చాక్‌పీస్‌పై జాతీయ జెండా.. టీచర్ టాలెంట్!

By Mahesh· 15 Aug 2026· TG

TG: ఇండిపెండెన్స్ డే సందర్బంగా కరీంనగర్ జిల్లా ఓదెల మండలం మడక గ్రామానికి చెందిన డ్రాయింగ్ టీచర్ రజనీకాంత్‌ తన ప్రతిభను చాటారు. కేవలం 2.6 సె.మీ. ఎత్తు, ఒక సెంటీమీటర్‌ వెడల్పు ఉన్న చాక్‌పీస్‌పై జాతీయ జెండాను మూడు గంటలు కస్టపడి డిజైన్ చేశారు. అలాగే మైక్రో సైజులో ‘Happy Independence Day’, ‘I Love India’ అక్షరాలతో పాటు నాలుగు జాతీయ పతాకాలను చాక్‌పీస్‌ ముక్కలతో తయారు చేసి దేశభక్తిని చాటుకున్నారు.

More in TG

TG· 2h ago

పదవి పోయినా పార్టీని వీడను: చిన్నారెడ్డి

TG: రేవంత్‌రెడ్డి ముఖ్యమంత్రి కావాలని కోరుకున్న వారిలో నేనే మొదటి వ్యక్తిని అని కాంగ్రెస్ సీనియర్ నేత జిల్లెల చిన్నారెడ్డి అన్నారు. వనపర్తి జిల్లా గోపాల్‌పేట మండలం జయన్న తిరుమలాపురంలో ఆయన మాట్లాడారు. పదవి కోల్పోయినా కాంగ్రెస్‌తో తన అనుబంధం కొనసాగుతుందని స్పష్టంచేశారు. పార్టీకి 48 ఏళ్లుగా సేవలందించానని, వచ్చే ఎన్నికల్లో అధిష్ఠానం ఎవరికి టికెట్ ఇచ్చినా వారి గెలుపు కోసం పనిచేస్తానన్నారు. గతంలో తనకు ఎమ్మెల్యే టికెట్, రాజ్యసభ అవకాశం, మంత్రి పదవి దక్కకపోయినా పార్టీ నిర్ణయానికి కట్టుబడి పనిచేశానన్నారు.

TG· 2h ago

కొడంగల్‌ ప్రాజెక్టుపై రేవంత్ కీలక ఆదేశాలు

TG: కొడంగల్ నియోజకవర్గానికి తాగు, సాగునీరు అందించే నారాయణపేట–కొడంగల్ ఎత్తిపోతల పథకం పనులను వేగంగా పూర్తి చేయాలని CM రేవంత్‌రెడ్డి అధికారులను ఆదేశించారు. నారాయణపేట జిల్లా మద్దూరు, వికారాబాద్ జిల్లా దౌల్తాబాద్, దుద్యాల మండలాల్లో జరుగుతున్న అభివృద్ధి పనులను పరిశీలించిన CM.. హకీంపేట ఎడ్యుకేషన్ హబ్‌లో సమీక్ష నిర్వహించారు. ప్రాజెక్టు పనులకు ఇప్పటివరకు రూ.1,053 కోట్లు ఖర్చు చేశామని తెలిపారు. ఫేజ్-2 టెండర్లు త్వరగా పిలవాలని, భూత్పూర్ జలాశయం సామర్థ్యం పెంపుపై నివేదిక ఇవ్వాలని సూచించారు.

TG· 11h ago

కాంగ్రెస్ పాలనలో ప్రజలు విసిగిపోయారు: తలసాని

TG: ప్రజాపాలన పేరుతో కాంగ్రెస్ ప్రభుత్వం రాష్ట్రాన్ని దోపిడీ చేస్తోందని మాజీ మంత్రి తలసాని శ్రీనివాస్ యాదవ్ విమర్శించారు. జనగామ జిల్లా కేంద్రంలోని ఎమ్మెల్యే క్యాంప్ కార్యాలయంలో ఎమ్మెల్యే పల్లా రాజేశ్వర్ రెడ్డితో కలిసి మీడియా సమావేశంలో మాట్లాడారు. కాంగ్రెస్ ఇచ్చిన హామీలను వెయ్యి రోజులు గడిచినా అమలు చేయలేదని ఆరోపించారు. KCR హయాంలో విద్యుత్, సాగునీటి రంగాల్లో తెలంగాణ అభివృద్ధి సాధించిందన్నారు. కాంగ్రెస్ పాలనలో విద్యుత్, నీటి సమస్యలు ఎందుకు వచ్చాయో చెప్పాలని డిమాండ్ చేశారు.

TG· 11h ago

మహిళల ఆర్థిక స్వేచ్ఛే ప్రభుత్వ లక్ష్యం: సీతక్క

TG: మహిళలు ఆర్థికంగా స్వావలంబన సాధించి కోటీశ్వరులుగా ఎదగడమే ఇందిరమ్మ ప్రభుత్వ లక్ష్యమని మంత్రి సీతక్క అన్నారు. ఖమ్మం జిల్లా సత్తుపల్లిలో నిర్వహించిన ఇందిర మహిళాశక్తి సదస్సులో మంత్రి పాల్గొని మహిళలకు ఇందిరమ్మ చీరలు పంపిణీ చేశారు. సీఎం రేవంత్ రెడ్డి మహిళల ఆర్థిక స్వేచ్ఛకు ప్రాధాన్యత ఇస్తున్నారని తెలిపారు. మహిళలు తమకు నచ్చిన వ్యాపారాలు ప్రారంభించి స్వయం ఉపాధి పొందాలని సూచించారు. సత్తుపల్లి నియోజకవర్గ అభివృద్ధికి గత రెండున్నరేళ్లలో సుమారు రూ.300 కోట్ల నిధులు కేటాయించామని తెలిపారు.