బతుకమ్మ వేడుకల్లో మహిళల తిప్పలు

By BK· 20h ago· మహబూబాబాద్‌

మహబూబాబాద్‌లో సద్దుల బతుకమ్మ రోజు సెంట్రల్ లైటింగ్ లేకపోవడంతో మహిళలు తీవ్ర ఇబ్బందులు పడ్డారు. ఎన్టీఆర్ స్టేడియంలో వేడుకల తర్వాత నిజాం చెరువులో నిమజ్జనం చేయడానికి బస్టాండ్ రూట్‌లో వెళ్తున్న క్రమంలో కనీస వెలుతురు లేకపోవడంతో అసహనం వ్యక్తం చేశారు. చీకటి వల్ల యాక్సిడెంట్స్ జరుగుతాయని, బంగారు నగలు దొంగిలించే ఛాన్స్ ఉందని మహిళలు ఆందోళన చెందుతున్నారు.

More in Local

Local· 9m ago

అంబేద్కర్ విగ్రహ పునర్నిర్మాణానికి కమిటీ ఏర్పాటు

జోగులాంబ గద్వాల జిల్లా కేంద్రంలో శిథిలావస్థకు చేరిన డా. B.R అంబేద్కర్ విగ్రహాన్ని పునర్నిర్మించాలని అఖిలపక్ష కమిటీ నిర్ణయించింది. టీఆర్ఎస్ నాయకుడు చింతరేవుల ముని ఆధ్వర్యంలో జరిగిన సమావేశంలో MP మల్లు రవి, MLA బండ్ల కృష్ణమోహన్ రెడ్డి, సరిత తిరుపతయ్య, మున్సిపల్ చైర్‌పర్సన్ తుమ్మల జయలక్ష్మి సహకారంతో కమిటీ ఏర్పాటు చేయాలని తీర్మానించారు. వివిధ ప్రజా, కుల సంఘాలు పునర్నిర్మాణ కార్యక్రమంలో భాగస్వాములు కావాలని పిలుపునిచ్చారు.

Local· 19m ago

ప్రజావాణిలో ప్రజా సమస్యలపై అర్జీలు

జగిత్యాల జిల్లా మెట్‌పల్లి మండల పరిషత్ కార్యాలయంలో సోమవారం నిర్వహించిన ప్రజావాణికి 9 ఫిర్యాదులు అందినట్లు MPDO మహేందర్ రెడ్డి తెలిపారు. వివిధ శాఖలకు చెందిన 14 మంది అధికారులు కార్యక్రమానికి హాజరయ్యారు. రెవెన్యూ, మున్సిపల్, ఇరిగేషన్ శాఖలకు రెండేసి, హౌసింగ్, విద్యుత్, వైద్య ఆరోగ్య శాఖలకు ఒక్కో ఫిర్యాదు వచ్చాయి. అర్జీలను క్షేత్రస్థాయిలో పరిశీలించి త్వరగా పరిష్కరించాలని అధికారులను ఆదేశించారు.

Local· 22m ago

కొందుర్గులో ఇందిరమ్మ ఇంటి నిర్మాణం పూర్తి

పేదల సొంతింటి కలను నెరవేర్చడమే కాంగ్రెస్ ప్రభుత్వ లక్ష్యమని కొందుర్గు మండల పార్టీ అధ్యక్షుడు కోగురి పురుషోత్తం రెడ్డి తెలిపారు. రాజకీయాలకు అతీతంగా అర్హులైన నిరుపేద కుటుంబాలకు ఇందిరమ్మ ఇళ్లు మంజూరు చేస్తున్నట్లు పేర్కొన్నారు. రంగారెడ్డి జిల్లా కొందుర్గు మండల కేంద్రంలో ఇందిరమ్మ ఇంటి నిర్మాణం పూర్తి చేసుకున్న లబ్ధిదారులు రామగళ్ల సువర్ణ, దావిద్ దంపతుల గృహప్రవేశ వేడుక ఘనంగా నిర్వహించారు.

Local· 25m ago

గుంతల రోడ్డుతో గ్రామస్తుల అవస్థలు

సూర్యాపేట జిల్లా జాజిరెడ్డిగూడెం మండలంలోని కాసర్లపాడు–కొమ్మాల గ్రామాల లింక్ రోడ్డు గుంతలమయంగా మారింది. రెండేళ్ల క్రితం నిర్మించిన రహదారి నాసిరకం పనుల కారణంగా దెబ్బతిన్నదని గ్రామస్తులు ఆరోపిస్తున్నారు. ఇటీవల వర్షాలతో పరిస్థితి మరింత అధ్వానంగా మారిందని, ప్రయాణం ప్రమాదకరంగా ఉందని ఆవేదన వ్యక్తం చేస్తున్నారు. పలుమార్లు అధికారులకు విన్నవించినా స్పందన లేదని, వెంటనే మరమ్మతులు చేపట్టాలని కోరుతున్నారు.