WhatsAppలో ‘NO’ అని రిప్లై ఇస్తున్నారా? జాగ్రత్త!

By Mahesh· 1h ago· X· తెలంగాణ

TG: వాట్సాప్‌లో ‘NO’ అని రిప్లై ఇచ్చే ముందు జాగ్రత్తగా ఉండాలని పోలీస్ కమిషనర్ V.C సజ్జనార్ సూచించారు. గుర్తుతెలియని నంబర్ల నుంచి బ్యాంక్ ట్రాన్సాక్షన్ల పేరుతో వచ్చే మెసేజ్‌లను నమ్మొద్దని, డౌట్‌ఫుల్ లింక్స్, ఫైళ్లను ఓపెన్ చేయొద్దని హెచ్చరించారు. బ్యాంక్‌లో డబ్బులు కట్ అయ్యాయంటూ మెసేజ్ వస్తే అధికారిక బ్యాంక్ యాప్‌లో చెక్ చేసుకోవాలని సూచించారు. సైబర్ మోసానికి గురైతే వెంటనే 1930 హెల్ప్‌లైన్‌కు కాల్ చేయాలని, <a href="https://cybercrime.gov.in/">Cyber Crimeలో</a> ఫిర్యాదు చేయాలని తెలిపారు.

More in TG

TG· 10m ago

రాముడు, రావణుడిపై రాజకీయాలు మానుకోండి: బండి సంజయ్

TG: CM రేవంత్ రెడ్డిపై కేంద్ర మంత్రి బండి సంజయ్ విమర్శలు చేశారు. కాంగ్రెస్ పార్టీపై రేవంత్ రెడ్డి ఒక్కోసారి ఒక్కోలా మాట్లాడుతున్నారని అన్నారు. ఒకసారి కాంగ్రెస్‌ను రాముడితో, BJPని రావణుడితో పోలుస్తారని, మరోసారి BJP ‘జై శ్రీరామ్’ అంటుందని, ‘హర హర మహాదేవ్’ అనదని చెబుతారని విమర్శించారు. ముస్లింలు, కాంగ్రెస్ ఒక్కటేనంటూ కామెంట్స్ చేస్తున్నారని ఆరోపించారు. కోట్లాది హిందువుల మనోభావాలను దెబ్బతీసే రాజకీయాలు కాంగ్రెస్ మానుకోవాలని బండి సంజయ్ అన్నారు.

TG· 48m ago

YES అనే కాదు.. NO అని రిప్లె ఇచ్చినా బ్యాంక్ అకౌంట్ ఖాళీ!

TG: వాట్సాప్‌లో వచ్చే నకిలీ బ్యాంకు సందేశాలతో జాగ్రత్తగా ఉండాలని హైదరాబాద్ పోలీస్ కమిషనర్ V.C. సజ్జనార్ హెచ్చరించారు. అకౌంట్ నుంచి డబ్బులు కట్ అయ్యాయని గుర్తుతెలియని నంబర్ నుంచి మెసేజ్ పంపి, ఆ లావాదేవీ తాము చేయకపోతే ‘NO’ అని రిప్లై ఇవ్వాలని సైబర్ నేరగాళ్లు నమ్మించే ప్రయత్నం చేస్తున్నారని తెలిపారు. అనుమానాస్పద మెసేజ్‌లకు రిప్లై ఇవ్వకండి అని అన్నారు. ఒకవేళ మోసానికి గురైతే వెంటనే 1930కు కాల్ చేసి కంప్లయింట్ చేయాలని తెలిపారు.

▶

TG· 52m ago

హైదరాబాదులో ఎలక్ట్రిక్ బస్సులో మంటలు

TG: హైదరాబాద్‌లోని బేగంపేట విమానాశ్రయం సమీపంలోని PNT ఫ్లైఓవర్ వద్ద ఇవాళ సాయంత్రం 5.30కి ఎలక్ట్రిక్ బస్సులో మంటలు చెలరేగాయి. ఈ ఘటనలో ఎవరికీ గాయాలు కాలేదు. మంటల కారణంగా ఆ మార్గంలో వాహనాల రాకపోకలు నెమ్మదించాయి. బేగంపేట, పరిసర ప్రాంతాల మీదుగా వెళ్లేవారు ట్రాఫిక్ ఆలస్యాన్ని దృష్టిలో ఉంచుకుని ప్రయాణించాలని, పోలీసుల సూచనలు పాటించాలని అధికారులు సూచించారు.

TG· 3h ago

మెదక్‌లో బయటపడ్డ అరుదైన పురాతన శిల్పం!

మెదక్ జిల్లా యనగండ్ల గ్రామంలో సుమారు 1,100 ఏళ్ల నాటి అరుదైన శిల్పం కనిపించింది. రాష్ట్రకూటుల కాలానికి చెందిన ఈ నల్లరాతి శిల్పం ఆంజనేయస్వామి గుడి దగ్గర చెట్టు కింద ఉంది. ఇందులో లక్ష్మీదేవి, ఏనుగులతో పాటు సముద్ర మథనం దృశ్యం కూడా చెక్కారు. వెనుకవైపు 12 చేతులతో శివుడి నటరాజ రూపం, బ్రహ్మ, విష్ణు విగ్రహాలు ఉన్నాయి. ఇలాంటి శిల్పం తెలుగు రాష్ట్రాల్లో గుర్తించడం అరుదని చరిత్రకారులు చెబుతున్నారు. ఇంత విలువైన శిల్పాన్ని కాపాడాలని కోరుతున్నారు.