Latest
బస్సులో యువతిని వేధించిన వృద్ధుడు
కేరళ వెళ్తున్న ప్రభుత్వ బస్సులో ఒక వృద్ధుడు యువతి పట్ల అసభ్యంగా ప్రవర్తించాడు. ఆ సమయంలో భయపడకుండా, ఆమె వెంటనే తన మొబైలు లో వీడియొ రికార్డు చేసింది. అనంతరం ధైర్యంగా ఆ వృద్ధుడిని నిలదీసి అందరి ముందు బుద్ధి చెప్పింది. తనకు జరిగిన అన్యాయాన్ని వీడియో తీసి సోషల్ మీడియా లో పోస్ట్ చేసింది.
రామ మందిరం, పార్లమెంట్ టార్గెట్? నలుగురు ఉగ్రవాదుల అరెస్ట్!
ఢిల్లీ పోలీసులు నిర్వహించిన ఆపరేషన్‌లో నలుగురు అనుమానిత ఉగ్రవాదులను అరెస్ట్ చేశారు. వీరి వద్ద నుండి IED బాంబు తయారీ సామాగ్రిని స్వాధీనం చేసుకున్నారు. రద్దీగా ఉండే ప్రాంతాలు, రామ మందిరం మరియు పార్లమెంట్ హౌస్ వంటి ప్రముఖ కట్టడాలే లక్ష్యంగా వీరు దాడులకు ప్లాన్ చేసినట్లు సమాచారం. సోషల్ మీడియా ద్వారా నెట్‌వర్క్ పెంచుకుంటూ, కీలక ప్రాంతాల్లో నిఘా నిర్వహించినట్లు పోలీసులు గుర్తించి దర్యాప్తు చేస్తున్నారు.
హోర్ముజ్ జలసంధిలో ఉద్రిక్తత: భారత ట్యాంకర్‌పై కాల్పులు!
పశ్చిమాసియాలో మళ్ళీ యుద్ధ వాతావరణం నెలకొంది. హోర్ముజ్ స్ట్రెయిట్ వద్ద ప్రయాణిస్తున్న రెండు నౌకలపై ఇరాన్ సైన్యం కాల్పులు జరిపింది. ఇందులో ఇండియన్ ఫ్లాగ్ ఉన్న ఒక ఆయిల్ ట్యాంకర్ కూడా ఉంది. అదృష్టవశాత్తూ సిబ్బంది అందరూ సురక్షితంగా ఉన్నారు. అమెరికా ఆంక్షల నేపథ్యంలో ఇరాన్ ఈ దారిని మూసివేయడంతో, భారత్‌కు రావాల్సిన మరికొన్ని నౌకలను సురక్షిత ప్రాంతాలకు Divert చేశారు.
ఫ్లాష్.. ఫ్లాష్... ఇండియన్ షిప్స్ పై ఫైరింగ్ !!
హోర్ముజ్ జలసంధిలో ఫైరింగ్ బారిన పడిన రెండు నౌకలకు ఇండియన్ ఫ్లాగ్స్ ఉండటం కలకలం రేపుతోంది. ఇండియన్ షిప్స్ పై ఫైరింగ్ జరిగిందన్న అనుమానంతో దీనిపై వివరణ కోరేందుకు భారత్ త్వరలోనే ఇరాన్ రాయబారిని (Envoy) పిలిపించే అవకాశం ఉంది. కాల్పులు ఎవరు జరిపారు? టార్గెటెడ్ గా జరిపారా లేక పొరపాటున ఫైరింగ్ జరిగిందా అన్న విషయాలపై ఇంకా క్లారిటీ రాలేదు. భారత్ ఎంక్వైయిరీ చేస్తోంది.
రన్నింగ్ ట్రైన్‌లో రెచ్చిపోయిన కామాంధుడు..
