చిన్నహ్యాట కొండల్లో యథేచ్ఛగా తవ్వకాలు

By G Srinuvasulu· 1h ago

AP: కర్నూలు జిల్లా హొలగుంద మండలం చిన్నహ్యాట గ్రామ కొండల నుంచి ఎర్రమట్టిని పెద్ద ఎత్తున తరలిస్తుండటంపై స్థానికులు ఆందోళన వ్యక్తం చేస్తున్నారు. విండ్ పవర్, రోడ్డు పనుల పేరుతో నెలలుగా భారీ వాహనాలతో ఎర్రమట్టిని తరలిస్తున్నారని గ్రామస్తులు ఆరోపిస్తున్నారు. ప్రస్తుతం సర్వే నంబర్ 194 పరిసర కొండల్లో తవ్వకాలు జరుగుతున్నా అనుమతులు ఉన్నాయో లేదో అధికారులు స్పష్టం చేయడం లేదని తెలిపారు. పచ్చని కొండలు కనుమరుగయ్యే ప్రమాదం ఉందని, ఉన్నతాధికారులు వెంటనే స్పందించి ఎర్రమట్టి తవ్వకాలను అడ్డుకోవాలని కోరుతున్నారు.

More in Local

Local· 3m ago

రెండో రోజుకు చేరిన సచివాలయ ఉద్యోగుల దీక్ష

AP: గ్రామ, వార్డు సచివాలయ ఉద్యోగుల సమస్యల పరిష్కారం కోసం విజయవాడ గాంధీ బొమ్మ సెంటర్‌లో చేపట్టిన మూడు రోజుల నిరాహార దీక్ష రెండో రోజుకు చేరుకుంది. AAS, నోషనల్ ఇంక్రిమెంట్లు, పెండింగ్ బకాయిల చెల్లింపు, పదోన్నతులు, ఇతర సేవా సమస్యలను పరిష్కరించాలని ఉద్యోగులు డిమాండ్ చేస్తున్నారు. రెండో రోజు కూడా ఉద్యోగులు పెద్ద సంఖ్యలో పాల్గొని ఆందోళన కొనసాగించారు. సర్వీసులో చేరిన కాలానికి సంబంధించిన నోషనల్ ఇంక్రిమెంట్లు, AAS ప్రయోజనాలు, పెండింగ్ ఆర్థిక బకాయిలపై ప్రభుత్వం స్పష్టమైన నిర్ణయం తీసుకోవాలని కోరారు.

Local· 9m ago

జనగాంలో సీపీఎం నేతల ముందస్తు అరెస్టులు

TG: డబుల్ బెడ్‌రూమ్ ఇళ్ల డ్రా కార్యక్రమాన్ని అడ్డుకునేందుకు పిలుపునిచ్చిన సీపీఎం, CITU నాయకులను పోలీసులు ముందస్తుగా అరెస్టు చేశారు. జనగాం జిల్లా కలెక్టరేట్‌లో కలెక్టర్ సందీప్ కుమార్ ఝా ఆధ్వర్యంలో డ్రా నిర్వహించనున్న నేపథ్యంలో శాంతిభద్రతలకు విఘాతం కలగకుండా ముందస్తు చర్యలు చేపట్టినట్లు పోలీసులు తెలిపారు. అరెస్టు చేసిన నాయకులను పోలీస్ స్టేషన్‌కు తరలించారు. తమ నాయకులను అరెస్టు చేయడాన్ని సీపీఎం నేతలు తీవ్రంగా ఖండించారు. డ్రా కార్యక్రమానికి వ్యతిరేకంగా నిరసనకు పిలుపునిచ్చిన నేపథ్యంలో అరెస్ట్ చేశారు.

Local· 16m ago

కలెక్టరేట్ వద్ద ఎర్రబెల్లి ధర్నా.. ఉద్రిక్తత

TG: డబుల్ బెడ్‌రూమ్ ఇళ్ల లక్కీ డ్రాను వెంటనే నిలిపివేయాలని మాజీ మంత్రి ఎర్రబెల్లి దయాకర్‌రావు డిమాండ్ చేశారు. జనగామ కలెక్టరేట్ వద్ద ఆయన ఆధ్వర్యంలో ధర్నా నిర్వహించడంతో ఉద్రిక్త వాతావరణం నెలకొంది. కాంగ్రెస్ ప్రభుత్వానికి వ్యతిరేకంగా నినాదాలు చేశారు. నిరు పేదలకు ఇళ్లు కేటాయించాల్సింది పోయి కాంగ్రెస్ పార్టీ నేతలు డబ్బులు తీసుకుని ఇళ్లను అమ్ముకున్నారని ఎర్రబెల్లి ఆరోపించారు. లక్కీ డ్రాను ఆపకపోతే కలెక్టరేట్‌ను ముట్టడిస్తామని హెచ్చరించారు.

Local· 26m ago

ఫోన్ స్విచ్ఛాఫ్.. గ్యాస్ సిలిండర్, బట్టలు మాయం

TG రంగారెడ్డి జిల్లా మోకిలా PS పరిధిలో ముగ్గురు పిల్లలతో కలిసి తల్లి అదృశ్యమైంది. వికారాబాద్ జిల్లా బషీరాబాద్ మండలం బహదూర్‌పూర్ తండాకు చెందిన కుటుంబం రెండేళ్లుగా మోకిలాలో నివాసం ఉంటోంది. భర్త కారు డ్రైవింగ్‌కు వెళ్లి తిరిగి వచ్చేసరికి భార్య, ముగ్గురు పిల్లలు కనిపించలేదు. ఫోన్ స్విచ్ఛాఫ్ రావడంతో కుటుంబసభ్యులు వారి కోసం గాలించారు. ఇంట్లో గ్యాస్ సిలిండర్, బట్టలు కూడా కనిపించకపోవడంతో అనుమానం వ్యక్తం చేశారు. భర్త ఫిర్యాదు మేరకు పోలీసులు కేసు నమోదు చేసి వారి ఆచూకీ కోసం దర్యాప్తు చేపట్టారు.