స్తంభాన్ని ఢీకొట్టి పొలాల్లోకి దూసుకెళ్లిన కారు

By malluru chandrashekar· 1h ago· Kandukuru, Vemsoor, Khammam

ఖమ్మం జిల్లా వేంసూరు మండలంలో తెల్లవారుజామున ఘోర రోడ్డు ప్రమాదం జరిగింది. కందుకూరు నుంచి వెంకటాపురం గ్రామాల మధ్య రహదారిపై వెళ్తున్న కారు అదుపుతప్పి కరెంట్ స్తంభాన్ని ఢీకొట్టింది. అనంతరం పక్కనే ఉన్న వరి పొలాల్లోకి దూసుకెళ్లడంతో కారు పూర్తిగా ధ్వంసమైంది. ఈ ప్రమాదంలో కందుకూరుకు చెందిన మందపాటి రామ్మోహన్ రెడ్డి కుమారుడు సంతోష్ రెడ్డి అక్కడికక్కడే మృతి చెందాడు. ఈ ఘటనతో కందుకూరు గ్రామంలో విషాదం నెలకొంది.

More in Local

Local· 12m ago

అమరావతి కార్మికులకు కనీస వసతులు కల్పించాలి

గుంటూరు జిల్లా రాయపూడిలో అమరావతి రాజధాని నిర్మాణ పనుల్లో పాల్గొంటున్న కార్మికుల సమస్యలపై ఏడీసీ ఛైర్‌పర్సన్, మేనేజింగ్ డైరెక్టర్ డి. లక్ష్మీపార్థసారథి సమీక్ష నిర్వహించారు. వివిధ నిర్మాణ సంస్థల్లో పనిచేస్తున్న కార్మికులతో మాట్లాడి వారి సమస్యలను తెలుసుకున్నారు. వేతనాలు పెంచాలని, క్యాంపుల్లో నిత్యావసర వస్తువుల ధరలను నియంత్రించాలని కార్మికులు కోరారు. వైద్య సదుపాయాలు, తాగునీరు, పారిశుద్ధ్యం, మరుగుదొడ్లు, భద్రత కల్పించాలని విజ్ఞప్తి చేశారు.

Local· 27m ago

12న ఒంగోలులో MRPS, MSP మహాధర్నా

ప్రకాశం జిల్లా ఒంగోలులో ఈ నెల 12న నిర్వహించనున్న మహాధర్నాను విజయవంతం చేయాలని MRPS, MSP నేతలు పిలుపునిచ్చారు. శ్రీచైతన్య నవోదయ కోచింగ్ సెంటర్‌లో హత్యకు గురైన తౌషిక్, ఆయన తల్లి మౌలాబి మృతికి కారకులైన వారిని వెంటనే అరెస్ట్ చేసి, బాధిత కుటుంబానికి న్యాయం చేయాలని డిమాండ్ చేశారు. మందకృష్ణ మాదిగ ఆదేశాల మేరకు లింగసముద్రం మండల MRPS అధ్యక్షుడు జడ వీరస్వామి మాదిగ ఆధ్వర్యంలో తిమ్మారెడ్డిపాలెం, గంగపాలెం గ్రామాల్లో సమావేశాలు నిర్వహించారు.

Local· 50m ago

ప్రత్యామ్నాయ పంటలను ఎంచుకోవాలి: కలెక్టర్

ఖమ్మం జిల్లా రైతులు రానున్న యాసంగి సీజన్‌లో నీటి ఎద్దడిని దృష్టిలో ఉంచుకొని పంటల సాగుపై ముందస్తు ప్రణాళిక సిద్ధం చేసుకోవాలని జిల్లా కలెక్టర్ టీఎస్ దివాకర్ సూచించారు. సూపర్ ఎల్‌నినో ప్రభావంతో నీటి లభ్యత తగ్గే అవకాశం ఉందని, కాలువల ద్వారా సాగునీరు అందించడం కష్టమవచ్చని తెలిపారు. అందుబాటులో ఉన్న నీటిని పొదుపుగా వాడుకోవాలని, ప్రతి నీటి చుక్కను విలువైనదిగా భావించాలని చెప్పారు. తక్కువ నీటితో పండే ప్రత్యామ్నాయ పంటలను ఎంచుకోవాలని రైతులకు సూచించారు.

Local· 56m ago

గ్రామీణ ప్రాంతాలకు ఆర్థిక సేవల్లో పోస్టాఫీస్ కీలకం

ప్రతి సంవత్సరం అక్టోబర్ 9న ప్రపంచ తపాలా దినోత్సవాన్ని నిర్వహిస్తారు. ఉత్తరాలు, పార్శిళ్ల పంపిణీతోపాటు బ్యాంకింగ్, పొదుపు పథకాలు, బీమా, పెన్షన్ సేవల ద్వారా తపాలాశాఖ ప్రజలకు సేవలందిస్తోంది. ముఖ్యంగా గ్రామీణ ప్రాంతాల్లోని ప్రజలకు ఆర్థిక, సమాచార సేవలను చేరవేయడంలో పోస్టాఫీసులు కీలక పాత్ర పోషిస్తున్నాయి. ప్రజలకు నిరంతరం సేవలందిస్తూ సమాచారాన్ని, ఆర్థిక సేవలను చేరువ చేస్తున్న వికారాబాద్ జిల్లా తపాలా శాఖ సిబ్బందికి పలువురు శుభాకాంక్షలు తెలియజేస్తున్నారు.