మెట్‌పల్లిలో ఎమ్మెల్యే సంజయ్ భారీ నిరసన

By Pinjari Shiva Kumar· 1h ago

TG: విద్యార్థుల ఫీజు రీయింబర్స్‌మెంట్ బకాయిలను వెంటనే విడుదల చేయాలని కోరుతూ కోరుట్ల ఎమ్మెల్యే కల్వకుంట్ల సంజయ్ ఆధ్వర్యంలో జగిత్యాల జిల్లా మెట్‌పల్లిలో భారీ ధర్నా నిర్వహించారు. పాత బస్టాండ్ వద్ద జరిగిన నిరసనలో విద్యార్థులు, ప్రజాప్రతినిధులు, BRS శ్రేణులు పెద్దసంఖ్యలో పాల్గొన్నారు. రీయింబర్స్‌మెంట్ నిధులు విడుదల కాక పేద, మధ్యతరగతి విద్యార్థులు తీవ్ర ఇబ్బందులు ఎదుర్కొంటున్నారని ఎమ్మెల్యే అన్నారు. విద్యార్థుల భవిష్యత్తును దృష్టిలో పెట్టుకుని ప్రభుత్వం వెంటనే బకాయిలు చెల్లించాలని డిమాండ్ చేశారు.

More in Local

Local· 6m ago

నూతన రామాలయానికి ఘనంగా శంకుస్థాపన

AP: కాకినాడ జిల్లా రౌతులపూడి మండలం గిడిజాం గ్రామంలో రామాలయ పునర్నిర్మాణానికి గ్రామస్థులు ఐక్యంగా శ్రీకారం చుట్టారు. శిథిలావస్థకు చేరిన ఆలయాన్ని నూతనంగా నిర్మించేందుకు శంకుస్థాపన కార్యక్రమం నిర్వహించారు. ఆలయ నిర్మాణానికి యువత, ఉద్యోగులు, వ్యాపారవేత్తలు, గ్రామ పెద్దలు, మహిళలు, భక్తులు తమ వంతు సహకారం అందిస్తున్నారు. హిందూ ధర్మ పరిరక్షణతో పాటు గ్రామ ఆధ్యాత్మిక సంప్రదాయాలు, సంస్కృతిని భావితరాలకు అందించాలనే సంకల్పంతో ఆలయాన్ని పునర్నిర్మిస్తున్నట్లు ఆలయ కమిటీ సభ్యులు తెలిపారు.

Local· 19m ago

పరకాల మున్సిపల్ సర్వసభ్య సమావేశం

TG వరంగల్ జిల్లా పరకాల మున్సిపాలిటీ కార్యాలయంలో సర్వసభ్య సమావేశం నిర్వహించారు. ఎమ్మెల్యే రేవూరి ప్రకాష్‌రెడ్డి, ఎమ్మెల్సీ పోచంపల్లి శ్రీనివాస్‌రెడ్డి సమావేశానికి హాజరయ్యారు. పరకాల పట్టణ అభివృద్ధి, ప్రజా సంక్షేమం, మౌలిక వసతుల కల్పన, ప్రజా సమస్యల పరిష్కారం తదితర అంశాలపై సభ్యులు చర్చించారు. పట్టణంలో చేపట్టాల్సిన అభివృద్ధి పనులు, ప్రజలకు మెరుగైన సేవలు అందించేందుకు తీసుకోవాల్సిన చర్యలపై సమీక్షించారు. సమావేశంలో మున్సిపల్ చైర్మన్ పావుశెట్టి సునీల్‌కుమార్, మున్సిపల్ సిబ్బంది తదితరులు పాల్గొన్నారు.

Local· 22m ago

విద్యార్థులకు విలువలు నేర్పాలి: కలెక్టర్

AP: విలువలతో కూడిన సమాజ నిర్మాణమే ఉపాధ్యాయుల ధ్యేయం కావాలని గుంటూరు జిల్లా కలెక్టర్ సాయికాంత్ వర్మ పిలుపునిచ్చారు. డా. సర్వేపల్లి రాధాకృష్ణన్ జయంతి సందర్భంగా జిల్లా కలెక్టర్ కార్యాలయంలోని ఎస్.ఆర్. శంకరన్ సమావేశ మందిరంలో గురుపూజోత్సవ దినోత్సవం నిర్వహించారు. జిల్లా స్థాయిలో ఉత్తమ ఉపాధ్యాయులను ఘనంగా సత్కరించారు. విద్యార్థులకు విలువలు, నాయకత్వ లక్షణాలు, ఒత్తిడి, ఓటమిని తట్టుకునే సామర్థ్యాన్ని నేర్పాలని కలెక్టర్ సూచించారు. భవిష్యత్ తరాలకు అవసరమైన మార్గాన్ని ఉపాధ్యాయులు చూపాలన్నారు.

Local· 37m ago

వినాయక వేడుకలపై దాచేపల్లిలో సమావేశం

AP: వినాయక చవితి వేడుకలను ప్రశాంతంగా నిర్వహించేందుకు పల్నాడు జిల్లా దాచేపల్లి పోలీస్ స్టేషన్‌లో వినాయక నిమజ్జన కమిటీ సభ్యులతో పోలీసులు అవగాహన సమావేశం నిర్వహించారు. సీఐ ఖాసిం వలి, ఎస్‌ఐ పాపారావు సింగిల్ విండో విధానంపై వివరించారు. విగ్రహ ప్రతిష్ఠాపన, పూజలు, నిమజ్జనానికి అవసరమైన వివిధ శాఖల అనుమతుల కోసం ఒకేసారి దరఖాస్తు చేసుకోవచ్చని తెలిపారు. నిమజ్జనం రోజులు, ఊరేగింపు మార్గం, నిమజ్జన ప్రదేశ వివరాలను ముందుగానే తెలియజేయాలని సూచించారు.