కార్మిక వ్యతిరేక లేబర్ కోడ్‌లను రద్దు చేయాలి

By ORSU KRISHNA· 19h ago· Palnadu

పల్నాడు జిల్లా నరసరావుపేట ధర్నా చౌక్ వద్ద సోమవారం కార్మిక సంఘాల ఆధ్వర్యంలో కరపత్రాలను ఆవిష్కరించారు. 8 గంటల పని విధానాన్ని కొనసాగించాలని, నాలుగు లేబర్ కోడ్‌లను రద్దు చేసి 44 కార్మిక చట్టాలను అమలు చేయాలని డిమాండ్ చేశారు. మహిళలకు రాత్రి షిఫ్టులను ఎత్తివేయాలని కోరారు. విశాఖ స్టీల్ ప్లాంట్, మెడికల్ కాలేజీల ప్రైవేటీకరణను వ్యతిరేకించారు. కార్మికులు, రైతులకు వ్యతిరేకంగా ఉన్న విధానాలను ప్రజలంతా ఖండించాలని కార్మిక సంఘాల నాయకులు పిలుపునిచ్చారు.

More in Local

Local· 10m ago

అంబేద్కర్ విగ్రహ పునర్నిర్మాణానికి కమిటీ ఏర్పాటు

జోగులాంబ గద్వాల జిల్లా కేంద్రంలో శిథిలావస్థకు చేరిన డా. B.R అంబేద్కర్ విగ్రహాన్ని పునర్నిర్మించాలని అఖిలపక్ష కమిటీ నిర్ణయించింది. టీఆర్ఎస్ నాయకుడు చింతరేవుల ముని ఆధ్వర్యంలో జరిగిన సమావేశంలో MP మల్లు రవి, MLA బండ్ల కృష్ణమోహన్ రెడ్డి, సరిత తిరుపతయ్య, మున్సిపల్ చైర్‌పర్సన్ తుమ్మల జయలక్ష్మి సహకారంతో కమిటీ ఏర్పాటు చేయాలని తీర్మానించారు. వివిధ ప్రజా, కుల సంఘాలు పునర్నిర్మాణ కార్యక్రమంలో భాగస్వాములు కావాలని పిలుపునిచ్చారు.

Local· 20m ago

ప్రజావాణిలో ప్రజా సమస్యలపై అర్జీలు

జగిత్యాల జిల్లా మెట్‌పల్లి మండల పరిషత్ కార్యాలయంలో సోమవారం నిర్వహించిన ప్రజావాణికి 9 ఫిర్యాదులు అందినట్లు MPDO మహేందర్ రెడ్డి తెలిపారు. వివిధ శాఖలకు చెందిన 14 మంది అధికారులు కార్యక్రమానికి హాజరయ్యారు. రెవెన్యూ, మున్సిపల్, ఇరిగేషన్ శాఖలకు రెండేసి, హౌసింగ్, విద్యుత్, వైద్య ఆరోగ్య శాఖలకు ఒక్కో ఫిర్యాదు వచ్చాయి. అర్జీలను క్షేత్రస్థాయిలో పరిశీలించి త్వరగా పరిష్కరించాలని అధికారులను ఆదేశించారు.

Local· 23m ago

కొందుర్గులో ఇందిరమ్మ ఇంటి నిర్మాణం పూర్తి

పేదల సొంతింటి కలను నెరవేర్చడమే కాంగ్రెస్ ప్రభుత్వ లక్ష్యమని కొందుర్గు మండల పార్టీ అధ్యక్షుడు కోగురి పురుషోత్తం రెడ్డి తెలిపారు. రాజకీయాలకు అతీతంగా అర్హులైన నిరుపేద కుటుంబాలకు ఇందిరమ్మ ఇళ్లు మంజూరు చేస్తున్నట్లు పేర్కొన్నారు. రంగారెడ్డి జిల్లా కొందుర్గు మండల కేంద్రంలో ఇందిరమ్మ ఇంటి నిర్మాణం పూర్తి చేసుకున్న లబ్ధిదారులు రామగళ్ల సువర్ణ, దావిద్ దంపతుల గృహప్రవేశ వేడుక ఘనంగా నిర్వహించారు.

Local· 26m ago

గుంతల రోడ్డుతో గ్రామస్తుల అవస్థలు

సూర్యాపేట జిల్లా జాజిరెడ్డిగూడెం మండలంలోని కాసర్లపాడు–కొమ్మాల గ్రామాల లింక్ రోడ్డు గుంతలమయంగా మారింది. రెండేళ్ల క్రితం నిర్మించిన రహదారి నాసిరకం పనుల కారణంగా దెబ్బతిన్నదని గ్రామస్తులు ఆరోపిస్తున్నారు. ఇటీవల వర్షాలతో పరిస్థితి మరింత అధ్వానంగా మారిందని, ప్రయాణం ప్రమాదకరంగా ఉందని ఆవేదన వ్యక్తం చేస్తున్నారు. పలుమార్లు అధికారులకు విన్నవించినా స్పందన లేదని, వెంటనే మరమ్మతులు చేపట్టాలని కోరుతున్నారు.