వర్షాభావంతో జలవిద్యుత్ ఉత్పత్తి తగ్గింది

By BOLAGANI SAIDULU· 1h ago· Chiwemla, Suryapet, Suryapet

పులిచింతల జలవిద్యుత్ కేంద్రాన్ని Dy.CM భట్టి విక్రమార్క, మంత్రి ఉత్తమ్‌కుమార్‌రెడ్డి పరిశీలించారు. విద్యుత్ ఉత్పత్తి సామర్థ్యం, ఇప్పటివరకు జరిగిన ఉత్పత్తి వివరాలను అధికారులను అడిగి తెలుసుకున్నారు. రాష్ట్రంలో విద్యుత్ డిమాండ్ 20 వేల మెగావాట్లకు చేరినా గృహ వినియోగదారులకు 24 గంటల సరఫరా కొనసాగిస్తున్నట్లు భట్టి తెలిపారు. వర్షాభావంతో జలవిద్యుత్ ఉత్పత్తి తగ్గినా థర్మల్‌, ఇతర వనరులతో అవసరాలు తీరుస్తున్నామని చెప్పారు.

More in Local

Local· just now

రోడ్డు ప్రమాద మరణాలు బాధాకరం: బీజేపీ

రోడ్డు ప్రమాదాల కారణంగా ఎంతోమంది మరణించడం బాధాకరమని బీజేపీ రాష్ట్ర అధ్యక్షులు ఎన్. రామచందర్ రావు ఆందోళన వ్యక్తం చేశారు. మంగళవారం మెట్టుగూడలో బీజేపీ ఓబీసీ మోర్చా నిర్వహించిన రహదారి భద్రతా చైతన్య కార్యక్రమంలో ఆయన పాల్గొని మాట్లాడారు. మద్యం సేవించి వాహనం నడపడం ప్రాణాంతకమన్నారు. ట్రాఫిక్ నిబంధనలు పాటించి కుటుంబ భద్రతకు ప్రాధాన్యత ఇవ్వాలని సూచించారు. కార్యక్రమంలో బీజేపీ నాయకులు మేకల సారంగపాణి, వై. సురేష్ కుమార్, వెంకటరమణి తదితరులు పాల్గొన్నారు.

Local· 2m ago

గిరిజన ఉత్పత్తులకు విలువ జోడింపు.. మెరుగైన ఆదాయం!

అల్లూరి జిల్లా పాడేరులో TRIFED, జిల్లా యంత్రాంగం, ఐటీడీఏ ఆధ్వర్యంలో గిరిజన ఉత్పత్తుల విలువ జోడింపు, మార్కెటింగ్‌పై వర్క్‌షాప్ జరిగింది. ముడి అటవీ ఉత్పత్తులకు ప్రాసెసింగ్, నాణ్యత, ప్యాకేజింగ్, బ్రాండింగ్ చేస్తే మెరుగైన ఆదాయం వస్తుందని TRIFED ఎండీ రాజమురుగన్ చెప్పారు. పాడేరు తేనెకు ప్రత్యేక బ్రాండ్, GI గుర్తింపు అవకాశాలను పరిశీలిస్తున్నట్లు కలెక్టర్ నిశాంతి తెలిపారు. VDVKల ద్వారా తేనె, కాఫీ, మిరియాలకు value యాడ్ చేయాలని పీఓ ఆదిత్య వర్మ అన్నారు.

Local· 7m ago

SSC-2027కు మిషన్ మార్చ్.. 100% పాసే లక్ష్యం!

అల్లూరి జిల్లాలో పదో తరగతిలో 100% ఉత్తీర్ణతే లక్ష్యంగా 'మిషన్ మార్చ్ SSC-2027' ప్రారంభించారు. కలెక్టర్ నిశాంతి ఆదేశాలతో విద్యార్థి, ఉపాధ్యాయుల హాజరుపై ప్రత్యేక పర్యవేక్షణ ఉంటుంది. సాయంత్రం 4-5కి స్టడీ అవర్, రోజూ స్లిప్ టెస్టులు. వెనుకబడిన విద్యార్థులకు ప్రత్యేక బోధన. పాఠశాలల్లో భద్రత, మౌలిక సదుపాయాల పనులు డిసెంబర్ 31లోగా పూర్తి చేయాలని సూచించారు. అధికారులు, ఉపాధ్యాయులు సమన్వయంతో పనిచేయాలని కోరారు.

Local· 10m ago

కాకరవాయి రైతులకు సాగునీటి కష్టాలు

తిరుమలాయపాలెం మండలం కాకరవాయిలో వర్షాలు ఆశించిన స్థాయిలో లేక చెరువులు, కుంటల్లో నీరు తగ్గిపోవడంతో రైతులు ఇబ్బందులు పడుతున్నారు. విద్యుత్‌ కోతలు, లో-వోల్టేజీ కారణంగా మోటార్లు సక్రమంగా పనిచేయడం లేదని తెలిపారు. పంటలకు కీలక దశలో సాగునీరు అందకపోతే నష్టం వాటిల్లే ప్రమాదం ఉందన్నారు. భక్త రామదాసు లిఫ్ట్‌ ఇరిగేషన్‌ ద్వారా చెరువులకు నీటిని మళ్లించి నింపాలని రైతులు ప్రభుత్వాన్ని కోరారు.