కుప్పగండ్లలో బీఆర్ఎస్ శ్రేణుల నిరసన ర్యాలీ

By శ్రీనివాస్· 1h ago· Kalwakurthy (Ct), Kalwakurthy, Nagarkurnool

మిషన్‌ భగీరథ మాజీ వైస్‌ చైర్మన్‌ ఉప్పల వెంకటేష్ ఆధ్వర్యంలో వెల్దండ మండలంలోని కుప్పగండ్ల గ్రామంలో కాంగ్రెస్‌ ప్రభుత్వ 1000 రోజుల పాలనపై బీఆర్ఎస్ శ్రేణులు నిరసన ర్యాలీ చేశారు. నాయకులు, కార్యకర్తలు, అభిమానులు ఫ్లకార్డులతో నినాదాలు చేస్తూ నిరసన తెలిపారు. మాజీ సర్పంచ్‌ మొక్తల శేఖర్ మాట్లాడుతూ కాంగ్రెస్‌ 420 హామీలతో అధికారంలోకి వచ్చి అన్ని రంగాల్లో విఫలమైందని విమర్శించారు. రాబోయే ఎన్నికల్లో బీఆర్‌ఎస్‌ అధికారంలోకి వస్తుందని ధీమా వ్యక్తం చేశారు.

More in Local

Local· 15m ago

గోదావరి పుష్కరాల లోపు ఆలయ పనులు పూర్తి

TG: జగిత్యాల జిల్లా ధర్మపురిలో శ్రీ యోగా లక్ష్మీ నరసింహస్వామి ఆలయ పునర్నిర్మాణ పనులను పురావస్తు శాఖ అనుమతి రాగానే ప్రారంభిస్తామని రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ తెలిపారు. స్వామివారిని మంత్రి దర్శించుకుని ప్రత్యేక పూజలు చేశారు. ఉగ్ర నరసింహస్వామి ఆలయ పునర్నిర్మాణాన్ని గోదావరి పుష్కరాల లోపు పూర్తి చేస్తామని చెప్పారు. సోమవారం తెల్లవారుజామున 2:48 గంటలకు నిర్వహించే భూమిపూజ కార్యక్రమానికి ప్రజలు పెద్ద సంఖ్యలో తరలిరావాలని మంత్రి పిలుపునిచ్చారు.

▶

Local· 29m ago

పర్యాటకులను కట్టిపడేసిన పాకాల అందాలు

TG: వరంగల్ జిల్లా ఖానాపురం మండలంలోని పాకాల బయోడైవర్సిటీ పార్కు పచ్చదనంతో కళకళలాడింది. ఆదివారం సెలవు కావడంతో పార్కుకు వచ్చిన పర్యాటకులు ప్రకృతి అందాలను ఆస్వాదించారు. సరస్సు పరిసరాలు పచ్చగా మారి కనువిందు చేశాయి. అయితే ఈ ఏడాది ఎల్‌నినో ప్రభావంతో వర్షాభావ పరిస్థితులు నెలకొనడంతో ఆశించిన స్థాయిలో నీటి లభ్యత లేకపోయింది. గతేడాది ఇదే సమయంలో పాకాల చెరువు మత్తడి పరవళ్లు తొక్కుతూ కనువిందు చేయగా, ఈసారి మాత్రం ఆ స్థాయిలో నీటి ప్రవాహం కనిపించకపోవడం గమనార్హం.

Local· 35m ago

అరకులోయలో ఓటరు జాబితాలపై గ్రామసభలు

AP: అల్లూరి సీతారామరాజు జిల్లా అరకులోయ మండలంలోని పలు పంచాయతీల్లో ఎస్సీ, ఎస్టీ, బీసీ ఓటరు జాబితాల ఆమోదానికి గ్రామసభలు నిర్వహించారు. గ్రామసభల్లో ఓటర్ల వివరాలను చదివి వినిపించి, ప్రజల నుంచి వచ్చిన అభ్యంతరాలు, ఆమోదాలను నమోదు చేసినట్లు ఎంపీడీఓ వీసం ప్రసాద్ తెలిపారు. కార్యక్రమాల్లో ప్రజలు, వివిధ పార్టీల నాయకులు, మాజీ ప్రజాప్రతినిధులు పాల్గొన్నారు. పెదలబుడు, మాదల గ్రామసభలకు ఎంపీడీఓతో పాటు డిప్యూటీ ఎంపీడీఓ హాజరై ప్రక్రియను పరిశీలించారు.

Local· 37m ago

అర్ధరాత్రి కరెంట్ కట్.. నర్సంపేటలో ఆగ్రహం

TG: వరంగల్ జిల్లా నర్సంపేట పట్టణంలో విద్యుత్ కోతలపై ప్రజలు తీవ్ర ఆగ్రహం వ్యక్తం చేస్తున్నారు. శనివారం అర్ధరాత్రి సుమారు గంటన్నరపాటు విద్యుత్ సరఫరా నిలిచిపోవడంతో వృద్ధులు, చిన్నారులు దోమల బెడదతో తీవ్ర ఇబ్బందులు పడ్డారు. ముందస్తు సమాచారం లేకుండా, నిర్ణీత సమయపాలన లేకుండా కోతలు విధించడంపై స్థానికులు అసంతృప్తి వ్యక్తం చేశారు. అనవసర కోతలను నివారించాలని, అత్యవసర పరిస్థితుల్లో సరఫరా నిలిపివేస్తే ముందుగానే ప్రజలకు సమాచారం ఇవ్వాలని విద్యుత్ శాఖ అధికారులను స్థానికులు కోరారు.