H-1Bపై లక్ష డాలర్ల ఫీజు.. మళ్లీ షాకిచ్చిన ట్రంప్‌

By Anusha· 19 Sept 2026

H-1B వీసాపై విధించిన లక్ష డాలర్ల ఫీజును అమెరికా ప్రభుత్వం మరో 12 నెలలు పొడిగించింది. అధ్యక్షుడు డొనాల్డ్‌ ట్రంప్‌ దీనికి సంబంధించిన ఉత్తర్వులపై సంతకం చేశారు. అమెరికా బయట నుంచి కొత్తగా H-1B వీసాతో వచ్చే వారికి ఈ ఫీజు వర్తిస్తుంది. ఇప్పటికే అమెరికాలో ఉన్న విద్యార్థులు.. H-1Bకి మారడానికీ, వీసా స్టేటస్‌ మార్చుకునే దరఖాస్తులకూ మినహాయింపు ఉంది. ఈ ఫీజును 20 రాష్ట్రాల అటార్నీ జనరల్స్‌ కోర్టులో సవాలు చేయగా, న్యాయపరమైన వివాదం కొనసాగుతోంది. H-1B లబ్ధిదారుల్లో భారతీయులు పెద్ద సంఖ్యలో ఉన్నారు.

More in International

International· 2h ago

హౌతీ ఎఫెక్ట్.. వెనక్కి తగ్గిన సౌదీ!

యెమెన్ మిలిటెంట్లైన హౌతీలు.. పక్కన దేశమైన సౌదీ అరేబియాకి సవాళ్లు విసురుతూనే ఉన్నారు. మిస్సైల్, డ్రోన్ దాడులు చేస్తున్నారు. దాంతో రియాద్‌లో అక్టోబర్ 26-29 మధ్య జరపాలనుకున్న ఫ్యూచర్ ఇన్వెస్ట్‌మెంట్ ఇనిషియేటివ్ (FII) సమ్మిట్‌ని, సౌదీ పాలకులు 2027కి వాయిదా వేశారు. ఇటీవల రియాద్ కింగ్ ఖలీద్ ఎయిర్‌పోర్టుపై హౌతీలు చేసిన దాడిలో 13 మంది మరణించారు. దాంతో సౌదీకి వచ్చే వారు టెన్షన్ పడుతున్నారు. హౌతీలకు ఇరాన్ సపోర్ట్ ఇస్తోంది.

International· 3h ago

METAకు కేంద్రం కీలక సూచనలు

FACEBOOK, INSTAGRAMలో తప్పుడు వార్తలు, హింసను ప్రేరేపించే పోస్టులను గుర్తించి అడ్డుకోవాలని కేంద్ర ప్రభుత్వం META సంస్థకు సూచించింది. పాత వీడియోలను కొత్త ఘటనలుగా చూపించే పోస్టులపై జాగ్రత్తగా ఉండాలని తెలిపింది. ప్రభుత్వ సంస్థలతో కలిసి పనిచేయాలని, అడిగిన సమాచారాన్ని సకాలంలో ఇవ్వాలని ఆదేశించింది. అయితే, ఈ సూచనలు ప్రజల భావప్రకటన స్వేచ్ఛను దెబ్బతీస్తాయని డిజిటల్ రైట్స్ సంఘాలు విమర్శిస్తున్నారు. ఈ అడ్వైజరీకి చట్టంలో సరైన ఆధారం లేదని పేర్కొంటూ, దానిని వెనక్కి తీసుకోవాలని డిమాండ్ చేస్తున్నారు.

International· 3h ago

సౌదీలో ఫొటోలు తీయొద్దు: భారత ఎంబసీ

సౌదీ అరేబియాలో ఉద్రిక్త పరిస్థితుల నేపథ్యంలో అక్కడి భారతీయులు అప్రమత్తంగా ఉండాలని భారత ఎంబసీ సూచించింది. వైమానిక దాడులు జరిగితే సురక్షిత ప్రాంతాలకు వెళ్లాలని, గదుల్లో ఉంటే కిటికీలకు దూరంగా ఉండాలని తెలిపింది. దాడులకు సంబంధించిన ఫొటోలు, వీడియోలు తీయొద్దని, సోషల్ మీడియాలో షేర్ చేయొద్దని హెచ్చరించింది. ఎయిర్ ఇండియా, ఇండిగో సర్వీసులు అక్టోబర్ 24 వరకు, నిలిపివేశారు. అత్యవసర ప్రయాణానికి ముందు విమానాల తాజా సమాచారం తెలుసుకోవాలని సూచించింది.

International· 3h ago

కాంగోలో 8 ప్రాంతాలకు ఎబోలా వ్యాప్తి

కాంగోలో ఎబోలా వైరస్ మరిన్ని ప్రాంతాలకు వ్యాపిస్తోంది. తాజాగా నార్త్-ఉబాంగిలో ఇద్దరికి వైరస్ సోకగా, ఒకరు చనిపోయారు. దీంతో ఎబోలా వ్యాపించిన ప్రాంతాల సంఖ్య 8కి చేరింది. ఈ వ్యాప్తిలో ఇప్పటివరకు 9,400కు పైగా కేసులు నమోదవగా, 4,500 మందికి పైగా చనిపోయారు. ఈ వైరస్ రకానికి ప్రత్యేకమైన టీకా అందుబాటులో లేదు. రోడ్లు సరిగా లేకపోవడం, వైద్య సదుపాయాల కొరత వల్ల వైరస్‌ను అరికట్టడం కష్టమవుతోందని WHO తెలిపింది.