వరదలో పంటలు నష్టం.. MLC పర్యటన!

By Mohan· 56m ago· Vangara, Vangara, Vizianagaram

వర్షాలు రైతులను కుదేలు చేశాయి. విజయనగరం జిల్లా వంగర మండలంలో కొండచకరాపల్లి, కొప్పర ప్రాంతాల్లో వరి, కూరగాయలు, అరటి తోటలు దెబ్బతిన్నాయి. వైఎస్సార్సీపీ ఎమ్మెల్సీ పాలవలస విక్రాంత్ ఆ ప్రాంతాలను పరిశీలించారు. బాధిత రైతులను పరామర్శించారు. పంట నష్టాన్ని వెంటనే అంచనా వేయాలని, ప్రభుత్వం తరఫున నష్టపరిహారం అందించాలని అధికారులను కోరారు. అర్హులైన ప్రతి రైతుకు న్యాయం జరగాలన్నారు.

More in Local

Local· 2m ago

వరద నీటిలో ఆందోళన.. గ్రామాలు ముంపులోకి!

పోలవరం జిల్లా చింతూరు మండలం కుయిగూరు, కల్లేరు గ్రామస్తులు శుక్రవారం వరద నీటిలో ఆందోళన చేపట్టారు. ప్రతి ఏడాది వరదలతో తీవ్ర ఇబ్బందులు పడుతున్నామని, ఇళ్లు ఖాళీ చేయాల్సి వస్తోందని ఆవేదన వ్యక్తం చేశారు. 45.7.2 కాంటూర్‌లో ఉన్న తమ గ్రామాలను 41.15 కాంటూర్‌లో చేర్చి పరిహారం ఇవ్వాలని, పునరావాసం కల్పించాలని డిమాండ్ చేశారు. ఐటీడీఏ పీవో శుభం నొక్వాల్ ఫోన్‌లో మాట్లాడి సమస్య పరిష్కరిస్తామని హామీ ఇచ్చారు. దీంతో ఆందోళన విరమించారు.

Local· 4m ago

క్యాండిల్స్ తో వైద్య ఉద్యోగుల నిరసన!

మార్కాపురం జిల్లాలో వైద్య ఆరోగ్య శాఖ కాంట్రాక్ట్ ఉద్యోగులు శాంతియుత నిరసన చేపట్టారు. స్టేట్ జేఏసీ పిలుపు మేరకు క్యాండిల్స్‌తో నిరసన తెలిపారు. గత రెండు నెలలుగా వివిధ రూపాల్లో నిరసనలు కొనసాగుతున్నాయి. కాంట్రాక్ట్ ఉద్యోగులను వెంటనే రెగ్యులర్ చేయాలని, రెగ్యులరైజేషన్ జరిగే వరకు 100 శాతం జీతాలు చెల్లించాలని డిమాండ్ చేశారు. వైద్య సేవలకు ఆటంకం లేకుండా విరామ సమయంలోనే నిరసనలు చేపట్టారు.

Local· 7m ago

లడ్డూ వేలం.. రూ.11 లక్షలు!

రంగారెడ్డి జిల్లాలోని షాద్ధి నగర్ పరిధిలోని మధురాపురం గ్రామంలో వినాయక చవితి సందర్భంగా లడ్డూ వేలం జరిగింది. రెడ్డి సేవా సమితి ఆధ్వర్యంలో నిర్వహించిన ఈ వేలంలో భక్తులు ఫుల్ ఎనర్జీతో పాల్గొన్నారు. చివరికి మల్కయ్యగారి సునీత వెంకట్‌రెడ్డి దంపతులు రూ.11,11,111కు లడ్డూ ప్రసాదాన్ని దక్కించుకున్నారు. ఇది తమ కుటుంబానికి అదృష్టమని వారు అన్నారు. 2011లో రూ.41,116తో మొదలైన వేలం ఇప్పుడు రూ.11 లక్షలకు చేరింది. లడ్డూ ప్రసాదం కోసం పోటీ ఏటా పెరుగుతోంది.

Local· 9m ago

భూసేకరణలో దళారులను నమ్మొద్దు!

రామగుండం, ఎన్టీపీసీ, సింగరేణి, రాజాపూర్ ప్రాంతాల్లో భూసేకరణ జరుగుతోంది. పెద్దపల్లి జిల్లాలో జాతీయ రహదారులు, రైల్వే మార్గాల విస్తరణకు కూడా భూసేకరణ చేపడుతున్నారు. ఈ ప్రక్రియలో కొంతమంది దళారులు, మధ్యవర్తులు ప్రజలను మోసం చేస్తున్నారని కలెక్టర్ కోయ శ్రీహర్ష తెలిపారు. ఎక్కువ నష్టపరిహారం ఇప్పిస్తామని నమ్మిస్తూ అమాయకుల నుంచి డబ్బులు వసూలు చేస్తున్నారన్నారు. ప్రభుత్వ మార్గదర్శకాల ప్రకారం అర్హులకు నష్టపరిహారం అందుతుందని స్పష్టం చేశారు.