రాముడు, రావణుడిపై రాజకీయాలు మానుకోండి: బండి సంజయ్

By Mahesh· 1h ago· X· తెలంగాణ

TG: CM రేవంత్ రెడ్డిపై కేంద్ర మంత్రి బండి సంజయ్ విమర్శలు చేశారు. కాంగ్రెస్ పార్టీపై రేవంత్ రెడ్డి ఒక్కోసారి ఒక్కోలా మాట్లాడుతున్నారని అన్నారు. ఒకసారి కాంగ్రెస్‌ను రాముడితో, BJPని రావణుడితో పోలుస్తారని, మరోసారి BJP ‘జై శ్రీరామ్’ అంటుందని, ‘హర హర మహాదేవ్’ అనదని చెబుతారని విమర్శించారు. ముస్లింలు, కాంగ్రెస్ ఒక్కటేనంటూ కామెంట్స్ చేస్తున్నారని ఆరోపించారు. కోట్లాది హిందువుల మనోభావాలను దెబ్బతీసే రాజకీయాలు కాంగ్రెస్ మానుకోవాలని బండి సంజయ్ అన్నారు.

More in TG

▶

TG· 1h ago

హైదరాబాదులో ఎలక్ట్రిక్ బస్సులో మంటలు

TG: హైదరాబాద్‌లోని బేగంపేట విమానాశ్రయం సమీపంలోని PNT ఫ్లైఓవర్ వద్ద ఇవాళ సాయంత్రం 5.30కి ఎలక్ట్రిక్ బస్సులో మంటలు చెలరేగాయి. ఈ ఘటనలో ఎవరికీ గాయాలు కాలేదు. మంటల కారణంగా ఆ మార్గంలో వాహనాల రాకపోకలు నెమ్మదించాయి. బేగంపేట, పరిసర ప్రాంతాల మీదుగా వెళ్లేవారు ట్రాఫిక్ ఆలస్యాన్ని దృష్టిలో ఉంచుకుని ప్రయాణించాలని, పోలీసుల సూచనలు పాటించాలని అధికారులు సూచించారు.

WhatsAppలో ‘NO’ అని రిప్లై ఇస్తున్నారా? జాగ్రత్త!

▶

TG· 2h ago

WhatsAppలో ‘NO’ అని రిప్లై ఇస్తున్నారా? జాగ్రత్త!

TG: వాట్సాప్‌లో ‘NO’ అని రిప్లై ఇచ్చే ముందు జాగ్రత్తగా ఉండాలని పోలీస్ కమిషనర్ V.C సజ్జనార్ సూచించారు. గుర్తుతెలియని నంబర్ల నుంచి బ్యాంక్ ట్రాన్సాక్షన్ల పేరుతో వచ్చే మెసేజ్‌లను నమ్మొద్దని, డౌట్‌ఫుల్ లింక్స్, ఫైళ్లను ఓపెన్ చేయొద్దని హెచ్చరించారు. బ్యాంక్‌లో డబ్బులు కట్ అయ్యాయంటూ మెసేజ్ వస్తే అధికారిక బ్యాంక్ యాప్‌లో చెక్ చేసుకోవాలని సూచించారు. సైబర్ మోసానికి గురైతే వెంటనే 1930 హెల్ప్‌లైన్‌కు కాల్ చేయాలని, <a href="https://cybercrime.gov.in/">Cyber Crimeలో</a> ఫిర్యాదు చేయాలని తెలిపారు.

TG· 4h ago

మెదక్‌లో బయటపడ్డ అరుదైన పురాతన శిల్పం!

మెదక్ జిల్లా యనగండ్ల గ్రామంలో సుమారు 1,100 ఏళ్ల నాటి అరుదైన శిల్పం కనిపించింది. రాష్ట్రకూటుల కాలానికి చెందిన ఈ నల్లరాతి శిల్పం ఆంజనేయస్వామి గుడి దగ్గర చెట్టు కింద ఉంది. ఇందులో లక్ష్మీదేవి, ఏనుగులతో పాటు సముద్ర మథనం దృశ్యం కూడా చెక్కారు. వెనుకవైపు 12 చేతులతో శివుడి నటరాజ రూపం, బ్రహ్మ, విష్ణు విగ్రహాలు ఉన్నాయి. ఇలాంటి శిల్పం తెలుగు రాష్ట్రాల్లో గుర్తించడం అరుదని చరిత్రకారులు చెబుతున్నారు. ఇంత విలువైన శిల్పాన్ని కాపాడాలని కోరుతున్నారు.

TG· 5h ago

కరెంటు కష్టాలు.. పెరుగుతున్న అవసరాలు!

TG: రోజుకు 315–330 మిలియన్ యూనిట్ల విద్యుత్ అవసరమవుతోంది. అవసరాలు పెరుగుతుండగా, బొగ్గు నిల్వలు తగ్గడం, థర్మల్ విద్యుత్ కేంద్రాల్లో ఉత్పత్తి సమస్యలు ఆందోళన కలిగిస్తున్నాయి. దీంతో బయట నుంచి కరెంటు కొనుగోలు చేయాల్సి వస్తోంది. ఈ సమస్యలను అధిగమించేందుకు సౌర, పవన విద్యుత్‌తో పాటు బ్యాటరీల్లో విద్యుత్ నిల్వ చేసే ఏర్పాట్లపై ప్రభుత్వం దృష్టి పెట్టింది. భవిష్యత్తు అవసరాల కోసం 7,800 మెగావాట్ల అదనపు విద్యుత్ సామర్థ్యాన్ని పెంచాలని ప్రణాళికలు రూపొందిస్తోంది.