సుప్రీంకోర్టు తీర్పుతో సాగునీటి ప్రాజెక్టులకు బిగ్ రిలీఫ్

By Vinod· 29 Jul 2026· Andhrajyothy

TG: తెలంగాణలోని పాలమూరు-రంగారెడ్డి, సీతమ్మ సాగర్, గౌరవెల్లి రిజర్వాయర్ లాంటి సాగునీటి ప్రాజెక్టులకు సుప్రీంకోర్టు రిలీఫ్ ఇచ్చింది. 2021లో కేంద్ర పర్యావరణ శాఖ జారీ చేసిన ఆఫీస్ మెమోరాండాన్ని రద్దు చేసినా, దాని ఆధారంగా ఇప్పటికే మంజూరైన పర్యావరణ అనుమతులు చెల్లుబాటులోనే ఉంటాయని తెలిపింది. ఈ తీర్పు భవిష్యత్తు ప్రాజెక్టులకు మాత్రమే వర్తిస్తుందని, కొత్త ప్రాజెక్టులకు ముందస్తు అనుమతులు తప్పనిసరి అని చెప్పింది. తెలంగాణలో కొనసాగుతున్న ప్రాజెక్టుల నిర్మాణాలకు చట్టపరమైన అడ్డు ఉండదనే స్పష్టత వచ్చింది.

More in TG

TG· 7m ago

Green Wasteకు ఇక గుడ్‌బై.. బయో బ్రిక్వెట్లుగా మార్పు!

చెట్ల కొమ్మలు, ఆకులు, గార్డెన్ వేస్ట్‌తో నగరంలో కొత్త గ్రీన్ మూవ్ మొదలు కానుంది. సైబరాబాద్ మున్సిపల్ కార్పొరేషన్(CMC) ఈ గ్రీన్ వేస్ట్‌ను బయోబ్రిక్వెట్లు(ఇంధన ఇటుకలు)గా మార్చాలని ప్లాన్ చేస్తోంది. రోజుకు 5 టన్నుల వరకు గ్రీన్ వేస్ట్‌ను ప్రాసెస్ చేసేలా ప్లాంట్‌ను ఏర్పాటు చేయనున్నారు. ల్యాండ్‌ఫిల్‌లలో డంపింగ్, బహిరంగంగా కాల్చడం తగ్గించి కాలుష్యానికి చెక్ పెట్టడమే టార్గెట్. బయోబ్రిక్వెట్లను పారిశ్రామిక ఇంధనంగా ఉపయోగించొచ్చు. విక్రయాలు, కార్బన్ క్రెడిట్స్ ద్వారా ఆదాయం వచ్చే అవకాశం కూడా ఉంది.

TG· 2h ago

కాళేశ్వరంపై KCR సమాధానం చెప్పాలి: వివేక్

TG: KCR అసెంబ్లీకి వచ్చి కాళేశ్వరం ప్రాజెక్టు ఎందుకు కుంగిపోయిందో సమాధానం చెప్పాలని రాష్ట్ర కార్మిక, గనుల శాఖ మంత్రి వివేక్ వెంకటస్వామి డిమాండ్ చేశారు. కాంగ్రెస్ ప్రజా పాలన 1000 రోజులు పూర్తయిన సందర్భంగా మంచిర్యాల జిల్లా జైపూర్ మండలంలో నిర్వహించిన సంబరాల్లో మంత్రి పాల్గొని బైక్ ర్యాలీ చేపట్టారు. కాళేశ్వరం ప్రాజెక్టుతో రాష్ట్రాన్ని అప్పుల ఊబిలోకి నెట్టారని కేసీఆర్‌పై విమర్శలు చేశారు. చెన్నూరు నియోజకవర్గాన్ని అన్ని రంగాల్లో అభివృద్ధి చేసి రాష్ట్రంలోనే రోల్ మోడల్‌గా తీర్చిదిద్దుతానన్నారు.

TG· 3h ago

SIRపై CM రేవంత్ రెడ్డి హాట్ కామెంట్స్

కొడంగల్‌లోని తన ఇంట్లో కార్యకర్తలు, లోకల్ లీడర్స్‌తో CM రేవంత్ రెడ్డి మీట్ అయ్యారు. కొడంగల్ ప్రజలు తనను గుండెల్లో పెట్టుకోవడం వల్లే నేషనల్ లెవల్‌లో ఈ ప్రాంతానికి గుర్తింపు, గౌరవం వచ్చిందన్నారు. SIR పేరుతో కేంద్రం ఓట్ల డిలీట్ చేసే కుట్ర చేస్తోందని ఆరోపించారు. BJP అధికారంలో లేని రాష్ట్రాలనే టార్గెట్ చేస్తున్నారని, బెంగాల్‌లో ఇదే జరిగిందన్నారు. కాంగ్రెస్ అనుకూల ఓట్లను, SC, ST, మైనారిటీ ఓట్లను డిలీట్ చేయడానికి ట్రై చేస్తున్నారని విమర్శించారు. దీన్ని అడ్డుకోవాల్సిన బాధ్యత మండల నాయకులదేనన్నారు.

TG· 6h ago

జనవరి 3ను ఉపాధ్యాయ దినోత్సవంగా గుర్తించాలి

TG: సావిత్రిబాయి ఫూలే జయంతి అయిన జనవరి 3ను ప్రజా ఉపాధ్యాయ దినోత్సవంగా గుర్తించాలని ఉస్మానియా విశ్వవిద్యాలయ ప్రొఫెసర్‌ K.నాగేశ్వర్‌ అన్నారు. సెప్టెంబర్‌ 5న సర్వేపల్లి రాధాకృష్ణన్‌ జయంతిని ఉపాధ్యాయ దినోత్సవంగా నిర్వహిస్తున్నప్పటికీ, మహిళలు, దళిత-బహుజనులకు విద్య అందించేందుకు సావిత్రిబాయి చేసిన కృషికి తగిన గుర్తింపు ఇవ్వాలన్నారు. 1848లో బాలికల కోసం పాఠశాలను ప్రారంభించిన ఆమె, తీవ్ర వ్యతిరేకతను ఎదుర్కొంటూనే విద్యాహక్కు కోసం పోరాడారని తెలిపారు.