KCR అధీనంలో ఉన్న భూమి ఎంత?

By Krishna· 1h ago

తెలంగాణ సీఎం రేవంత్ రెడ్డి.. మాజీ సీఎం KCR భూములపై ఫోకస్ పెట్టారు. 22A భూముల అంశంపై అసెంబ్లీలో మాట్లాడుతూ ఆయన.. KCR ఫామ్‌హౌస్ పరిసరాల భూములపై దర్యాప్తు చెయ్యాలని రెవెన్యూ అధికారులను ఆదేశించడం పొలిటికల్‌గా హీట్ పెంచుతోంది. 22Aపై BRS ప్రభుత్వాన్ని ప్రశ్నిస్తుండటం వల్ల.. సీఎం రేవంత్ ఇలాంటి ఆర్డర్ ఇచ్చారా అనే చర్చ మొదలైంది. ఐతే.. ఈ ఆదేశాల వల్ల భూములపై స్పష్టత రావచ్చు. KCR తన భూములన్నీ పక్కాగానే ఉన్నాయని నిరూపించండం ద్వారా.. సీఎం రేవంత్‌కి చెక్ పెడతారా?

More in TG

TG· 1h ago

NEET, NTA పరీక్షా విధానం రద్దు కోసం సదస్సు

TG: NEET, NTA పరీక్షా విధానాన్ని రద్దు చేయాలని డిమాండ్ చేస్తూ దక్షిణ స్టూడెంట్ ఫెడరేషన్(DSF) ఆధ్వర్యంలో సెప్టెంబర్ 19 ఉదయం 10 గంటలకు ఉస్మానియా యూనివర్సిటీలో మేధోమథన సదస్సు నిర్వహించనున్నారు. దక్షిణ జనతా పార్టీ జాతీయ కోఆర్డినేటర్ ప్రొఫెసర్ డా.గాలి వినోద్ కుమార్ 54వ పుట్టినరోజు సందర్భంగా ఈ కార్యక్రమం ఏర్పాటైంది. GenZ ఉద్యమంలో భాగంగా ఈ సదస్సు జరుగుతోంది. ముఖ్య అతిథిగా విసికె పార్టీ జాతీయ అధ్యక్షుడు డా.తిరుమావళన్, ప్రత్యేక అతిథిగా మాజీ ఎంపీ బి.వినోద్ కుమార్ హాజరవుతారు.

'నా పరిస్థితి ముందు నుయ్యి'..: సీఎం రేవంత్

▶

TG· 1h ago

'నా పరిస్థితి ముందు నుయ్యి'..: సీఎం రేవంత్

అసెంబ్లీలో 22A భూముల అంశంపై మాట్లాడుతూ సీఎం రేవంత్ తన పరిస్థితి "ముందు నుయ్యి వెనుక గొయ్యి లాగా ఉంది" అన్నారు. "భూములను నిషేధిత జాబితా నుంచి తీసేస్తే డబ్బులు తీసుకున్నాడు అంటారు. తీయకపోతే అమాయకుల భూమి నిషేధిత జాబితాలో పెట్టారు అంటారు. మరి నేను ఏం చేయాలి. బావిలో దూకాలా?" అని రేవంత్ ప్రశ్నించారు. మరోవైపు కేసీఆర్ ఫామ్‌హౌస్ భూములపై దర్యాప్తుకి రెవెన్యూ అధికారులకు ఆదేశాలు ఇస్తున్నానని అసెంబ్లీలో ప్రకటించారు.

TG· 1h ago

ధరణి వెనక విదేశీ మాఫియా: సీఎం రేవంత్

BRS ప్రభుత్వ హయాంలో తెచ్చిన ధరణి వల్లే.. భూ రికార్డుల్లో అక్రమాలు జరిగాయని CM రేవంత్ అసెంబ్లీలో ఆరోపించారు. 2018లో ధరణిని తెచ్చి, భూముల వివరాల్ని డిజిటలైజ్ చేస్తూ.. రికార్డులు మార్చేశారనీ.. ఎవరి ఇష్టం వచ్చినట్లు వాళ్లు మార్చుకున్నారని ఆయన అన్నారు. ధరణి వల్ల తెలంగాణలో 2 కోట్ల 50 లక్షల ఎకరాల భూముల వివరాలు విదేశాల్లోని మాఫియా చేతికి వెళ్లాయనీ.. ఇది ప్రపంచంలోనే అత్యంత పెద్ద కుట్ర అని సీఎం ఫైర్ అయ్యారు. ఈ కుట్ర వెనక మాజీ సీఎం కేసీఆర్ ఉన్నారని ఆరోపించారు.

TG· 2h ago

హైదరాబాద్‌లో ప్రైవేట్ బస్సులకు కొత్త రూల్

TG: హైదరాబాద్‌లో ప్రైవేట్ ట్రావెల్స్ బస్సులను ఇకపై నగర శివార్లలోనే నిలిపేలా ప్రభుత్వం చర్యలు చేపడుతోంది. బస్సుల ఇష్టారాజ్య పార్కింగ్, రాత్రివేళ భారీగా రాకతో ట్రాఫిక్ రద్దీ, కాలుష్యం పెరుగుతున్నాయని మంత్రి పొన్నం ప్రభాకర్ తెలిపారు. నగరానికి నలువైపులా ఆధునిక బస్ టెర్మినల్స్ నిర్మించి, యూజర్ ఛార్జీలతో వాటిని వినియోగించే విధానాన్ని పరిశీలిస్తున్నట్లు చెప్పారు. గాజులరామారంలో 100, శంషాబాద్ వైపు 150 ఎకరాల భూమిని కేటాయించే అంశాన్ని ప్రభుత్వం పరిశీలిస్తోంది.