ప్రభుత్వ పథకాలను వినియోగించుకోవాలి: ఎమ్మెల్యే

By Mohan· 1h ago· Rajam, Rajam, Vizianagaram

పేదలకు సంక్షేమ పథకాలు అందాలంటే కూటమి ప్రభుత్వంతోనే సాధ్యమవుతుందని ఎమ్మెల్యే డాక్టర్ కోండ్రు మురళి మోహన్ పేర్కొన్నారు. విజయనగరం జిల్లా రాజాంలో జరిగిన కార్యక్రమంలో ఆయన మాట్లాడారు. గత ప్రభుత్వ హయాంలో అభివృద్ధి కుంటుపడిందని, కూటమి ప్రభుత్వం అధికారంలోకి వచ్చిన తర్వాత అన్ని వర్గాలకు న్యాయం జరుగుతోందని తెలిపారు. ప్రజలకు ఇచ్చిన హామీలను నెరవేరుస్తూ సంక్షేమంతో పాటు అభివృద్ధికి ప్రభుత్వం కట్టుబడి ఉందన్నారు. అర్హులైన ప్రతి ఒక్కరికి ఇళ్లు ఇస్తామన్నారు.

More in Local

Local· 2m ago

మట్టిలో పాతిపెట్టినా దొరికిపోయారు

బెంగళూరు వేదాంత కంపెనీ నుంచి శ్రీసిటీకి 7 టన్నుల కాపర్ వైర్‌తో వెళ్తున్న లారీని డ్రైవర్ వినోద్ కుమార్ ఎక్కువ ఆశతో తన టీమ్‌తో కలిసి దొంగిలించాడు. వైర్‌ను వేలూరు దగ్గర గుంత తవ్వి మట్టిలో దాచి, లారీని రేణిగుంటలో వదిలేశారు. పోలీసులు యాక్షన్ తీసుకుని ఇద్దరిని అరెస్ట్ చేసి, 7 టన్నుల కాపర్ వైర్, లారీని రికవరీ చేశారు. తొందరగా యాక్షన్ తీసుకున్నందుకు పోలీసులను తిరుపతి SP మెచ్చుకుని రివార్డులు ఇచ్చారు.

Local· 4m ago

గర్భిణులు పోషకాహారంపై శ్రద్ధ చూపాలి

సిద్దిపేట జిల్లా బెజ్జంకి మండలం పాపయ్యపల్లి అంగన్వాడీ కేంద్రంలో ముందస్తు బతుకమ్మ వేడుకలను ఉత్సాహంగా నిర్వహించారు. ఈ కార్యక్రమంలో మహిళలు, అంగన్వాడీ సిబ్బంది పాల్గొని పండుగ సందడి చేశారు. ఈ సందర్భంగా సర్పంచ్ బొల్లం శ్రీధర్ మాట్లాడుతూ.. అంగన్వాడీ కేంద్రాల ద్వారా అందిస్తున్న పౌష్టికాహారాన్ని సద్వినియోగం చేసుకొని ఆరోగ్యాన్ని కాపాడుకోవాలని సూచించారు. పిల్లలు, గర్భిణులు, బాలింతలు పోషకాహారంపై ప్రత్యేక శ్రద్ధ చూపాలని తెలిపారు.

Local· 6m ago

PM సూర్య ఘర్ పథకంపై అవగాహన

నెల్లూరు జిల్లా రాపూరు విద్యుత్ శాఖ కార్యాలయంలో PM సూర్య ఘర్ సోలార్ పథకంపై విద్యుత్ వినియోగదారులకు అవగాహన కల్పించేందుకు సేవా సేతు అభియాన్ నిర్వహించారు. గూడూరు ఎగ్జిక్యూటివ్ ఇంజినీర్ నరేందర్ రెడ్డి ఆధ్వర్యంలో జరిగిన ఈ కార్యక్రమంలో సోలార్ ప్యానెళ్ల ఏర్పాటు, ప్రభుత్వ సబ్సిడీలు, నెట్ మీటరింగ్, విద్యుత్ ఆదాపై వివరించారు. అర్హులైన లబ్ధిదారులు ₹.78 వేల వరకు సబ్సిడీ పొందవచ్చని తెలిపారు. ప్రత్యేక స్టాల్ ఏర్పాటు చేసి సోలార్ ప్యానెళ్ల నమూనాలను ప్రదర్శించడంతో పాటు అక్కడికక్కడే రిజిస్ట్రేషన్లు నిర్వహించారు.

Local· 8m ago

కరెంట్ షాక్‌తో యువకుడు మృతి

ఖమ్మం జిల్లా నేలకొండపల్లి మండలం కొత్తకొత్తూరు గ్రామంలోని SFS ఇంగ్లీష్ మీడియం పాఠశాలలో శుక్రవారం విషాద ఘటన చోటుచేసుకుంది. పాఠశాలలో స్టీల్ రైలింగ్ పనులు చేస్తుండగా కరెంట్ లైన్ తగలడంతో రాజస్థాన్‌కు చెందిన కార్మికుడు సునీల్ బిష్ణోయ్ (20) అక్కడికక్కడే మృతి చెందాడు. ఈ ఘటనతో అక్కడ విషాదం నెలకొంది. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు. అనంతరం మృతదేహాన్ని పోస్టుమార్టం నిమిత్తం మార్చురీకి తరలించారు.