రాష్ట్రస్థాయి అథ్లెటిక్స్ పోటీలకు నాగర్‌కర్నూల్ Students

By Bhasker· 25 Aug 2026· TG

TG : హనుమకొండలోని జవహర్‌లాల్ నెహ్రూ స్టేడియంలో ఈ నెల 26, 27 తేదీల్లో 12వ తెలంగాణ స్టేట్ యూత్ జోన్ అథ్లెటిక్స్ ఛాంపియన్‌షిప్‌ జరగనుంది. నాగర్‌కర్నూల్ లక్ష్య అథ్లెటిక్స్ కోచింగ్ సెంటర్ నుంచి నలుగురు ఎంపికయ్యారు. అండర్–14 ట్రయాథ్లాన్‌లో నవదీప్, అండర్–16 (600 మీటర్లు)లో గణేష్, అండర్–20 (400 మీటర్లు)లో అజయ్, అండర్–20 (3 కిమీ పరుగు)లో నవీన్ ఎంపికైనట్లు కోచ్ రానా మల్లేష్ తెలిపారు. కష్టపడి ఆడి స్టేట్ లెవెల్లో మెడల్స్ గెలిచి నేషనల్ లెవెల్‌కి వెళ్లాలని కోచ్ Students కి ఆల్ ది బెస్ట్ చెప్పారు.

More in Local

Local· 23m ago

మైల్వార్‌లో రేకుల షెడ్డు ధ్వంసం.. పోలీసులకు ఫిర్యాదు

TG: వికారాబాద్ జిల్లా బషీరాబాద్ మండలం మైల్వార్ గ్రామంలో ఆన్‌లైన్ సెంటర్ కోసం నిర్మించిన రేకుల షెడ్డు ధ్వంసం కావడం వివాదానికి దారితీసింది. గ్రామానికి చెందిన ఉప్పర్ నగేష్ పాఠశాల ఎదుట ఆన్‌లైన్ సెంటర్ ఏర్పాటుకు రేకుల షెడ్డు నిర్మించారు. పంచాయతీ అనుమతులు లేవంటూ అదే గ్రామానికి చెందిన ఇబ్రహీం అభ్యంతరం వ్యక్తంచేసి కర్రతో షెడ్డు ధ్వంసం చేసినట్లు నగేష్ ఆరోపించారు. నిర్మాణానికి అనుమతి కోరుతూ పంచాయతీ కార్యదర్శికి వినతిపత్రం ఇచ్చినట్లు తెలిపారు. ఇబ్రహీంపై చర్యలు తీసుకోవాలని బషీరాబాద్ PSలో ఫిర్యాదు చేశారు.

▶

Local· 1h ago

ఆరు గ్యారంటీలపై BRS తీవ్ర నిరసన

TG: జగిత్యాల జిల్లా బీర్పూర్‌లో కాంగ్రెస్ ప్రభుత్వ హామీల అమలుపై BRS భారీ నిరసన చేపట్టింది. BRS రాష్ట్ర కమిటీ పిలుపుతో రాష్ట్ర ప్రధాన కార్యదర్శి తాటిపర్తి జీవన్‌రెడ్డి, మాజీ జడ్పీ చైర్‌పర్సన్ దావా వసంత సురేష్ ఆధ్వర్యంలో నాయకులు, కార్యకర్తలు తెలంగాణ తల్లి విగ్రహం వరకు ర్యాలీ నిర్వహించారు. అనంతరం చీపుర్లు పట్టుకుని వీధులు, మురుగు కాలువలను శుభ్రం చేశారు. పల్లె పారిశుధ్యాన్ని ప్రభుత్వం నిర్లక్ష్యం చేస్తోందని జీవన్‌రెడ్డి ఆరోపించారు.

Local· 1h ago

పర్యావరణ పరిరక్షణ కోసం Run for Nature

TG: సంగారెడ్డి జిల్లా పటాన్‌చెరులో MDR ఫౌండేషన్ ఆధ్వర్యంలో “రన్ ఫర్ నేచర్” 3K రన్ ఉత్సాహభరితంగా నిర్వహించారు. ORR బైపాస్‌పై కార్యక్రమానికి ఎమ్మెల్యే గూడెం మహిపాల్ రెడ్డి ముఖ్యఅతిథిగా హాజరై జెండా ఊపి 3K రన్‌ను ప్రారంభించారు. పర్యావరణ పరిరక్షణ, స్వచ్ఛమైన గాలి, పచ్చదనం పెంపొందించడంపై ప్రజల్లో అవగాహన కల్పించడమే లక్ష్యంగా రన్ నిర్వహించారు. MDR ఫౌండేషన్ కో-ఫౌండర్ మాదిరి పృథ్వీరాజ్ నేతృత్వంలో కార్యక్రమం జరిగింది. నాయకులు, ఫౌండేషన్ సభ్యులు, సాఫ్ట్‌వేర్ ఉద్యోగులు, తదితరులు పాల్గొన్నారు.

Local· 1h ago

కాంగ్రెస్ వెయ్యి రోజుల పాలనపై BRS నిరసన

TG: నిర్మల్ జిల్లా ఖానాపూర్ నియోజకవర్గంలో కాంగ్రెస్ ప్రభుత్వ వెయ్యిరోజుల పాలనపై BRS నిరసన చేపట్టింది. కడెం పట్టణంలో నియోజకవర్గ ఇంచార్జ్ జాన్షన్ నాయక్ ఆధ్వర్యంలో ప్రధాన వీధులు, మార్కెట్ ఏరియాలో భారీ ర్యాలీ నిర్వహించి కాంగ్రెస్ బాకీ కార్డులను ప్రజలకు పంపిణీ చేశారు. జాన్షన్ నాయక్ మాట్లాడుతూ.. కాంగ్రెస్ ప్రభుత్వం ప్రజలను మోసం చేసిందని విమర్శించారు. ఆరు గ్యారంటీల పేరుతో ఇచ్చిన హామీలు ఏమయ్యాయని ప్రశ్నించారు. మహిళలకు తులం బంగారం, విద్యార్థులకు స్కూటీల హామీలు ఎక్కడ అమలయ్యాయని ప్రభుత్వాన్ని నిలదీశారు.