KRBA-TVCN SF Expressలో ఒక మహిళకు చేదు అనుభవం ఎదురైంది. స్లీపర్ కోచ్ S1లో ప్రయాణిస్తున్న తనతో ఒక వ్యక్తి అసభ్యంగా ప్రవర్తించాడని బాధితురాలు వీడియొ తీసి సోషల్ మీడియా లో పోస్ట్ చేసింది. రిజర్వ్డ్ కోచ్‌లలో కూడా మహిళలకు రక్షణ లేకపోవడంపై ప్రయాణికులు ఆందోళన వ్యక్తం చేస్తున్నారు. ఈ Shocking Inciden tపై రైల్వే పోలీసులు స్పందించి Action తీసుకోవాలని నెటిజన్లు కోరుతున్నారు. ప్రయాణికుల Safetyపై మరోసారి ప్రశ్నలు తలెత్తుతున్నాయి.
మహిళా బిల్లు వైఫల్యం కాంగ్రెస్ దేనా?
డీ లిమిటేషన్ , మహిళా బిల్లులను ఒకేసారి రాజ్యాంగ సవరణకు లింకు పెట్టి సభలో ఓటింగ్ పెట్టిన బీజేపి తెలివిగా ఈ వైఫల్యాన్ని కాంగ్రెస్ పై రుద్దే పని మొదలు పెట్టింది. మహిళల దశాబ్దాల కల అయిన విమెన్ రిజర్వేషన్ బిల్లుకు కాంగ్రెస్ మోకాలడ్డిందంటూ ప్రచారం మొదలు పెట్టింది. బీజేపి మహిళా ఎంపీలంతా రాహుల్ ఇంటి వరకూ ప్రదర్శనగా వెళ్లారు. ధోకే బాజ్ కాంగ్రెస్ అంటూ నినాదాలు చేశారు.
డబ్బు కోసం పిన్నిని చంపి కాల్చేసిన మహిళ!
కర్ణాటకలో డబ్బు, బంగారం కోసం నాగలక్ష్మి అనే మహిళ తన ప్రియుడితో కలిసి సొంత పిన్నిని మర్డర్ చేసింది. అడవిలో చంపేసి, శవంపై పెట్రోల్ పోసి కాల్చేశారు. ఏడాది తర్వాత లభించిన ఎముకలు, పుర్రె ఆధారంగా పోలీస్ లు ఇన్వెస్టిగేషన్ చేసారు. లేటెస్ట్ టెక్నాలజీ హెల్ప్ తో నిందితులను గుర్తించి అరెస్ట్ చేశారు. ప్రస్తుతం ఈ కిరాతక ఘటన స్థానికంగా తీవ్ర కలకలం రేపుతోంది.
లైక్.. మళ్లీ అన్ లైక్...క్యా హై కొహ్లీ జీ !!
విరాట్ కోహ్లీ, జర్మన్ ఇన్‌ఫ్లుయెన్సర్ LizLaz ఫోటోను లైక్ చేసి, వెంటనే అన్‌లైక్ చేయడం సోషల్ మీడియాలో పెద్ద Drama అయ్యింది. దీనిపై ఆమె స్పందిస్తూ.. "మొదట హ్యాపీగా అనిపించినా, ఇది ఇంత Viral అవ్వడం చూసి కోహ్లీ కోసం బాధపడ్డాను. జస్ట్ ఒక లైక్ ఇంత పెద్ద న్యూస్ అవుతుందని ఊహించలేదు. అతని ఉద్దేశం ఏదైనా, ఆ సపోర్ట్‌కి థాంక్స్" అంటూ Chill గా రియాక్ట్ అయ్యింది. విరాట్ కి ఇది మొదటి సారి కాదు.గతంలో అవనీత్ కౌర్ అనే నటి ఫోటోను లైక్ చేసి ఇలాగే దుమారం రేగడంతో అన్ లైక్ చేయాల్సి వచ్చింది.
క్రికెటర్ చాహల్ vs నటి తాన్యా.. అసలేం జరిగింది?
