ఆ భారీ మాఫీ పై నోరు విప్పాల్సిందే... : బిఎస్పీ

ఒక వ్యక్తికి ఏకంగా 22వేల కోట్ల రూపాయల రుణాన్ని మాఫీ చేసిన విషయంపై మోదీ సర్కార్ ఇప్పటికైనా నోరు మెదపాలని దేశ ప్రజలకు సమాధానం చెప్పాలని బిఎస్పీ డిమాండ్ చేసింది. ఈ మేరకు ఆ పార్టీ పట్టణాధ్యక్షుడు అనుముల తుకారం నాయకత్వంలో అంబేద్కర్ విగ్రహం వద్ద ధర్నా నిర్వహించారు. ఈ సందర్భంగా ఆయన మాట్లాడుతూ "పేదలకు వైద్యం, విద్య కోసం నిధులు లేవని చెప్పే ప్రభుత్వం.. వేల కోట్ల వ్యవహారాలపై ఎందుకు మౌనం వహిస్తోంద''ని ప్రశ్నించారు. ప్రజల సొమ్ము సంక్షేమానికే ఖర్చు చేయాలన్నారు. ఈ కార్యక్రమంలో స్థానికులు పాల్గొన్నారు.