నగరంలో అర్ధరాత్రి కుండపోత వర్షం
By డీకే· 23 Jun 2026· Dishadaily· హైదరాబాద్
హైదరాబాద్ నగరంలో సోమవారం అర్ధరాత్రి పలు ప్రాంతాల్లో ఉరుములు, మెరుపులతో కూడిన భారీ వర్షం కురిసింది. ఎడతెరిపి లేకుండా కురిసిన ఈ కుండపోత వానకు నగరంలోని ప్రధాన రహదారులు, లోతట్టు ప్రాంతాలు జలమయమయ్యాయి. మాదాపూర్, గచ్చిబౌలి, హైటెక్ సిటీ, మణికొండ, ఫిల్మ్నగర్, జూబ్లీహిల్స్, పాతబస్తీ, చార్మినార్, బహదూర్పురా, BHEL, పటాన్చెరు, మియాపూర్లో వాన కురిసింది. డ్రైనేజీలు పొంగిపొర్లడంతో రోడ్లన్నీ చెరువులను తలపించాయి. అర్ధరాత్రి ఒక్కసారిగా వరద నీరు రోడ్లపైకి చేరడంతో వాహనదారులు, ప్రయాణికులు తీవ్ర ఇబ్బందులు ఎదుర్కొన్నారు.