టీమిండియా క్రికెటర్ చాహల్ తనకు ఇంస్టాగ్రామ్ లో పర్సనల్ మెసేజ్‌లు పంపారంటూ నటి తాన్యా ఛటర్జీ చేసిన ఆరోపణలు వైరల్ అయ్యాయి. దీనిపై స్పందించిన చాహల్, ఆమెపై పరువు నష్టం కేసు వేశారు. తనను అనవసరంగా ట్రోల్ చేస్తున్నారని, అసలు మెసేజ్ చేసిన చాహల్‌ను ఎవరూ ప్రశ్నించడం లేదని తాన్యా ఆవేదన వ్యక్తం చేశారు. ప్రస్తుతం ఈ Controversy సోషల్ మీడియా లో హాట్ టాపిక్‌గా మారింది.
హర్ముజ్ మళ్లీ మూత పడింది. !!
హర్ముజ్ గేట్ వే మళ్లీ మూసుకుపోయింది. హార్ముజ్ ను తాము తెరిస్తే అమెరికా మొండితనంతో మళ్లీ దిగ్బంధిస్తామని అందని అందువల్ల తమ డెసిషన్ ను వెనక్కు తీసుకున్నామని ఇరాన్ ప్రకటించింది. హర్ముజ్ ను దాటుతున్న ఒక ట్యాంకర్ పై రెండు ఇరానియన్ గన్ బోట్స్ కాల్పులు జరిపాయి. ఎలాంటి ముందస్తు వార్నింగ్ లేకుండానే ఇరాన్ గార్డులు ఫైరింగ్ చేశారని ఆ ట్యాంకర్ కెప్టెన్ తెలిపాడు.
కంప్లయింట్ చేసిన స్టూడెంట్ పై టీచర్ దాడి!
బీహార్‌లోని అల్లామా ఇక్బాల్ కాలేజీలో జరుగుతున్న లోపాల గురించి కంప్లయింట్ చేసినందుకు ఒక స్టూడెంట్ ని, టీచర్ అతి దారుణంగా కొట్టి కిందకు నెట్టేశాడు. ఈ ఇంన్సిడెంట్ కు సంబంధించిన వివరాలు బయటకు రావడంతో విద్యార్థిపై జరిగిన ఈ దాడిపై సోషల్ మీడియాలో నిరసనలు వ్యక్తమవుతున్నాయి.
ఇది ఎందుకు వాడాలంటే....
రాతి ఉప్పు లేదా సైంధవ లవణం (రాక్ సాల్ట్) లో ఐరన్, జింక్, నికెల్, మాంగనీస్, లాంటి శరీరానికి మేలు చేసే మినరల్స్ ఉన్నాయి. మన బాడీలో సోడియం లెవెల్స్ ను ఇది బాగా కంట్రోల్ చేస్తుంది. ఎందుకంటే బాడీలో సోడియం ఎక్కువ ఉన్నా, తక్కువ ఉన్నా ప్రమాదమే. రాక్ సాల్ట్ లో ఉండే ఎలక్ట్రోలైట్ కండరాల తిమ్మిరి తగ్గిస్తుంది.పేగు ఆరోగ్యం కాపాడి , బాక్టీరియల్ ఇన్ఫెక్షన్, డయేరియా లాంటివి తగ్గిస్తుంది. దీనినే పింక్ రాక్ సాల్ట్ అని కూడా అంటారు.
చిన్నారి పునర్వికకు 16 కోట్ల ఇంజెక్షన్ !!
అరుదైన స్పైనల్ మస్కులర్ అట్రోఫీ Type-1 వ్యాధితో బాధపడుతున్న కర్నూలుకు చెందిన చిన్నారి పునర్వికకు రూ.16 కోట్ల విలువైన ఇంజెక్క్షన్ ఇచ్చారు. దాతలు రూ.10 కోట్లు సేకరించగా, మిగిలిన రూ.6 కోట్లను మంత్రి నారా లోకేశ్ సమకూర్చారు. విదేశాల నుండి ఈ మందును తెప్పించి, హైదరాబాద్‌లోని Rainbow Hospitalలో పాపకు చికిత్స అందించారు. తన బిడ్డ ప్రాణాలను కాపాడినందుకు తల్లిదండ్రులు మంత్రికి స్పెషల్ థాంక్స్ తెలిపారు.
గర్భిణీపై వేధింపులు: కటకటాల్లోకి రాహుల్ గుర్జర్..
