ఘనంగా Teachers Day వేడుకలు

By A VIJAY KUMAR· 57m ago· Warangal

TG: విద్యార్థుల భవిష్యత్తును తీర్చిదిద్దడంలో గురువుల పాత్ర ఎంతో కీలకమని అమీనాబాద్ మోడల్ స్కూల్ హెడ్మాస్టర్ చిట్టా జ్యోతి అన్నారు. వరంగల్ జిల్లా చెన్నారావుపేట మండలంలోని పాఠశాలలో శనివారం Teachers Day వేడుకలను ఘనంగా నిర్వహించారు. విద్యార్థులు ఉపాధ్యాయులకు శుభాకాంక్షలు తెలిపి సాంస్కృతిక కార్యక్రమాలు నిర్వహించారు. అనంతరం ఉపాధ్యాయులను ఘనంగా సన్మానించారు. ఈ సందర్భంగా చిట్టా జ్యోతి మాట్లాడుతూ, గురువుల సేవలు మరువలేనివని, ఉపాధ్యాయులను గౌరవించడం ప్రతి ఒక్కరి బాధ్యత అని పేర్కొన్నారు.

More in Local

Local· 33m ago

సీఎం సభకు ముందే బుల్లెట్ ట్రైన్ ఉద్యమ నేత అరెస్ట్

TG: నల్గొండ జిల్లా నకిరేకల్‌లో ఇవాళ సీఎం రేవంత్ రెడ్డి పర్యటన నేపథ్యంలో సూర్యాపేటకు బుల్లెట్ ట్రైన్ సాధన ఉద్యమ కన్వీనర్, ప్రొఫెసర్ జానకి రెడ్డిని సూర్యాపేట పోలీసులు ముందస్తుగా అరెస్ట్ చేశారు. ఉదయం ఆయన ఇంటికి వెళ్లిన పోలీసులు స్టేషన్‌లో సంతకం చేయాలంటూ తీసుకెళ్లి అక్కడే నిర్బంధించారని అఖిలపక్ష పోరాట కమిటీ ఆరోపించింది. సీఎం సభకు ఉద్యమానికి ఎలాంటి సంబంధం లేదని, నిరసనకు పిలుపునివ్వలేదని తెలిపింది. ఎలాంటి నోటీసు లేకుండా అరెస్ట్ చేయడం అమానుషమని ఖండించింది.

Local· 51m ago

వెంకటాపురంలో ఘనంగా Teachers Day

TG: వరంగల్ జిల్లా దుగ్గొండి మండలం వెంకటాపురం గ్రామంలోని ప్రాథమిక పాఠశాలలో Teachers Day వేడుకలు ఘనంగా నిర్వహించారు. విద్యార్థినీ విద్యార్థులు ఉపాధ్యాయులను శాలువాలతో సత్కరించి, పుష్పగుచ్ఛాలు అందజేసి శుభాకాంక్షలు తెలిపారు. ఈ సందర్భంగా హెడ్‌మాస్టర్ సుభాషిణి మాట్లాడుతూ, విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర ఎంతో కీలకమన్నారు. విద్యార్థులు క్రమశిక్షణతో విద్యనభ్యసించి ఉన్నత స్థాయికి ఎదగాలని ఆకాంక్షించారు. అనంతరం విద్యార్థులు సాంస్కృతిక కార్యక్రమాలు నిర్వహించి అలరించారు.

Local· 59m ago

ముగిసిన గోదా రంగనాథ స్వామి పవిత్రోత్సవాలు

TG: రంగారెడ్డి జిల్లా ఫరూక్‌నగర్ మండలం రంగధాములలోని గోదా రంగనాథ స్వామి ఆలయంలో మూడు రోజులుగా నిర్వహించిన పవిత్రోత్సవాలు శనివారంతో ఘనంగా ముగిశాయి. పవిత్రోత్సవాల సందర్భంగా ఆలయంలో శ్రీకృష్ణ జన్మాష్టమి వేడుకలను కూడా వైభవంగా నిర్వహించారు. ఆలయ వ్యవస్థాపక ప్రధాన అర్చకులు ఎస్.టి.ఎస్. కేశవ చార్యుల ఆధ్వర్యంలో జరిగిన కార్యక్రమాల్లో భక్తులు పెద్ద సంఖ్యలో పాల్గొన్నారు. ఈ సందర్భంగా స్వామివారికి ప్రత్యేక పూజలు, అభిషేకాలు నిర్వహించి భక్తులు తీర్థప్రసాదాలు స్వీకరించారు.

Local· 1h ago

గంజాయి సేవించిన ఏడుగురు యువకుల అరెస్ట్

TG: గంజాయి వినియోగం, అక్రమ రవాణాపై నిఘాలో భాగంగా టాస్క్‌ఫోర్స్, పెద్దపల్లి జిల్లా ఎలిగేడ్ పోలీసులు సంయుక్తంగా తనిఖీలు నిర్వహించారు. ఎలిగేడ్ మండల కేంద్రంలో అనుమానాస్పదంగా సంచరిస్తున్న ఏడుగురు యువకులను పోలీసులు అదుపులోకి తీసుకున్నారు. విచారణలో వారు గంజాయి సేవించినట్లు వెల్లడైందని పోలీసులు తెలిపారు. అనంతరం యువకులను గోదావరిఖని ప్రభుత్వ జనరల్ ఆసుపత్రికి తరలించి వైద్య పరీక్షలు నిర్వహించారు. జిల్లాలో గంజాయి వినియోగం, అక్రమ రవాణాపై నిఘా కొనసాగుతుందని సీపీ అంబర్ కిషోర్ ఝా తెలిపారు.