Studentsతో కలిసి మొక్కలు నాటిన కలెక్టర్

By Bhasker· 25 Aug 2026· నాగర్‌కర్నూల్

TG : భవిష్యత్ తరాల కోసం అందరూ మొక్కలు నాటి కాపాడాలని నాగర్‌కర్నూల్ జిల్లా కలెక్టర్ హేమంత కేశవ్ పాటీల్ పిలుపునిచ్చారు. పెద్ద ముద్దునూరు ZPHS పాఠశాలలో జరిగిన వన మహోత్సవంలో విద్యార్థులతో కలిసి ఆయన 100 మొక్కలు నాటారు. ప్రతి స్టూడెంట్ ఒక మొక్కను నాటి ఇంట్లో మనిషిలా చూసుకోవాలని, ఆక్సిజన్, మంచి వర్షాల కోసం చెట్లు చాలా ముఖ్యమని చెప్పారు. పాఠశాలలు, ఆఫీసుల్లో ప్లాంటేషన్ పెంచాలని అధికారులను ఆదేశించారు. ఈ కార్యక్రమంలో ఫారెస్ట్ ఆఫీసర్ రేవంత్ చంద్ర, సర్పంచ్ ఊర్మిలమ్మ, ఇతర అధికారులు పాల్గొన్నారు.

More in Local

Local· 10m ago

గ్లోబల్ అవార్డ్స్‌లో షాద్‌నగర్ విద్యార్థుల సత్తా

TG: రంగారెడ్డి జిల్లా షాద్‌నగర్‌కు చెందిన న్యూపవర్ కుంగ్‌ఫు అకాడమీ విద్యార్థులు గ్లోబల్ ఎక్సలెన్స్ ఐకాన్ అవార్డ్స్-2026లో ప్రతిభ చాటారు. తెలంగాణ రాష్ట్ర Amateur Sports and Cultural Awards Association ఆధ్వర్యంలో హైదరాబాద్‌లో ఈ అవార్డుల కార్యక్రమం నిర్వహించారు. కరాటే, కుంగ్‌ఫు విభాగాల్లో ప్రతిభ కనబర్చిన వారికి అవార్డులు అందజేశారు. నాజ్మా బేగం, ఇషిక రెడ్డి, సునైనా బేగం, వేదాదిత్య, నాగ, దిక్షిత, దాన్షిక, తదితరులు Global Star Kids Icon Awards అందుకున్నారు.

Local· 14m ago

పేదలందరికీ స్మార్ట్ రేషన్ కార్డులు: ఎమ్మెల్యే

TG: అర్హత కలిగిన ప్రతి పేద కుటుంబానికి రేషన్ కార్డు అందించడమే ప్రజా ప్రభుత్వ లక్ష్యమని రంగారెడ్డి జిల్లా షాద్‌నగర్ ఎమ్మెల్యే వీర్లపల్లి శంకర్ అన్నారు. షాద్‌నగర్ మున్సిపల్ కార్యాలయంలో నిర్వహించిన స్మార్ట్ రేషన్ కార్డుల పంపిణీ కార్యక్రమంలో ఆయన పాల్గొని లబ్ధిదారులకు కార్డులు అందజేశారు. రేషన్ కార్డు కోసం ఏ పార్టీ నాయకుడి సిఫారసు అవసరం లేదన్నారు. అర్హులు మీ సేవ కేంద్రాల్లో దరఖాస్తు చేసుకుంటే అధికారుల పరిశీలన అనంతరం నిబంధనల ప్రకారం కార్డులు మంజూరవుతాయని తెలిపారు.

Local· 16m ago

రంగాపురం సమస్యలు పరిష్కరించాలి

TG: వరంగల్ జిల్లా నల్లబెల్లి మండలం రంగాపురం గ్రామం అభివృద్ధికి ఆమడ దూరంలో ఉందని MCPIU మండల సహాయ కార్యదర్శి మార్తా నాగరాజు ఆవేదన వ్యక్తం చేశారు. గ్రామంలోని సమస్యలను అధికారులు వెంటనే పరిష్కరించాలని డిమాండ్ చేశారు. డంపింగ్ యార్డులో చెత్త పేరుకుపోవడంతో దుర్వాసన, దోమల బెడద పెరిగిందని, అంటువ్యాధులు ప్రబలే ప్రమాదం ఉందన్నారు. సైడ్‌ కాల్వలు సరిగా లేక మురుగునీరు రోడ్లపైకి వస్తోందని తెలిపారు. పాత బావులు పూడుకుపోయాయని, గ్రామ పంచాయతీ అధికారి అందుబాటులో లేక ప్రజలు ఇబ్బందులు పడుతున్నారని పేర్కొన్నారు.

Local· 17m ago

దాచేపల్లిలో అంతరాష్ట్ర కరాటే పోటీలు ప్రారంభం

AP: పల్నాడు జిల్లా దాచేపల్లిలో అంతరాష్ట్ర కరాటే పోటీలు ఆదివారం ఘనంగా ప్రారంభమయ్యాయి. గురజాల నియోజకవర్గ యువనేత యరపతినేని నిఖిల్ పోటీలను ప్రారంభించారు. గెలుపోటములను సమానంగా స్వీకరిస్తూ క్రీడా స్ఫూర్తితో పోటీల్లో పాల్గొనడం ముఖ్యమన్నారు. వివిధ ప్రాంతాల నుంచి విద్యార్థులు పెద్ద సంఖ్యలో పోటీలకు హాజరయ్యారు. కార్యక్రమంలో కరాటే పోటీల చీఫ్ ఆర్గనైజర్ నరసింహారావు, టోర్నమెంట్ ఇన్‌చార్జీలు పార్వతి, నవ్యశ్రీ, ఆర్గనైజర్ లక్ష్మణ్ సాయి, కొప్పుల గిరి, అంబటిమల్లి, కొప్పుల నరసింహారావు, తదితరులు పాల్గొన్నారు.