పసికందు మృతదేహం
AP: కడప నగరంలో అప్పుడే పుట్టిన పసికందును రోడ్డు పక్కన పడేశారు. కడప శివారులోని అమర్ హాస్పిటల్ వద్ద శిశువును రోడ్డు పక్కన చెత్తకుప్పలో పెట్టి వెళ్లిపోయారు. గమనించిన స్థానికులు పోలీసులకు సమాచారం అందించారు. పోలీసులు ఘటనా స్థలాన్ని పరిశీలించి స్థానికులను విచారించారు. చనిపోయిన తర్వాత పడేశారా లేదా బతికుండగానే పడేయడంతో పసికందు చనిపోయిందా అనేది తెలియాల్సి ఉంది. కేసు నమోదు చేసి దర్యాప్తు చేపట్టారు.
రన్నింగ్ ఆటోలో పాము.. దూకేసిన కూలీలు
TG: మంచిర్యాల జిల్లా కోటపల్లి మండలం సిర్సా గ్రామంలో ఉపాధి హామీ కూలీలు తమ పనులను ముగించుకుని ఆటోలో తిరిగి ఇంటికి వెళ్తున్నారు. కూలీలు ప్రయాణిస్తున్న ఆటోలోకి పాము కన్పించడంతో షాక్‌కు గురై టెన్షన్ పడ్డారు. ప్రాణభయంతో స్పీడ్‌గా వెళ్తున్న రన్నింగ్ ఆటో నుంచి కూలీలు కిందకు దూకేశారు. ప్రమాదంలో ముగ్గురికి తీవ్ర గాయాలయ్యాయి. వెంటనే 108 అంబులెన్స్‌లో చెన్నూర్ గవర్నమెంట్ హాస్పిటల్‌కు తీసుకెళ్లారు. అందులో ఇద్దరి పరిస్థితి విషమంగా ఉండడంతో మంచిర్యాల గవర్నమెంట్ హాస్పిటల్‌కు తరలించారు.
గ్యాస్ లీకై ఇంట్లో ఎగిసిపడ్డ మంటలు
TG: కామారెడ్డి టౌన్ వినాయకనగర్ కాలనీలోని ఓ ఇంట్లో గ్యాస్ లీకవడంతో పెద్దఎత్తున మంటలు చెలరేగాయి. మంటలను ఆర్పుతుండగా మల్లవ్వ, మౌనిక, అలేఖ్య అనే ముగ్గురికి తీవ్ర గాయాలయ్యాయి. స్థానికులు వెంటనే వారిని బయటకు తీసుకువచ్చారు. సమాచారం అందుకున్న ఫైర్ సిబ్బంది మంటలను అదుపులోకి తెచ్చారు. గాయపడిన వారిని కామారెడ్డి గవర్నమెంట్ హాస్పిటల్‌కు తరలించారు. గ్యాస్ లీకైనప్పుడు సిలిండర్ పేలకపోవడంతో పెను ప్రమాదం తప్పింది.
'సింగీతం' మూవీ ఫస్ట్ టికెట్ కొన్న రాజమౌళి..
'సింగీతం' సినిమా టికెట్ బుకింగ్స్ ఫైనల్ గా ఓపెన్ అయ్యాయి. జూన్ 12న వరల్డ్ వైడ్ గా థియేటర్లలోకి వస్తున్న ఈ మూవీ టీమ్‌కి డైరెక్టర్ రాజమౌళి ఒక అదిరిపోయే సర్ప్రైజ్ ఇచ్చారు. ఈ సినిమా ఫస్ట్ టికెట్‌ను రాజమౌళినే స్వయంగా కొని టీమ్‌ని ఎంకరేజ్ చేశారు. దేవి శ్రీ ప్రసాద్ మ్యూజిక్ అందిస్తున్న ఈ సినిమా అప్‌డేట్ ఇప్పుడు సోషల్ మీడియాలో ఫుల్ ట్రెండ్ అవుతోంది.
రాష్ట్రపతి ద్రౌపది ముర్ము, సోనియా గాంధీ లను కనిసిన CM విజయ్..
తమిళనాడు CM విజయ్ ఈ రోజు ఢిల్లీలో ప్రెసిడెంట్ ద్రౌపది ముర్ముని కలిసి మాట్లాడారు. ఆ తర్వాత వెంటనే కాంగ్రెస్ టాప్ లీడర్ సోనియా గాంధీని కూడా కలిశారు. CM అయ్యాక విజయ్ చేస్తున్న ఈ ఢిల్లీ టూర్ ఫొటోస్ ఇప్పుడు సోషల్ మీడియాలో ఫుల్ వైరల్ అవుతున్నాయి.