సుప్రీంకోర్టు మాజీ జడ్జి ECIపై షాకింగ్ కామెంట్స్!

By Sahani· 1d ago· Livelaw

ఎలక్షన్ కమిషన్ (ECI) పనితీరుపై సుప్రీంకోర్టు మాజీ జడ్జి జస్టిస్ నారిమన్ సీరియస్ కామెంట్స్ చేశారు. వెస్ట్ బెంగాల్‌లో ఏకంగా 90 లక్షల మంది ఓటర్లను తొలగించడం దారుణమని, దీనివల్ల ఓటు హక్కు తీవ్ర ప్రమాదంలో పడిందని ఆందోళన వ్యక్తం చేశారు. ఎన్నికల కమిషనర్ల నియామకం పూర్తిగా ప్రభుత్వం చేతుల్లో ఉండటం ‘రెడ్ ఫ్లాగ్’ లాంటిదన్నారు. కమిషనర్ల నియామకంపై CEC Act చెల్లుబాటుపై సుప్రీంకోర్టు వెంటనే ఫైనల్ డెసిషన్ తీసుకోవాలని ఆయన డిమాండ్ చేశారు.

More in Infotainment

Infotainment· 4h ago

CJI కంటే CEC PowerFull ఆ?

ఎలక్షన్ కమిషనర్లకు ఉన్న చట్టపరమైన రక్షణ జడ్జిల కంటే ఎక్కువుగా ఉందంటూ సుప్రీంకోర్టు కామెంట్స్ చేసింది. 2023 చట్టం ప్రకారం CEC, ECలపై ఎలాంటి సివిల్ లేదా క్రిమినల్ కేసులు పెట్టడానికి వీల్లేకుండా లైఫ్‌లాంగ్ రక్షణ ఉందని ధర్మాసనం గుర్తుచేసింది. ఈ స్థాయి రక్షణ చివరకు సుప్రీంకోర్టు జడ్జిలకు కూడా ఉండదని జస్టిస్ బాగ్చీ అన్నారు. CEC జ్ఞానేష్ కుమార్ ఏకపక్ష నిర్ణయాలపై దాఖలైన పిటిషన్‌‌పై విచారణ జరిపిన CJI సూర్యకాంత్ బెంచ్.. ఈ అంశంపై వివరణ ఇవ్వాలని కేంద్రానికి, ECIకి నోటీసులు ఇచ్చింది.

Infotainment· 16h ago

నక్షత్రాలు ఏ రంగులో ఉంటాయి?

మనం ఆకాశంలోకి చూసినప్పుడు నక్షత్రాలన్నీ మెరుస్తుంటాయి. అయితే నక్షత్రాల రంగులన్నీ ఒకేలా ఉండవు. నీలం, తెలుపు, పసుపు, నారింజ, ఎరుపు.. ఇలాంటి రంగుల్లో ఉంటాయి. నక్షత్రం ఉపరితల ఉష్ణోగ్రత దాని రంగును నిర్ణయిస్తుంది. ఇది ‘blackbody radiation’ అనే థియరీ మీద ఆధారపడి ఉంటుంది. చాలా వేడి నక్షత్రాలు, అంటే 25,000–40,000 K (Kelvin – వేడిని కొలిచే పరిమాణం) ఉంటే నీలం, మధ్యస్థ ఉష్ణోగ్రతతో ఉంటే తెలుపు, ఇంకాస్త తక్కువ వేడివి పసుపు, చల్లనివి నారింజ, ఇంకా చల్లనివి ఎరుపు రంగులో ఉంటాయి.

Infotainment· 17h ago

దేశంలో సూర్యుడు ఆఖరిగా ఉదయించేదెక్కడ?

మన దేశంలో సూర్యుడు మొదట ఉదయించే చోటు అరుణాచల్ ప్రదేశ్‌లోని డోంగ్ వ్యాలీ. అయితే చివరిగా.. అంటే ఆలస్యంగా ఉదయించే చోటు ఎక్కడో తెలుసా? గుజరాత్ రాష్ట్రం కచ్‌లోని గుహార్ మోతీ. ఇది దేశానికి పశ్చిమ-అంచు బిందువు. మన భూమి పశ్చిమం నుంచి తూర్పు వైపుకు తిరుగుతుంది. అందువల్ల తూర్పు ప్రాంతాలకు సూర్యకిరణాలు ముందుగా చేరుతాయి. పశ్చిమ ప్రాంతాలకు చివరిగా చేరుతాయి. అందుకే అరుణాచల్ ప్రదేశ్, గుజరాత్ మధ్య సూర్యోదయ సమయంలో 1.5 నుంచి 2 గంటల వరకు తేడా ఉంటుంది.

▶

Infotainment· 20h ago

ఐదు పిల్లలకు జన్మనిచ్చిన ఆడ చిరుత

కూనో నేషనల్ పార్క్‌లో గుడ్ న్యూస్. భారత్‌లోనే పుట్టిన 32 నెలల ఆడ చిరుత KJP21 ఐదు పిల్లలకు జన్మనిచ్చింది. ఐదు కొత్త చిరుత పిల్లలు రావడంతో దేశంలో మొత్తం చిరుతలు 60కి చేరాయి. ఇందులో 41 చిరుతలు భారత్‌లోనే పుట్టాయి. ఈ ఐదు పిల్లల తండ్రి బోట్స్వానా నుంచి భారత్‌కు వచ్చిన చిరుత. కొత్తగా పుట్టిన పిల్లలు ఆరోగ్యంగా ఉన్నట్లు అధికారులు తెలిపారు. దీంతో కూనోలో చిరుతల కుటుంబం మరింత పెరిగింది. ఈ జననంతో ప్రాజెక్ట్ చిరుతకు మరింత ఉత్సాహం వచ్చింది.