ప్రైవేట్‌ ఫీజుల నియంత్రణకు చట్టం తేవాలి: TPF

By A.Ajay· 1h ago

TG: తెలంగాణ బడ్జెట్‌లో విద్యకు కనీసం 18 శాతం నిధులు కేటాయించాలని తెలంగాణ పీపుల్స్‌ ఫ్రంట్‌ డిమాండ్‌ చేసింది. ప్రైవేట్‌ స్కూళ్లు, కాలేజీల్లో ఇష్టారాజ్యంగా ఫీజులు వసూలు చేయకుండా Fee Regulation చట్టం తీసుకురావాలని కోరింది. విద్యా కమిషన్‌ చేసిన 426 సిఫారసుల్లో కనీసం మూడు ముఖ్యమైన అంశాలనైనా ప్రభుత్వం అమలు చేయాలని ఆకునూరి మురళి అన్నారు. ఈ మూడు డిమాండ్లపై ముఖ్యమంత్రికి లేఖ కూడా ఇచ్చామని.. ప్రభుత్వం స్పందిస్తే బస్సు యాత్రను మధ్యలోనే ఆపేస్తామని తెలిపారు.

More in TG

TG· 5m ago

ప్రైవేట్ స్కూల్ ఫీజులతో Parentsకు భారం

TG: TPF ఆధ్వర్యంలో హైదరాబాద్‌లోని పెద్ద అంబేద్కర్ విగ్రహం వద్ద బస్సు యాత్ర ప్రారంభించారు. పేరెంట్స్ మాట్లాడుతూ ప్రైవేట్ స్కూళ్లలో అధిక ఫీజుల వల్ల చాలామంది తీవ్ర ఇబ్బందులు పడుతున్నారని ఆవేదన వ్యక్తం చేశారు. స్కూల్‌ రీఓపెన్‌ కాగానే ఫీజులు కట్టేందుకు ప్రతి ఇంట్లో డబ్బుల కోసం ఇబ్బందులు, గొడవలు మొదలవుతున్నాయని తెలిపారు. ప్రైవేట్‌ స్కూళ్లలో ఫీజుల దోపిడీని అరికట్టేందుకు ప్రభుత్వం చర్యలు తీసుకోవాలని డిమాండ్‌ చేశారు.

TG· 6m ago

ప్రతి డివిజన్‌లో TPS ఉండాలి.. Parents డిమాండ్‌

TG: తెలంగాణ పీపుల్స్ ఫ్రంట్ ఆధ్వర్యంలో హైదరాబాద్‌లోని పెద్ద అంబేద్కర్ విగ్రహం వద్ద బస్సు యాత్ర ప్రారంభించారు. పేరెంట్స్ మాట్లాడుతూ ప్రతి డివిజన్‌లో మంచి మౌలిక వసతులతో Telangana Public School(TPS) ఏర్పాటు చేయాలని డిమాండ్‌ చేశారు. ప్రభుత్వ స్కూళ్లలో సరైన సౌకర్యాలు ఉంటే, ప్రైవేట్‌ స్కూళ్లపై ఆధారపడాల్సిన అవసరం తగ్గుతుందని అన్నారు. ప్రభుత్వ బడుల్లో విద్య, వసతులు మెరుగుపరిస్తే విద్యార్థులకు సరైన విద్య అందుతుందని చెప్పారు.

TG· 38m ago

ప్రభుత్వ విద్య కోసం టీపీఎఫ్ బస్ యాత్ర

TG: ప్రభుత్వ బడుల అభివృద్ధి కోసం తెలంగాణ పీపుల్స్ ఫ్రంట్ బస్ యాత్రను ప్రారంభించింది. హైదరాబాద్‌లోని అంబేద్కర్ విగ్రహం వద్ద తెలంగాణ విద్యాకమిషన్ మాజీ చైర్మన్ ఆకునూరి మురళి అధ్యక్షతన యాత్ర మొదలైంది. రిటైర్డ్ ఐఏఎస్ అధికారి ఎం.వెంకటరెడ్డి మాట్లాడుతూ ప్రైవేట్ విద్యాసంస్థల్లో డొనేషన్, అధిక ఫీజులను ఆపాలని కోరారు. ప్రభుత్వ బడుల్లో 52 రకాల సౌకర్యాలు కల్పించాలని, విద్యకు బడ్జెట్‌లో 18 శాతం నిధులు ఇవ్వాలని డిమాండ్ చేశారు. 10 జిల్లాల్లో 12 రోజుల పాటు యాత్ర కొనసాగనుంది. ముందు ఖమ్మం బడులను పరిశీలించనున్నారు.

ప్రభుత్వ బడులపై నిర్లక్ష్యం.. జానపద గేయంతో నిరసన

▶

TG· 49m ago

ప్రభుత్వ బడులపై నిర్లక్ష్యం.. జానపద గేయంతో నిరసన

TG: తెలంగాణలో ప్రభుత్వ బడులు వసతులు లేక నిర్లక్ష్యానికి గురవుతున్నాయని తెలంగాణ పీపుల్స్ ఫ్రంట్ బస్ యాత్రలో జానపద గాయకులు ఆవేదన వ్యక్తం చేశారు. భవనాలు శిథిలావస్థకు చేరుతున్నా పాలకులు పట్టించుకోవడం లేదని విమర్శించారు. పోటీ ప్రపంచంలో విద్యార్థులకు ఇంగ్లీష్ మీడియం, కంప్యూటర్ విద్య అవసరమని, అలాంటి సౌకర్యాలు కల్పించకుండా ప్రభుత్వ పాఠశాలలను నిర్లక్ష్యం చేస్తున్నారని జానపద గేయం ద్వారా నిరసన తెలిపారు.