రైతులపై కాంగ్రెస్ ప్రభుత్వం కపట ప్రేమ: సునీతా లక్ష్మారెడ్డి

By dk yamjala· 28 May 2026· మెదక్

TG: కాంగ్రెస్ ప్రభుత్వం రైతులపై కపట ప్రేమ చూపిస్తుందని నర్సాపూర్ ఎమ్మెల్యే సునీతా లక్ష్మారెడ్డి విమర్శించారు. గురువారం మెదక్ జిల్లా వెల్దుర్తిలోని కుకునూరు చౌరస్తా వద్ద రైతులు నిర్వహించిన ధర్నాలో ఎమ్మెల్యే పాల్గొన్నారు. ధాన్యం కొనుగోళ్ల జాప్యానికి కాంగ్రెస్ గవర్నమెంటే కారణమన్నారు. ధాన్యం కొనుగోలు చేసే ముందు సాధారణ ఏర్పాట్లు చేసుకోవాల్సిన బాధ్యత ప్రభుత్వానికి లేదా అని ప్రశ్నించారు. స్టేట్ గవర్నమెంట్ వెంటనే తడిచిన, మొలకెత్తిన, రంగుమారిన ధాన్యాన్ని చివరి గింజ వరకు కొనుగోలు చేసి మద్దతు ధర అందించాలని డిమాండ్ చేశారు.

More in Politics

Politics· 7h ago

CJP నిరసనలో ఇవే Do’s & Don’ts

అక్టోబర్ 2న ముంబైలో CJP నిరసనకు రెడీ అవుతోంది. సాయంత్రం 4 గంటలకు శివాజీ పార్క్ గేట్ నంబర్ 6 దగ్గర చేరాలని పిలుపునిచ్చింది. నిరసనకు వచ్చే వాళ్లకు కొన్ని సూచనలు చేసింది. ఫోన్‌లో నిరసనను రికార్డ్ చేసి Live చేయాలని, వీలైతే ఫ్యామిలీతో రావాలని చెప్పింది. నీళ్లు, క్యాప్, సన్‌స్క్రీన్‌తో రావాలని సూచించింది. ఒంటరిగా రావొద్దని, గొడవలకు దిగొద్దని, ట్రోల్స్‌తో గొడవ పడొద్దని చెప్పింది. గ్యానేశ్ కుమార్ రాజీనామా చేయాలని డిమాండ్ చేసింది.నిరసన మొత్తం పీస్‌ఫుల్‌గా, డిసిప్లిన్‌గా జరపాలని CJP కోరింది.

Politics· 18h ago

పది రోజులుగా భూభారతి సేవలు బంద్

హన్మకొండ జిల్లా కమలాపూర్ తహసీల్దార్ కార్యాలయంలో పది రోజులుగా భూభారతి సేవలు నిలిచిపోయాయి. భూముల రిజిస్ట్రేషన్లు, పట్టా మార్పిడి, నాలా కన్వర్షన్, మార్టిగేజ్ పనులు జరగక కొనుగోలుదారులు, రైతులు ఇబ్బందులు పడుతున్నారు. ఆన్‌లైన్‌లో స్లాట్ బుక్ చేసుకున్నా కార్యాలయానికి వెళ్లి రోజుల తరబడి వేచి చూడాల్సి వస్తోందని వాపోయారు. ఆపరేటర్ సెలవులో ఉండటంతో సమస్య తలెత్తిందని తహసీల్దార్ సురేశ్ కుమార్ తెలిపారు.

Politics· 3d ago

రెండు రోజులు తాగునీటి సరఫరా బంద్

యాదాద్రి భువనగిరి జిల్లాలో ఈ నెల 29, 30న రెండు రోజులు గోదావరి తాగునీటి సరఫరా బంద్. తుర్కపల్లి జిల్నర్ వద్ద 600 మిమీ గేట్ వాల్వ్ మరమ్మతుల కారణంగా 700 మిమీ డీఐ పైప్‌లైన్ నీటిని తాత్కాలికంగా ఆపేశారు. మిషన్ భగీరథ ఈఈ కె. రుకుణరకర్ ఈ వివరాలు తెలిపారు. మోటకొండూర్, యాదగిరిగుట్ట, గుండాల, ఆలేరు, ఆత్మకూర్, తుర్కపల్లి, భువనగిరి మండలాల్లో సరఫరా నిలుస్తుంది. యాదగిరిగుట్ట, ఆలేరు మున్సిపాలిటీలు, వైటీడీఏ పరిధిలోనూ ప్రభావం ఉంటుంది.

Politics· 3d ago

ఆక్వా యూనిట్లపై పవన్ కల్యాణ్ ఆదేశాలు

AP: ఆక్వా యూనిట్ల నుంచి వచ్చే వ్యర్థాలు నదులు, కాలువలు, భూగర్భ జలాల్లో కలవకుండా చూడాలని AP డిప్యూటీ సీఎం పవన్ కల్యాణ్ ఆదేశించారు. 119 ఆక్వా ప్రాసెసింగ్, 12 ప్రీ-ప్రాసెసింగ్ యూనిట్లలో రూల్స్ కచ్చితంగా పాటించాలని చెప్పారు. 82 యూనిట్ల నుంచి శాంపిల్స్ తీసుకుని చెక్ చేయగా.. 10 యూనిట్లలో సమస్యలు గుర్తించారు. దీంతో వాటికి షోకాజ్ నోటీసులు ఇచ్చారు. రెండు వారాల్లో సమస్యలు కరెక్ట్ చేసుకోవాలని అధికారులు చెప్పారు.