నల్ల బ్యాడ్జీలతో పెన్షన్ విద్రోహం! చలో కలెక్టరేట్ విజయం

By KS· 3d ago

పెద్దపల్లి జిల్లా కలెక్టరేట్ వద్ద ఉద్యోగులు, ఉపాధ్యాయులు, పెన్షనర్లు, కార్మికులు నల్ల బ్యాడ్జీలతో విద్రోహ దినాన్ని నిర్వహించారు. టీజీఈజేసీ (TGEJAC) పిలుపు మేరకు ఈ ధర్నా జరిగిందని, అది విజయవంతమైందని జిల్లా చైర్మన్ బొంకూరి, శంకర్ తెలిపారు.తెలంగాణ సాధనలో ఉద్యోగులు కీలక పాత్ర పోషించినా, నేడు వారి హక్కులు నిర్లక్ష్యం కావడం బాధాకరమన్నారు. ఇది కేవలం పెన్షన్ సమస్య కాదని, ఉద్యోగుల గౌరవం, భద్రతకు సంబంధించిన ఉద్యమమని చెప్పారు. ప్రభుత్వం స్పందించకపోతే సెప్టెంబర్ 10న హైదరాబాద్ లో మహాధర్నా చేస్తామన్నారు.

More in Local

Local· 8m ago

రూ. 1 కోటి నిధులతో రామాలయ నిర్మాణం

AP: నెల్లూరు జిల్లా మర్రిపాడు మండలం డి.సి.పల్లి గ్రామంలో శ్రీ కోదండ రామాలయ నిర్మాణానికి దేవాదాయ శాఖ మంత్రి ఆనం రామనారాయణరెడ్డి శంకుస్థాపన చేశారు. దాదాపు రూ.1 కోటి CGF నిధులతో ఆలయ నిర్మాణం చేపట్టనున్నారు. ఈ సందర్భంగా మంత్రి ఆలయ నిర్మాణ పనులకు శంకుస్థాపన చేసి కార్యక్రమాన్ని ప్రారంభించారు. గ్రామంలో ఆధ్యాత్మిక వాతావరణంలో జరిగిన ఈ కార్యక్రమంలో స్థానిక ప్రజలు, నాయకులు, అధికారులు పాల్గొన్నారు. ఆలయ నిర్మాణంతో గ్రామంలో భక్తులకు మరింత మెరుగైన సౌకర్యాలు అందుబాటులోకి రానున్నాయి.

Local· 12m ago

ఆరు గ్యారెంటీలు అమలు చేయకపోతే యుద్ధమే

TG: కాంగ్రెస్ ప్రభుత్వం ఎన్నికలకు ముందు ఇచ్చిన ఆరు గ్యారెంటీలను అమలు చేయకుంటే యుద్ధమే తప్పదని మాజీ ఎమ్మెల్యే వై.అంజయ్య యాదవ్ హెచ్చరించారు. హామీల అమలులో ప్రభుత్వ వైఫల్యాన్ని నిరసిస్తూ శనివారం రంగారెడ్డి జిల్లా షాద్‌నగర్ పట్టణ కూడలిలో పెద్ద ఎత్తున ధర్నా, రాస్తారోకో నిర్వహించారు. ఈ సందర్భంగా అంజయ్య యాదవ్ మాట్లాడుతూ, హామీలను అమలు చేసే వరకు తమ పోరాటం కొనసాగుతుందని స్పష్టం చేశారు. రాస్తారోకోతో సుమారు గంటపాటు ట్రాఫిక్ స్తంభించింది. కార్యక్రమంలో సీనియర్ నేతలు వి.నారాయణరెడ్డి, తదితరులు పాల్గొన్నారు.

▶

Local· 15m ago

మంత్రులకు అధికారుల ఘన స్వాగతం

TG: నాగర్‌కర్నూల్ జిల్లా కొల్లాపూర్ నియోజకవర్గంలో అభివృద్ధి పనుల శంకుస్థాపనలకు వచ్చిన రాష్ట్ర మంత్రులు డాక్టర్ దనసరి సీతక్క, జూపల్లి కృష్ణారావుకు అధికారులు ఘన స్వాగతం పలికారు. పెద్దకొత్తపల్లి మండలం నక్కలపల్లి గేటు వద్ద రోడ్ల అభివృద్ధి పనులకు శంకుస్థాపన చేసేందుకు వచ్చిన మంత్రులకు జిల్లా కలెక్టర్ హేమంత్ కేశవ్ పాటీల్, జిల్లా ఎస్పీ డాక్టర్ సంగ్రామ్ సింగ్ జీ పాటిల్ పుష్పగుచ్ఛాలు అందించి స్వాగతం తెలిపారు. అనంతరం మంత్రులు అభివృద్ధి పనుల శంకుస్థాపన కార్యక్రమంలో పాల్గొన్నారు.

Local· 49m ago

గురువులకు ఎమ్మెల్యే పాదాభివందనం

TG: తనకు విద్యాబుద్ధులు నేర్పిన గురువులకు షాద్‌నగర్ ఎమ్మెల్యే వీర్లపల్లి శంకర్ పాదాభివందనం చేసి ఆశీస్సులు తీసుకున్నారు. ఉపాధ్యాయ దినోత్సవం సందర్భంగా రంగారెడ్డి జిల్లా షాద్‌నగర్ ఎమ్మెల్యే క్యాంపు కార్యాలయంలో ఉపాధ్యాయుల సన్మాన కార్యక్రమం నిర్వహించారు. తన గురువులు మదన్మోహన్ రెడ్డి, గోపాలచారిలను శాలువాతో సత్కరించి పాదాభివందనం చేశారు. అనంతరం మండల, జిల్లా స్థాయిలో ఉత్తమ ఉపాధ్యాయ పురస్కారాలు పొందిన టీచర్లను ఘనంగా సన్మానించారు. కార్యక్రమంలో మున్సిపల్ చైర్మన్ అగ్గునూరు బస్వం తదితరులు పాల్గొన్నారు.