రాజస్థాన్‌లోని మాల్వియా నగర్‌లో ఒక గర్భిణీని వేధించిన ఘటనలో ప్రధాన నిందితుడు రాహుల్ గుర్జర్‌ను పోలీసులు అరెస్ట్ చేశారు. ఈ హర్రాస్మెంట్ కేసు లో పోలీసులు వేగంగా స్పందించి నిందితుడిని కస్టడీ లోకి తీసుకున్నారు. మహిళల భద్రతపై ప్రశ్నలు రేకెత్తించిన ఈ ఘటనలో కఠిన చర్యలు తీసుకోవాలని స్థానికులు డిమాండ్ చేస్తున్నారు. ప్రస్తుతం పోలీస్ ఈ కేసుపై పూర్తి స్థాయిలో ఇన్వెస్టిగేషన్ చేస్తున్నారు.
చిన్నారిని కాపాడిన కోతి!
బాల్కనీ నుండి కింద పడబోతున్న ఒక చిన్నారిని కోతి కాపాడిన Viral Video నెట్టింట హల్‌చల్ చేస్తోంది. కొందరు దీనిని AI-generated లేదా ఎడిట్ చేసిన వీడియో అయి ఉంటుందని అనుమానిస్తున్నారు. ఈ వీడియో ప్రస్తుతం సోషల్ మీడియాలో పెద్ద Debateకు దారితీసింది. నిజం ఏదైనా, ఈ దృశ్యం మాత్రం నెటిజన్లను బాగా ఆకట్టుకుంటోంది.
విజయ్ దేవరకొండ కొత్త సినిమాల అప్డేట్..
విజయ్ దేవరకొండ తన కొత్త సినిమాని డైరెక్టర్ శౌర్యవ్‌తో అనౌన్స్ చేశారు. ఇది ఒక Action-based లవ్ స్టోరీ. ఇందులో హాలీవుడ్ సినిమాటోగ్రాఫర్ అండ్ హేషమ్ అబ్దుల్ మ్యూజిక్ అందిస్తున్నారు. దీనితో పాటు రాహుల్ సాంకృత్యాయన్ దర్శకత్వంలో 'Ranabali' సెప్టెంబర్ 11న రిలీజ్ కానుంది. అలాగే రవికిరణ్ కోలా డైరెక్షన్‌లో కీర్తి సురేశ్‌తో కలిసి రౌడీ జనార్ధన్ అనే మరో సినిమాలోనూ విజయ్ నటిస్తున్నారు.
కేంద్ర ప్రభుత్వ ఉద్యోగులకు గుడ్ న్యూస్
కేంద్ర ప్రభుత్వ ఉద్యోగులకు, పెన్షనర్లకు ప్రభుత్వం గుడ్ న్యూస్ చెప్పింది. 2 శాతం డీఏ పెంచాలని నిర్ణయించింది. కేంద్ర కేబినెట్ దీనికి ఆమోద ముద్ర వేసింది. ఆరు నెలలకి ఒకసారి ప్రభుత్వం డీఏని సవరిస్తుంది. ప్రతీ ఏడాది జనవరి, జులైలో ఈ పెంపు ఉంటుంది. ఈ సారి జనవరిలో పెంపు ప్రకటన రాకపోవడంతో ఇప్పటికే ఉద్యోగుల్లో ఆందోళన నెలకొంది.
ఆకాశంలో గ్రహాల పెరేడ్ ..!
స్పేస్ లవర్స్‌ ..గెట్ రెడీ! ఆకాశంలో నాలుగు గ్రహాలు మెర్క్యూరీ, మార్స్, శని, నెప్ట్యూన్ ఒక లైన్‌లో అలైన్ అవుతున్నాయి. ఈ నాలుగు గ్రహాలు ఒక పెరేడ్ లా వరసగా కనిపిస్తాయి. ఏప్రిల్ 18 అంటే ఇవాళ్టి నుంచి 20 తేదీ వరకు దీనిని చూడొచ్చు. ఏ రోజైనా సూర్యోదయానికి 30 నుంచి 40 నిముషాల ముందు ఆకాశం క్లియర్ గా ఉంటే తూర్పు దిక్కుగా ఈ గ్రహాల పెరేడ్ కనిపిస్తుంది. మెర్క్యురీ, మార్స్, శని గ్రహాలను నేరుగానే చూడొచ్చు. నెప్ట్యూన్ ని చూడాలంటే మాత్రం బైనాక్యులర్స్ ఉండాలి. సూర్యుడు చుట్టూ తిరిగే క్రమంలో గ్రహాలు ఇలా ఒకటే లైన్ లో రావడం అరుదుగా జరుగుతుంది.
