గ్రామస్తుల తాగునీటి కష్టాలకు త్వరలో చెక్‌!

By GOLLAPALLI SUDHAKAR RAO· 1h ago· Thurpu Boyamadugula, Varikuntapadu, Sri Potti Sriramulu Nellore

నెల్లూరు జిల్లా వాకాడు మండలం కోడివాక గ్రామంలో తాగునీటి సమస్య పరిష్కారానికి ₹.10 లక్షలతో 2.2 కిలోమీటర్ల పైప్‌లైన్ పనులు ప్రారంభించారు. TDP నాయకుడు దువ్వూరు జనార్దన్ రెడ్డి చొరవతో, గూడూరు MLA పాశం సునీల్ కుమార్ సహకారంతో పీఎం ఏజీవై నిధులతో పనులు చేపట్టారు. పనులు పూర్తయితే గ్రామస్తులకు తాగునీటి ఇబ్బందులు తొలగుతాయని జనార్దన్ రెడ్డి తెలిపారు. ఈ సందర్భంగా MLA, TDP నాయకుడికి గ్రామస్థులు కృతజ్ఞతలు తెలిపారు.

More in Local

Local· just now

అల్లూరులో లబ్ధిదారులకు ఇళ్ల పట్టాల పంపిణీ

అల్లూరులోని TDP కార్యాలయంలో ఇవాళ ప్రధానమంత్రి ఆవాస్ యోజన (అర్బన్)-2.0 పథకం కింద 189 మంది లబ్ధిదారులకు MLA కావ్య కృష్ణారెడ్డి ఇళ్ల పట్టాలు పంపిణీ చేశారు. ఒక్కో ఇంటి నిర్మాణానికి ₹.2.50 లక్షల చొప్పున మొత్తం ₹.4.72 కోట్లకు పైగా నిధులు కేటాయించినట్లు తెలిపారు. పేద కుటుంబాలకు సొంత ఇల్లు కల్పించడమే కూటమి ప్రభుత్వ లక్ష్యమని పేర్కొన్నారు. కార్యక్రమంలో అధికారులు, నాయకులు, ప్రజాప్రతినిధులు పాల్గొన్నారు.

Local· 3m ago

జల్ జీవన్ పైపుల లీకేజీ.. నీరు వృథా!

నెల్లూరు జిల్లా కొండాపురం మండల కేంద్రంలోని పశువైద్యశాల సమీపంలో జల్ జీవన్ మిషన్ పైపులైన్ల లీకేజీతో నాలుగు నెలలుగా నీరు వృథాగా పోతోంది. దీంతో రోడ్లు బురదమయంగా మారి, మురుగునీరు ఇళ్లలోకి వస్తోందని గ్రామస్తులు ఆవేదన వ్యక్తం చేస్తున్నారు. గుంతల్లో పశువులు, కుక్కలు పడుతున్నాయని, కలుషిత నీటితో వ్యాధులు వచ్చే ప్రమాదం ఉందని ఆందోళన చెందుతున్నారు. అధికారులకు ఫిర్యాదు చేసినా స్పందన లేదని, వెంటనే లీకేజీలను అరికట్టాలని కోరుతున్నారు.

▶

Local· 7m ago

అర్హులైన దివ్యాంగులకు వాహనాలు అందజేత

విజయనగరం జిల్లా రాజాంలో దివ్యాంగుల సంక్షేమానికి ప్రభుత్వం ప్రాధాన్యత ఇస్తోందని MLA కోండ్రు మురళీమోహన్ తెలిపారు. రాజాం TDP కార్యాలయం వద్ద మొదటి విడతలో భాగంగా నియోజకవర్గానికి చెందిన ఆరుగురు అర్హులైన దివ్యాంగులకు రెట్రోఫిట్ మూడు చక్రాల వాహనాలను పంపిణీ చేశారు. దివ్యాంగుల అభ్యున్నతికి ప్రభుత్వం కృషి చేస్తోందని ఈ సందర్భంగా ఆయన పేర్కొన్నారు.

Local· 8m ago

దసరా సెలవుల్లో క్లాసులు పెడితే చర్యలు తప్పవు

రాష్ట్ర ప్రభుత్వం ప్రకటించిన దసరా సెలవుల్లో ప్రైవేటు పాఠశాలలు తరగతులు నిర్వహిస్తే చర్యలు తీసుకుంటామని కావలి ఎంఈఓలు బండి గోవిందయ్య, CH. వెంకటసుబ్బయ్య హెచ్చరించారు. అక్టోబర్ 10 నుంచి 21 వరకు సెలవులు ఉంటాయని, అక్టోబర్ 22న పాఠశాలలు తిరిగి ప్రారంభమవుతాయని తెలిపారు. నిబంధనలు ఉల్లంఘించి తరగతులు నిర్వహించే పాఠశాలల యాజమాన్యాలపై చట్టపరమైన చర్యలు తప్పవని స్పష్టం చేశారు.