నేడు 'తల్లీబిడ్డ ఎక్స్‌ప్రెస్‌' సర్వీసులు స్టార్ట్

By Mahesh· 11 Aug 2026· AP

AP: రాష్ట్రంలో మాతాశిశు సంరక్షణ కోసం ప్రభుత్వం 'తల్లీబిడ్డ ఎక్స్‌ప్రెస్‌' వెహికల్స్‌ను అందుబాటులోకి తీసుకొస్తోంది. దేశంలోనే తొలిసారిగా తల్లీబిడ్డల సేఫ్టీ, ఆరోగ్యాన్ని దృష్టిలో పెట్టుకొని ఈ సేవలను ఈరోజు ప్రారంభిస్తున్నట్లు హెల్త్ మినిస్టర్ సత్యకుమార్‌ తెలిపారు. తల్లీబిడ్డలను హాస్పిటల్ నుంచి ఇంటికి చేర్చడంతో పాటు ఎమర్జెన్సీ సిట్యుయేషన్స్, హైరిస్క్‌ గర్భిణులను హాస్పిటల్‌కు తీసుకొచ్చేనందుకు ఈ వెహికల్స్ ఉపయోగపడనున్నాయి. ఈ సర్వీస్ పూర్తిగా ఉచితం. అవసరమైన వారు '102' టోల్‌ఫ్రీ నంబర్‌కు ఫోన్‌ చేయవచ్చు.

More in Politics

Politics· 1d ago

కరెంట్ సమస్య పరిష్కరించాలంటూ రైతుల ధర్నా

TG: సిరిసిల్ల జిల్లా గంభీరావుపేట మండలం లింగన్నపేట సబ్‌స్టేషన్ ఎదుట మల్లారెడ్డిపేట రైతులు ధర్నా చేపట్టారు. వేళాపాళా లేని విద్యుత్ సరఫరాతో పంటలకు నీరు అందక ఎండిపోయే పరిస్థితి ఏర్పడిందని ఆవేదన వ్యక్తం చేశారు. రైతుల ఆందోళనతో ప్రధాన రహదారిపై రాకపోకలు నిలిచిపోయాయి. పోలీసులు జోక్యం చేసుకుని సమస్యను అధికారుల దృష్టికి తీసుకెళ్లి పరిష్కరిస్తామని హామీ ఇవ్వడంతో రైతులు ఆందోళన విరమించారు.

Politics· 1d ago

ఫాంహౌస్‌లో రియల్టర్‌ బలవన్మరణం.. కలకలం

TG: రంగారెడ్డి జిల్లా కందుకూరులోని నేదునూరుకు చెందిన రియల్ ఎస్టేట్ వ్యాపారి బాణాల రాంరెడ్డి రాంబాబు తన వ్యవసాయ పొలంలో చెట్టుకు ఉరి వేసుకుని ఆత్మహత్యకు పాల్పడ్డారు. ఈ ఘటన ఆ ప్రాంతంలో విషాదాన్ని నింపింది. కాగా రాంరెడ్డి ఆత్మహత్యకు గల కారణం ఏంటన్నది తెలియాల్సి ఉంది. అయితే ఇవాళ ఆత్మహత్య నివారణ దినంనాడే రాంరెడ్డి ఈ ఘాతుకానికి పాల్పడటంతో కుటుంబ సభ్యులు, బంధువులు కన్నీరు మున్నీరవుతున్నారు.

‘ఫ్యూచర్ సిటీయే ఉండదు’.. KTR షాకింగ్ కామెంట్స్

▶

Politics· 1d ago

‘ఫ్యూచర్ సిటీయే ఉండదు’.. KTR షాకింగ్ కామెంట్స్

TG: ఫ్యూచర్ సిటీ ప్రాజెక్ట్‌పై BRS వర్కింగ్ ప్రెసిడెంట్ KTR సంచలన కామెంట్స్ చేశారు. ఈరోజు ఫ్యూచర్ సిటీ ఏరియాలో పర్యటించిన ఆయన.. BRS మళ్లీ పవర్‌లోకి వస్తే ఈ ప్రాజెక్ట్ ఉండదని అన్నారు. హైదరాబాద్ ఫార్మా సిటీ కోసం రైతుల నుంచి తీసుకున్న భూములను రియల్ ఎస్టేట్ కోసం వాడుతున్నారని ఆరోపించారు. రైతులు తమ ల్యాండ్స్‌ను ఫార్మా సిటీ కోసమే ఇచ్చారని, రియల్ ఎస్టేట్ బిజినెస్ కోసం కాదన్నారు. 'ఫ్యూచర్‌లో ఫ్యూచర్ సిటీ ఉండదు' అంటూ కాంగ్రెస్ ప్రభుత్వంపై KTR ఫైర్ అయ్యారు.

Politics· 3d ago

నేడు కోర్టుకు తాతా మధు, నవీన్ రెడ్డి

నారాయణగూడ పోలీస్ స్టేషన్‌లో బీఆర్ఎస్ ఎమ్మెల్సీ తాతా మధు, నవీన్ రెడ్డి విచారణ ముగిసింది. వారికి కాసేపట్లో పోలీసులు కింగ్ కోఠి ఆస్పత్రికి తరలిస్తారు. వైద్య పరీక్షల తర్వాత నాంపల్లి కోర్టులో హాజరు పరుస్తారు. స్పీకర్‌ గడ్డం ప్రసాద్‌పై తాతా మధు చేసిన వ్యాఖ్యలతో పోలీసులు ఈ చర్యలు తీసుకున్నారు.