అమెరికా, ఇరాన్ మధ్య మాటల యుద్ధం
ఇరాన్ హర్మూజ్ జలసంధిని తెరిచిందన్న ఆనందం ప్రపంచ దేశాలకు ఒక్క రోజు కూడా మిగల్లేదు. అమెరికా, ఇరాన్ మధ్య మాటల యుద్ధం మొదలైంది. బుధవారం లోపు ఇరాన్ శాంతి ఒప్పందాన్ని కుదుర్చుకోకపోతే ఆ దేశంపై బాంబుల కురిపిస్తామని అమెరికా అధ్యక్షుడు డొనాల్డ్ ట్రంప్ హెచ్చరించారు. దీనికి కౌంటర్ గా ఇరాన్ పార్లమెంట్ స్పీకర్ మొహమ్మద్ బాఘేర్ ఘాలిబాఫ్ అమెరికాకు స్ట్రాంగ్ వార్నింగ్ ఇచ్చారు. ఇరాన్ మీద ఆంక్షలు పెట్టినా, బాంబులు పడినా మళ్లీ హార్మూజ్ జలసంధిని మూసేస్తామన్నారు. ఈ రూట్ బ్లాక్ అయితే ప్రపంచానికి ఆయిల్ సప్లై ఆగిపోతుంది. దీంతో ప్రపంచ దేశాల్లో ఆందోళన నెలకొంది.
మెటాలో మళ్లీ లేఆఫ్ లు
టెక్కీలకు ఫేస్ బుక్ మాతృసంస్థ మెటా మళ్లీ భారీ షాక్ ఇవ్వబోతోంది. మే 20 కల్లా దాదాపు 8,000 మంది ఎంప్లాయీస్ ని తొలగించడానికి సంస్థ సిద్ధమవుతున్నట్టు ఇంటర్నేషనల్ మీడియా కథనాలు రాస్తోంది. మార్క్ జుకర్‌బర్గ్ ఫోకస్ మొత్తం ఇప్పుడు 'AI' మీదకి షిఫ్ట్ అవ్వడమే దీనికి మెయిన్ రీజన్ . ఇన్వెస్ట్‌మెంట్స్ ఏఐకి మళ్లించి, ఖర్చులు తగ్గించుకునే పనిలో పడ్డారట. ఇదే కనుక జరిగితే వేలాది మంది సాఫ్ట్‌వేర్ ఇంజనీర్ల ఫ్యూచర్ ప్రశ్నార్థకంగా మారబోతోంది.
మంటల్లో ఏసీ బస్సు దగ్ధం.. ప్రయాణికులు సురక్షితం
హైదరాబాద్ లో ఘోర బస్సు ప్రమాదం నుంచి 18 మంది ప్రయాణికులు సురక్షితంగా బయట పడ్డారు. శ్రీ దుర్గా మహేశ్వరి ట్రావెల్స్ కి చెందిన ఏసీ బస్సు KPHB దగ్గర మంటల్లో చిక్కుకుంది. మియాపూర్ నుంచి పాలకొల్లు వెళుతుండగా శుక్రవారం రాత్రి ఈ ప్రమాదం జరిగింది. బస్సులో సిబ్బంది వెంటనే స్పందించి అందులో ఉన్న 18 మంది ప్రయాణికుల్ని దించేయడంతో పెను ప్రమాదం తప్పింది. ప్రమాదానికి కారణాలేంటో ఇంకా తెలియాల్సి ఉంది.