ఆరోపణలను ఖండించిన ECI

By Krishna· 5h ago· X

కేంద్ర ఎన్నికల సంఘం ప్రధాన అధికారి జ్ఞానేష్ కుమార్‌‌పై ఆరోపణలను ECI ఖండించింది. "ఇవి సాధారణ అభిప్రాయాలు, డ్రాఫ్ట్ దశలోని సూచనలు మాత్రమే. అన్ని ఫైనల్ నిర్ణయాలూ ఏకగ్రీవంగా తీసుకున్నవే" అని తెలిపింది. "ఆర్టికల్ 324 ప్రకారం పారదర్శకతతో, చట్టపరంగా పనిచేస్తూ.. ఈమధ్య 40కి పైగా సంస్కరణలు చేపట్టాం" అని చెబుతూ ECI ప్రెస్ నోట్ రిలీజ్ చేసింది. దీంతో జ్ఞానేష్ కుమార్‌‌పై ఆరోపణలతో <a href="https://www.theclearcutnews.com/n/z5XNzeN">ది ఇండియన్ ఎక్స్‌ప్రెస్</a> ప్రచురించిన రిపోర్టును ECI పరోక్షంగా ఖండించినట్లైంది.

More in National

National· 5h ago

శబరిమలలో ప్రసాదం కొరత

శబరిమలలో ఇటీవల జరిగిన నెలవారీ పూజల్లో భక్తులకు అరవణ ప్రసాదం అందలేదు. ఒక్క టిన్ అరవణ కోసం గంటల తరబడి వెయిట్ చేయాల్సి వచ్చింది. కొందరు ప్రసాదం లేకుండానే తిరిగి వెళ్లారు. అరవణ తయారు చేసే ప్లాంట్‌ను రిపేర్ల కోసం మూసేశారు. ముందుగా తగినంత స్టాక్ రెడీ చేయకపోవడం, భక్తులు ఎక్కువగా రావడంతో స్టాక్ త్వరగా అయిపోయింది. ప్రస్తుతం నెలవారీ పూజలు ముగియడంతో సమస్య కొంత తగ్గింది. ప్లాంట్ సామర్థ్యం పెంచే పనులు జరుగుతున్నాయని, త్వరలోనే ఉత్పత్తి స్టార్ట్ అవుతుందని అధికారులు చెబుతున్నారు.

▶

National· 5h ago

అది దేశ ద్రోహమే: ప్రియాంక గాంధీ

ఎన్నికల్లో అక్రమాలు జరుగుతున్నాయని తెలిసినా ఎన్నికల సంఘం వాటిని అనుమతిస్తే అది ‘దేశద్రోహ చర్య’ అవుతుందని కాంగ్రెస్‌ MP ప్రియాంక గాంధీ అన్నారు. కేరళలోని నీలంబూర్‌లో ఆమె మాట్లాడుతూ.. ఓటర్ల జాబితాలో పేర్ల తొలగింపు, ఎన్నికల కమిషనర్ల అభ్యంతరాలపై <a href="https://www.theclearcutnews.com/n/z5XNzeN">నిష్పాక్షిక దర్యాప్తు </a>జరగాలని కోరారు. ఆరోపణలు అత్యంత తీవ్రమైనవన్న ఆమె.. అన్యాయమైన ఎన్నికలు ప్రజాస్వామ్యానికే ముప్పు కలిగించవచ్చని హెచ్చరించారు.

National· 6h ago

ఎన్నికల డేటాబేస్‌పై పెద్ద వివాదం!

ఎలక్షన్ కమిషనర్లు సుఖ్‌బీర్ సింగ్, వివేక్ జోషి ఓటర్ల జాబితా డేటాను ఒకే చోట కేంద్రీకృతం చేయడంపై అభ్యంతరం తెలిపారు. కొత్త సాఫ్ట్‌వేర్ వల్ల జిల్లా అధికారుల పవర్ తగ్గిపోతున్నాయని చెప్పారు. లోకల్ కంట్రోల్ పోతోందని, ఐఐటీ ఎక్స్‌పర్ట్స్‌తో <a href="https://www.theclearcutnews.com/n/z5XNzeN">ఇండిపెండెంట్ ఆడిట్</a> చేయాలని కోరారు. 2026లో 12 రాష్ట్రాల్లో ఐటీ విభాగం పర్మిషన్ లేకుండా సాఫ్ట్‌వేర్ మార్పులు చేశారని చెప్పారు. దీనిపై క్యాబినెట్ సెక్రటరీకి లెటర్స్ రాశారు.

▶

National· 6h ago

ఒడిశాలో జంటపై దాడి.. బీహార్ తరహాలో.!

ఒడిశా.. ధేన్‌కనాల్ జిల్లాలోని కపిలాష్ ఆలయానికి బైక్‌పై వెళ్తున్న టూరిస్ట్ కపుల్‌ను కొందరు వ్యక్తులు అడ్డగించి దాడి చేశారు. ఈ ఘటన వీడియోని సోషల్ మీడియాలో చూసిన నెటిజన్లు.. టూరిస్టులకు సెక్యూరిటీ ఎక్కడ అని ప్రశ్నిస్తున్నారు. ఆ జంటపై కొందరు దాడి చేస్తున్నట్లు వీడియోలో స్పష్టంగా ఉంది. ఈ కేసులో ఇద్దరు వ్యక్తులను పోలీసులు అదుపులోకి తీసుకున్నారు. బీహార్‌లో ఇటీవల ఇలాంటి ఘటనే జరిగింది. దాడులకు పాల్పడే వారిపై కఠిన చర్యలేవి అనే ప్రశ్నలొస్తున్నాయి.