చైన్ స్నాచింగ్‌లపై అవగాహన

By MADDIMANENI PRASANNAKUMAR· 1h ago· Gooty Rs, Gooty, Ananthapuramu

AP: అనంతపురం జిల్లా గుత్తి పట్టణంలోని ఎమ్మెస్ జూనియర్ కళాశాల గ్రౌండ్‌లో వాకర్స్‌కు చైన్ స్నాచింగ్‌లు, దొంగతనాలపై పోలీసులు అవగాహన కల్పించారు. గుత్తి సీఐ రామారావు ఆదేశాల మేరకు ఎస్సైలు సురేష్, అమీర్ ఖాన్ ఆధ్వర్యంలో హెడ్ కానిస్టేబుల్ హనుమంతప్ప ఈ కార్యక్రమం నిర్వహించారు. మహిళలు, వృద్ధులు, ఒంటరిగా ప్రయాణించే వారు అప్రమత్తంగా ఉండాలని సూచించారు. బయటకు వెళ్లేటప్పుడు ఖరీదైన బంగారు ఆభరణాలను బహిరంగంగా ధరించవద్దని, ద్విచక్ర వాహనాలపై వెనుక నుంచి వచ్చే వ్యక్తుల పట్ల జాగ్రత్తగా ఉండాలని తెలిపారు.

More in Local

Local· 6m ago

కరుణాకర్ కుటుంబానికి మిత్రుల ఆర్థిక భరోసా

TG: వరంగల్ జిల్లా నల్లబెల్లి మండలం వేదనగర్‌కు చెందిన స్వర్గీయ కరుణాకర్ కుటుంబాన్ని ఆయన చిన్ననాటి స్నేహితులు సోమవారం పరామర్శించారు. నిరుపేద కుటుంబానికి అండగా నిలిచిన మిత్రులు తమ గ్రూపులోని సభ్యుల నుంచి సేకరించిన రూ.30 వేల ఆర్థిక సాయాన్ని కరుణాకర్ కుమారులకు అందజేశారు. భవిష్యత్తులోనూ కుటుంబానికి తమ వంతు సహకారం అందిస్తామని హామీ ఇచ్చారు. కార్యక్రమంలో బిక్షపతి, నాగరాజు, మోహన్, ప్రవీణ్, శంకర్, రాజేష్, రాజేందర్, సాగర్, సతీష్, మహేందర్, భాస్కర్, స్వామి, ప్రభాకర్ తదితరులు పాల్గొన్నారు.

Local· 8m ago

విద్యార్థుల జీవితాల్లో గురువుల పాత్ర కీలకం

TG: విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర అత్యంత కీలకమని షాద్‌నగర్ మండల విద్యాధికారి టీ. మనోహర్ అన్నారు. తెలంగాణ గుర్తింపు పొందిన పాఠశాలల యాజమాన్యాల సంఘం ఆధ్వర్యంలో షాద్‌నగర్‌లోని సాయిరాజా ఫంక్షన్ హాల్‌లో డాక్టర్ సర్వేపల్లి రాధాకృష్ణన్ ఉత్తమ ఉపాధ్యాయుల పురస్కార ప్రదానోత్సవం ఆదివారం రాత్రి ఘనంగా నిర్వహించారు. కార్యక్రమంలో సుమారు 50 పాఠశాలలకు చెందిన 250 మంది ఉపాధ్యాయులు, ప్రధానోపాధ్యాయులు, నిర్వాహకులు పాల్గొన్నారు.

Local· 16m ago

అరెస్టులతో ఉద్యమం ఆగదు: మాదరి శ్రీకాంత్

TG: ములుగు జిల్లా కేంద్రంలో విద్యార్థుల హక్కుల కోసం ప్రశ్నించినందుకు తనను అరెస్ట్ చేయడం కాంగ్రెస్ ప్రభుత్వ నియంతృత్వానికి నిదర్శనమని BJYM ములుగు జిల్లా అధ్యక్షుడు మాదరి శ్రీకాంత్ ఆరోపించారు. రూ.15 వేల కోట్ల ఫీజు రీయింబర్స్‌మెంట్ బకాయిలు విడుదల చేయకుండా 40 లక్షల మంది విద్యార్థుల భవిష్యత్తుతో ప్రభుత్వం చెలగాటమాడుతోందని విమర్శించారు. విద్యార్థి మహాధర్నాకు అనుమతి నిరాకరించడాన్ని ప్రశ్నించిన శ్రీకాంత్‌ను పోలీసులు అరెస్ట్ చేసి నార్లాపూర్ పోలీస్‌స్టేషన్‌కు తరలించారు.

Local· 26m ago

జలవిహారిలో స్థానికులకే ఉపాధి కల్పించాలి

AP: అల్లూరి సీతారామరాజు జిల్లా చాపరాయి జలవిహారిలో స్థానిక నిరుద్యోగులకు ఉపాధి కల్పించడంలో జాప్యం జరుగుతోందని నిరుద్యోగులు ఆవేదన వ్యక్తం చేస్తున్నారు. పంచాయతీ అభివృద్ధి కమిటీలో గతంలో 10 మంది స్థానికులకు ఉపాధి కల్పించాలని తీర్మానం చేసినప్పటికీ, స్థానికులను పక్కనపెట్టి బయటి వ్యక్తులకు అవకాశాలు కల్పిస్తున్నారని ఆరోపించారు. డుంబ్రిగుడకు చెందిన మండ్యాగురు అరుణ్‌ మాట్లాడుతూ.. రెండేళ్లుగా ఉపాధి కోసం ITDA, జిల్లా అధికారుల చుట్టూ తిరుగుతున్నా సమస్య పరిష్కారం కాలేదని తెలిపారు.