నర్సంపేటలో బీఆర్‌ఎస్‌ శ్రేణుల నిరసన

By A VIJAY KUMAR· 2d ago· Warangal

TG: వరంగల్ జిల్లా నర్సంపేటలో కాంగ్రెస్ ప్రభుత్వ పాలనను నిరసిస్తూ బీఆర్‌ఎస్‌ ఆధ్వర్యంలో ధర్నా, నిరసన కార్యక్రమం నిర్వహించారు. వరంగల్ రోడ్డు జంక్షన్‌లోని అమరవీరుల స్తూపం వద్ద చేపట్టిన ఈ ఆందోళనలో మాజీ ఎమ్మెల్యే ముత్తిరెడ్డి యాదగిరిరెడ్డి, రాష్ట్ర నాయకుడు ఏనుగుల రాకేశ్‌రెడ్డి పాల్గొన్నారు. ఈ సందర్భంగా నాయకులు మాట్లాడుతూ.. కాంగ్రెస్ ప్రభుత్వం వెయ్యి రోజుల పాలనలో పూర్తిగా విఫలమైందని ఆరోపించారు. ఎన్నికల సమయంలో ప్రజలకు ఇచ్చిన హామీలను అమలు చేయడంలో ప్రభుత్వం ఫెయిల్ అయిందని విమర్శించారు.

More in Local

Local· 3m ago

విద్యార్థుల సమస్యలు పరిష్కరించాలి

TG: సంక్షేమ హాస్టళ్లలో విద్యార్థులు ఎదుర్కొంటున్న సమస్యలను ప్రభుత్వం, అధికారులు వెంటనే పరిష్కరించాలని USFI హనుమకొండ జిల్లా అధ్యక్షుడు ఆకుల మనోజ్ డిమాండ్ చేశారు. USFI జిల్లా కమిటీ ఆధ్వర్యంలో భీమదేవరపల్లి మండలంలోని సంక్షేమ హాస్టళ్లను సందర్శించి విద్యార్థుల సమస్యలను అడిగి తెలుసుకున్నారు. వంగరలోని ఎస్సీ బాలుర హాస్టల్‌ను పరిశీలించారు. పూర్తిస్థాయిలో సిబ్బంది లేకపోవడంతో విద్యార్థులు ఇబ్బందులు పడుతున్నారని మనోజ్ తెలిపారు. రాత్రివేళల్లో వాచ్‌మన్ లేకపోవడం విద్యార్థుల భద్రత సమస్యగా మారుతోందన్నారు.

Local· 8m ago

జిల్లా బెస్ట్ టీచర్‌గా సాతూరి ప్రసాద్

TG హన్మకొండ జిల్లా ఉత్తమ ఉపాధ్యాయుడిగా సాతూరి ప్రసాద్ ఎంపికయ్యారు. భీమదేవరపల్లి మండలం కొత్తకొండ జిల్లా పరిషత్ ఉన్నత పాఠశాలలో విధులు నిర్వహిస్తున్న సాతూరి ప్రసాద్‌ను తెలంగాణ ప్రభుత్వం హన్మకొండ జిల్లా ఉత్తమ ఉపాధ్యాయుడిగా ఎంపిక చేసింది. ఉపాధ్యాయ దినోత్సవం సందర్భంగా ప్రకటించిన జిల్లా ఉత్తమ ఉపాధ్యాయుల జాబితాలో ఆయనకు చోటు దక్కింది. జిల్లాలో నిర్వహించనున్న గురుపూజోత్సవ కార్యక్రమంలో సాతూరి ప్రసాద్ అవార్డును అందుకోనున్నారు. పాఠశాల సిబ్బంది, విద్యార్థులు, పలువురు ఆయనకు శుభాకాంక్షలు తెలిపారు.

Local· 9h ago

కరెంట్ కోసం చీకట్లో కొవ్వొత్తులతో రాస్తారోకో

TG: కరెంట్ కోతలతో విసిగిపోయిన మహబూబాబాద్ జిల్లా మునిగలవీడు గ్రామస్తులు చీకట్లో కొవ్వొత్తులతో రాస్తారోకో చేపట్టారు. శుక్రవారం రాత్రి మహబూబాబాద్–తొర్రూరు రహదారిపై విద్యుత్ సబ్‌స్టేషన్ ఎదుట ఆందోళన నిర్వహించడంతో వాహనాలు నిలిచిపోయాయి. ప్రభుత్వం కరెంట్ కోతలు లేవని చెబుతున్నా రోజులో పలుమార్లు విద్యుత్ సరఫరా నిలిపివేస్తున్నారని గ్రామస్తులు ఆరోపించారు. సాయంత్రం, రాత్రి వేళల్లో కోతలు ఎత్తివేయాలని డిమాండ్ చేశారు. పోలీసులు అధికారులతో మాట్లాడి విద్యుత్ సరఫరా పునరుద్ధరిస్తామని హామీ ఇవ్వడంతో ఆందోళన విరమించారు.

Local· 10h ago

VHP ఆధ్వర్యంలో ఘనంగా శ్రీకృష్ణాష్టమి వేడుకలు

AP: అనంతపురం జిల్లా గుత్తి పట్టణంలోని బీసీ కాలనీలో విశ్వహిందూ పరిషత్ స్థాపన దివస్ మహోత్సవాలు ఘనంగా నిర్వహించారు. శ్రీకృష్ణాష్టమి సందర్భంగా చిన్నారులతో భగవద్గీత శ్లోకాలు చెప్పించారు. హిందూ సంస్కృతి, సంప్రదాయాలను కాపాడుకోవాల్సిన బాధ్యత ప్రతి ఒక్కరిపై ఉందని నిర్వాహకులు తెలిపారు. శ్లోకాలు చెప్పిన చిన్నారులకు బహుమతులు అందజేశారు. కార్యక్రమంలో VHP అనంతపురం జిల్లా ప్రధాన కార్యదర్శి విశ్వనాథ్, ఆధ్యాత్మిక గురువు జయ రంగారెడ్డి, BJP నాయకులు వెంకప్ప, తదితరులు పాల్గొన్నారు.