ఒంటికాలిపై మున్సిపల్ కార్మికుల నిరసన

By Krishna· 2d ago· X

TG: తమ జీతాల కోసం ఒంటి కాలిపై నిలబడి నిరసన తెలిపారు వికారాబాద్ మున్సిపల్ కార్మికులు. 10 రోజులుగా ఆందోళన చేస్తున్నా ప్రభుత్వం స్పందించడం లేదనీ, మున్సిపల్ కార్మికులకు పెండింగ్ జీతాలు వెంటనే చెల్లించి న్యాయం చేయాలని కార్మికులు నిరసన తెలిపారు. అయితే వికారాబాద్ మున్సిపల్ చైర్మన్‌గా స్పీకర్ గడ్డం ప్రసాద్ కూతురు గడ్డం అనన్య వ్యవహరిస్తున్నారు. అలాంటి చోట మున్సిపల్ కార్మికులు ఇలా రోడ్డెక్కడం కాంగ్రెస్ ప్రభుత్వానికి సవాలుగా మారింది.

More in TG

TG· 10m ago

తెలంగాణలో విద్యాయాత్ర.. ప్రజలకు పిలుపు

రిటైర్డ్ IAS ఆకునూరి మురళి ఆధ్వర్యంలో 'విద్యాయాత్ర' జరగబోతోంది. తెలంగాణలో ప్రభుత్వ విద్యను కాపాడటమే దీని ముఖ్య ఉద్దేశం. సెప్టెంబర్ 15న ఉదయం 10 గంటలకు హైదరాబాద్‌లోని పెద్ద అంబేద్కర్ విగ్రహం దగ్గర బస్సుయాత్రగా మొదలయ్యే ఈ విద్యాయాత్రను తల్లిదండ్రులే ఫ్లాగ్ ఆఫ్ చేసి విజయవంతం చేయాలని పిలుపిచ్చారు. గవర్నమెంట్ స్కూళ్లను డెవలప్‌చేసి, స్టూడెంట్స్‌కి క్వాలిటీ ఎడ్యుకేషన్ అందించాలనే లక్ష్యంతో ఈ ఉద్యమం నడుస్తోంది. ఇందులో అందరూ పాల్గొని విజయవంతం చెయ్యాలని కోరారు.

TG· 14m ago

TG-SET 2026 పరీక్ష తేదీలు వచ్చేశాయ్

TG : తెలంగాణ స్టేట్‌ ఎలిజిబిలిటీ టెస్ట్‌ TG-SET 2026 పరీక్షలను సెప్టెంబర్‌ 28, 29, 30వ తేదీల్లో నిర్వహించనున్నారు. మొత్తం 29 subjectsకు Computer Based Test విధానంలో పరీక్ష జరగనుంది. సబ్జెక్టుల వారీగా Shift-I, Shift-IIలో పరీక్షలు నిర్వహించనున్నారు. సెప్టెంబర్‌ 24 నుంచి Hall Tickets డౌన్‌లోడ్‌ చేసుకోవచ్చని TG-SET అధికారులు తెలిపారు.

TG· 1h ago

48 కిలోల బంగారు గణేశుడు.. అదిరిపోయే లుక్!

TG: హైదరాబాద్‌ నగరం బేగంబజార్‌లోని ఫీల్డ్‌ఖానాలో ఏర్పాటు చేసిన 48 కిలోల గణేశ విగ్రహం ప్రత్యేక ఆకర్షణగా నిలిచింది. 24 క్యారెట్ల బంగారు పూతతోపాటు 3.8 లక్షలకు పైగా అమెరికన్ వజ్రాలతో ఈ విగ్రహాన్ని అలంకరించారు. ఎనిమిది మంది నిపుణులైన కళాకారులు 8 నెలల పాటు శ్రమించి ఈ విగ్రహాన్ని రూపొందించారు. బంగారు గణనాథుడిని చూసేందుకు భక్తులు, ప్రజలు పెద్ద సంఖ్యలో తరలివస్తున్నారు.

వినాయకుడి వద్దా రాజకీయాలే! పూజ లేకుండానే నిమజ్జనం!

▶

TG· 1h ago

వినాయకుడి వద్దా రాజకీయాలే! పూజ లేకుండానే నిమజ్జనం!

TG: రంగారెడ్డి జిల్లా, షాద్‌నగర్.. పీర్జాపూర్ గ్రామం.. వినాయక చవితి వేడుకల్లో రాజకీయాలు, వర్గ విభేదాలు తలెత్తాయి. ఆంజనేయ స్వామి ఆలయానికి ఒక వర్గం విగ్రహాన్ని తేగా, సర్పంచ్ అధ్వర్యంలోని మరో వర్గం వ్యతిరేకించింది. టెన్షన్ పెరగడంతో పోలీసులు ఎంటరయ్యారు. ఆంజనేయ స్వామి ఆలయంలో విగ్రహం పెట్టొద్దని ఆదేశించారు. విగ్రహాన్ని తెచ్చిన వర్గం తీవ్రంగా ఫీలైంది. దేవుడి విషయంలోనూ పాలిటిక్స్ ఏంటంటూ.. తాము తెచ్చిన గణపతికి ఎలాంటి పూజలూ చేయకుండానే గ్రామ చెరువులో నిమజ్జనం చేసింది.