వర్నిలో ఉచిత మెడికల్ క్యాంప్

By DK· 1h ago

నిజామాబాద్ జిల్లా వర్నిలో బోధన్, వర్ని లయన్స్ క్లబ్‌ల ఆధ్వర్యంలో ఉచిత మెడికల్ క్యాంప్ నిర్వహించారు. వర్నిలోని రామాలయం వద్ద ఏర్పాటు చేసిన ఈ శిబిరంలో ప్రజలకు షుగర్, BP పరీక్షలు నిర్వహించి, అవసరమైన మందులను ఉచితంగా పంపిణీ చేశారు. పేదలకు వైద్య సేవలు అందించాలనే లక్ష్యంతో ఈ కార్యక్రమాన్ని చేపట్టినట్లు నిర్వాహకులు తెలిపారు. ఆరోగ్య సమస్యలను ముందుగానే గుర్తించి తగిన జాగ్రత్తలు తీసుకోవాలని సూచించారు. కార్యక్రమంలో వర్ని లయన్స్ క్లబ్ అధ్యక్షుడు నూనె శ్రీనివాస్, సర్పంచ్ కనకదుర్గ రవి, తదితరులు పాల్గొన్నారు.

More in Local

Local· 8m ago

స్తంభాన్ని ఢీకొట్టి పొలాల్లోకి దూసుకెళ్లిన కారు

ఖమ్మం జిల్లా వేంసూరు మండలంలో తెల్లవారుజామున ఘోర రోడ్డు ప్రమాదం జరిగింది. కందుకూరు నుంచి వెంకటాపురం గ్రామాల మధ్య రహదారిపై వెళ్తున్న కారు అదుపుతప్పి కరెంట్ స్తంభాన్ని ఢీకొట్టింది. అనంతరం పక్కనే ఉన్న వరి పొలాల్లోకి దూసుకెళ్లడంతో కారు పూర్తిగా ధ్వంసమైంది. ఈ ప్రమాదంలో కందుకూరుకు చెందిన మందపాటి రామ్మోహన్ రెడ్డి కుమారుడు సంతోష్ రెడ్డి అక్కడికక్కడే మృతి చెందాడు. ఈ ఘటనతో కందుకూరు గ్రామంలో విషాదం నెలకొంది.

Local· 11m ago

పత్తికొండ కొత్త DSPగా వంశీధర్ బాధ్యతలు

కర్నూలు జిల్లా పత్తికొండ కొత్త DSPగా బాధ్యతలు చేపట్టిన వంశీధర్ జిల్లా పోలీస్ కార్యాలయంలో SP విక్రాంత్ పటేల్‌ను మర్యాదపూర్వకంగా కలిశారు. SP ఛాంబర్‌లో ఆయనకు పూల మొక్క అందించి శుభాకాంక్షలు తెలిపారు. ఇటీవల బదిలీపై వచ్చిన వంశీధర్ పత్తికొండ DSPగా బాధ్యతలు స్వీకరించారు. ఈ సందర్భంగా ప్రజలకు నిరంతరం అందుబాటులో ఉండాలని SP సూచించారు. డివిజన్‌లో నేరాల నియంత్రణ, శాంతిభద్రతల పరిరక్షణకు ప్రాధాన్యం ఇవ్వాలని దిశానిర్దేశం చేశారు.

Local· 12m ago

స్కూల్‌లో SI.. పిల్లలతో సరదా ముచ్చట్లు

మార్కాపురం జిల్లా పొదిలి పట్టణంలోని భవిత స్కూల్‌ను SI సూరెడ్డి రాజేష్ సందర్శించారు. అక్కడ ఉండే పిల్లలతో మాట్లాడి, వారి చదువు, బాగోగుల గురించి అడిగి తెలుసుకున్నారు. పిల్లల్లో కాన్ఫిడెన్స్ పెంచేలా ఫ్రెండ్లీగా టైమ్ స్పెండ్ చేయడంతో స్కూల్ స్టాఫ్, స్థానికులు SIని అభినందించారు. ఫ్రెండ్లీ పోలీసింగ్‌కి ఇది మంచి ఎగ్జాంపుల్ అంటూ సంతోషం వ్యక్తం చేశారు.

Local· 38m ago

మత్స్యకారులకు అది చాలా ముఖ్యం.. కానీ ఇంకా నిర్లక్ష్యమే

సముద్రంలో వేటకు వెళ్లే మత్స్యకారులు ఎక్కడున్నారు? వాళ్లు సేఫ్‌గా ఉన్నారా లేదా? అని తెలుసుకోవడానికి 'ట్రాన్స్‌పాండర్' డివైజ్ చాలా అవసరం. రీసెంట్‌గా విశాఖలో ఆరుగురు మత్స్యకారులు గల్లంతవ్వడంతో పడవలన్నింటికీ వెంటనే ఈ పరికరాలు అమర్చాలని, అవగాహన పెంచాలని కేంద్ర ప్రభుత్వం చెప్పింది. కానీ జిల్లాలో చాలామంది మత్స్యకారులు మాత్రం ఇప్పటికీ తమ బోట్లకు ఈ డివైజ్ పెట్టుకోకుండా నిర్లక్ష్యం చేస్తున్నారు.