గ్రూప్-1 నోటిఫికేషన్ వచ్చేసింది!

By Sahani· 9h ago· Gov· AP

ఆంధ్రప్రదేశ్ లో నిరుద్యోగులకు గుడ్ న్యూస్! APPSC ద్వారా 163 గ్రూప్-1 పోస్టుల భర్తీకి AP ప్రభుత్వం నోటిఫికేషన్ రిలీజ్ చేసింది. ఇందులో డిప్యూటీ కలెక్టర్, DSP లాంటి కీలక ఉద్యోగాలు ఉన్నాయి. వీటితో పాటు కాలుష్య నియంత్రణ మండలిలో 41 ఇంజనీర్, 37 హార్టికల్చర్ ఆఫీసర్, 8 ఫోరెన్సిక్ అసిస్టెంట్ డైరెక్టర్ పోస్టులకు కూడా మరో మూడు నోటిఫికేషన్లు జారీ అయ్యాయి. వీటన్నింటికీ ఈరోజే అప్లికేషన్స్ స్టార్ట్ అవుతుండగా, జనవరిలో గ్రూప్-1 ప్రిలిమ్స్ ఎగ్జామ్స్ జరగనున్నాయి.

More in AP

AP· 6h ago

"విరూపాక్షిని రిలీజ్ చెయ్యాలి"

AP: ఆలూరు YCP MLA విరూపాక్షిపై ఉన్న కేసుల్ని ఎత్తివేసి, వెంటనే రిలీజ్ చెయ్యాలని డిమాండ్ చేశారు CPI నేషనల్ సెక్రెటరీ రామకృష్ణ. దీనిపై CM చంద్రబాబుకి ఆయన లేఖ రాశారు. విరూపాక్షితోపాటూ మరో 44 మందిని 65 రోజులపాటు జైల్లో ఉంచడం తగదన్న ఆయన.. "స్థానిక సమస్యలపై ప్రెస్‌మీట్ పెట్టిన విరూపాక్షిని DSP బెదిరించటం దుర్మార్గం" అన్నారు. కర్నూలు జిల్లా.. చిప్పగిరి మండలం.. నెమకల్లు గ్రామంలో జరిగిన ఘర్షణలపై ఆగస్ట్ 2న విరూపాక్షి, ఆయన కొడుకు చంద్రశేఖర్‌ని పోలీసులు అరెస్ట్ చేశారు.

AP· 9h ago

Data Center‌పై PIL.. హైకోర్టుకు ఏజీ కీలక విషయాలు!

విశాఖలో ఏర్పాటు చేయనున్న డేటా సెంటర్‌కు పర్యావరణ అనుమతులు ఉన్నాయని అడ్వొకేట్ జనరల్ హైకోర్టుకు తెలిపారు. సింహాచలం దేవస్థానానికి చెందిన 160 ఎకరాల భూమిని డేటా సెంటర్ కోసం కేటాయించడాన్ని వ్యతిరేకిస్తూ బొలిశెట్టి సత్యనారాయణ PIL వేశారు. అయితే పర్యావరణ అనుమతుల విషయం పిటిషనర్ కోర్టుకు చెప్పలేదని ఏజీ తెలిపారు. ప్రాజెక్ట్ కంబాలకొండ వన్యప్రాణి సంరక్షణ కేంద్రానికి 750 మీటర్లు, సీతకొండ రిజర్వ్ ఫారెస్ట్‌కు 3.90KM దూరంలో ఉందన్నారు. జూన్ 10న అనుమతులు ఇచ్చారు.

▶

AP· 19h ago

బధిర ఐటీఐలో విద్యార్థుల కష్టాలు

AP: తిరుపతిలోని టీటీడీ బధిర ఐటీఐలో సిబ్బంది తమతో పనులు చేయిస్తున్నారని విద్యార్థులు ఆరోపించారు. తెల్లవారుజామున 3 గంటలకే నిద్రలేపి వంట, శుభ్రం చేసే పనులు చేయిస్తున్నారని, చేయకపోతే బెదిరిస్తున్నారని ఆవేదన వ్యక్తం చేశారు. బాత్‌రూమ్ శుభ్రం చేస్తూ ఓ విద్యార్థి కంటికి గాయమైనట్లు తెలిపారు. ప్రిన్సిపాల్‌కు చెప్పినా స్పందన లేకపోవడంతో.. తమ సమస్యలు పరిష్కరించి సిబ్బందిపై చర్యలు తీసుకోవాలని టీటీడీ జేఈవోను కోరారు.

AP· 20h ago

మలేరియా మందులపై సుప్రీం ఫోకస్

AP: పోలవరం ఏజెన్సీలో మలేరియా రాకుండా గ్రామస్తులకు ఇచ్చిన మందులు వేసుకున్న తర్వాత అస్వస్థతకు గురై ఓ గిరిజన చిన్నారి మృతి చెందింది. మరి కొందరు అనారోగ్యానికి గురయ్యారు. ఈ విషయాన్ని సుప్రీంకోర్టు తనంతట తానే కేసుగా తీసుకుని విచారించింది. అక్టోబర్ 5న విచారణలో.. ఈ విషయంపై జరుగుతున్న విచారణను ఆంధ్రప్రదేశ్ హైకోర్టు గమనించాలని చెప్పింది. బాధితులకు న్యాయం జరిగేలా చూడాలని సూచించింది.