ఈఫిల్ టవర్‌.. 'బాప్స్‌' వివాదం?

By Krishna· 8 Sept 2026· Eenadu

ప్యారిస్ లోని ఈఫిల్ టవర్ దగ్గర కొత్త వివాదం తలెత్తింది. దాన్ని చూసేందుకు "బోచసన్వాసి అక్షర పురుషోత్తం స్వామినారాయణ సంస్థ' - బాప్స్ ప్రతినిధుల టీమ్ వెళ్లింది. ఐతే.. వారికి కనిపించకుండా మహిళా సిబ్బందిని పక్కకువెళ్లమని టవర్‌ నిర్వాహకులు కోరడం వివాదమైంది. దీనిపై సిబ్బంది మండిపడ్డారు. వారి నిరసనలతో టవర్‌ని తాత్కాలికంగా మూసివేశారు. దీనిపై స్పందించిన బాప్స్.. ఈఫిల్‌ టవర్ అధికారులతో మాట్లాడిన తర్వాతే తమ టీమ్ అక్కడికి వెళ్లిందని చెప్పింది. ఈ ఘటనపై దర్యాప్తు మొదలైంది.

More in International

International· 5m ago

మక్కాలో బంగ్లాదేశీ జంటకు ఉరి.. అసలేం జరిగింది?

సౌదీ అరేబియాలోని మక్కాలో అనైతిక చర్యకు పాల్పడ్డారనే ఆరోపణలపై ఇద్దరు బంగ్లాదేశీ పౌరులకు ప్రభుత్వం ఉరిశిక్ష అమలు చేసింది. ఈ నెల 14న నజ్రుల్ ఇస్లాం అబ్దుల్ బషీర్, సితి అక్తర్‌లను ఉరితీసినట్లు సౌదీ హోం మినిస్ట్రీ తెలిపింది. తజిర్ చట్టం ప్రకారం కోర్టు వారికి మరణశిక్ష విధించింది. అయితే, వారు చేసిన తప్పేంటో అధికారులు క్లారిటీ ఇవ్వలేదు. తమ పౌరులను ఉరితీసిన విషయాన్ని సౌదీ ప్రభుత్వం ముందుగా తెలియజేయలేదని బంగ్లాదేశ్ సీరియస్ అయ్యింది.

International· 1h ago

పాకిస్థాన్‌లో ఆలయం కూల్చివేతను అడ్డుకున్న స్థానికులు

పాకిస్థాన్‌లో 200 సంవత్సరాల నాటి హిందూ దేవాలయాన్ని కూల్చివేసే ప్రయత్నాన్ని స్థానిక అధికారులు అడ్డుకున్నారు. ఖైబర్ పఖ్తుంఖ్వా ప్రావిన్స్‌లోని డేరా ఇస్మాయిల్ ఖాన్ నగరం రహీమ్ బజార్‌లో ఉన్న రామ్ లీలా ఆలయం పురాతత్వ శాఖ గుర్తించిన సాంస్కృతిక వారసత్వ ప్రదేశాలలో ఒకటి. దాన్ని కూల్చేసి ప్లాజాగా మార్చడానికి ₹2.5 కోట్ల ఒప్పందం చేసుకున్నట్లు సమాచారం. హిందూ సమాజం ప్రతినిధులు కూల్చివేతను అడ్డుకున్నారు. నిరసనలు పెరగడంతో అసిస్టెంట్ కమిషనర్ ఆలయాన్ని సీల్ చేశారు.

International· 6h ago

హౌతీ ఎఫెక్ట్.. వెనక్కి తగ్గిన సౌదీ!

యెమెన్ మిలిటెంట్లైన హౌతీలు.. పక్కన దేశమైన సౌదీ అరేబియాకి సవాళ్లు విసురుతూనే ఉన్నారు. మిస్సైల్, డ్రోన్ దాడులు చేస్తున్నారు. దాంతో రియాద్‌లో అక్టోబర్ 26-29 మధ్య జరపాలనుకున్న ఫ్యూచర్ ఇన్వెస్ట్‌మెంట్ ఇనిషియేటివ్ (FII) సమ్మిట్‌ని, సౌదీ పాలకులు 2027కి వాయిదా వేశారు. ఇటీవల రియాద్ కింగ్ ఖలీద్ ఎయిర్‌పోర్టుపై హౌతీలు చేసిన దాడిలో 13 మంది మరణించారు. దాంతో సౌదీకి వచ్చే వారు టెన్షన్ పడుతున్నారు. హౌతీలకు ఇరాన్ సపోర్ట్ ఇస్తోంది.

International· 7h ago

METAకు కేంద్రం కీలక సూచనలు

FACEBOOK, INSTAGRAMలో తప్పుడు వార్తలు, హింసను ప్రేరేపించే పోస్టులను గుర్తించి అడ్డుకోవాలని కేంద్ర ప్రభుత్వం META సంస్థకు సూచించింది. పాత వీడియోలను కొత్త ఘటనలుగా చూపించే పోస్టులపై జాగ్రత్తగా ఉండాలని తెలిపింది. ప్రభుత్వ సంస్థలతో కలిసి పనిచేయాలని, అడిగిన సమాచారాన్ని సకాలంలో ఇవ్వాలని ఆదేశించింది. అయితే, ఈ సూచనలు ప్రజల భావప్రకటన స్వేచ్ఛను దెబ్బతీస్తాయని డిజిటల్ రైట్స్ సంఘాలు విమర్శిస్తున్నారు. ఈ అడ్వైజరీకి చట్టంలో సరైన ఆధారం లేదని పేర్కొంటూ, దానిని వెనక్కి తీసుకోవాలని డిమాండ్ చేస్తున్నారు.