ఛలో విజయవాడతో హై టెన్షన్

By Lokesh· 28 Sept 2026

AP: తమ సమస్యలు పరిష్కరించాలని కోరుతూ సెప్టెంబర్ 27న వేల మంది గ్రామ, వార్డు సచివాలయ ఉద్యోగులు విజయవాడలో నిరసన చేశారు. రెండు నోషనల్ ఇన్‌క్రిమెంట్లు, పెండింగ్ జీతాలు, ప్రమోషన్లపై స్పష్టమైన విధానం కావాలని డిమాండ్ చేశారు. అయితే నిరసనకు పర్మిషన్ లేదంటూ పోలీసులు అడ్డుకోవడంతో ధర్నా చౌక్‌ దగ్గర రోజంతా ఉద్రిక్తత, తోపులాట పరిస్థితులు తలెత్తాయి. కొందరిని పోలీసులు అదుపులోకి తీసుకున్నారు. అయినా వెనక్కి తగ్గని ఉద్యోగులు.. రాత్రి కూడా నిరసన తెలిపారు.

More in AP

AP· 10m ago

బీచ్‌కు వెళ్లిన విద్యార్థుల్లో ఇద్దరు మృతి

శ్రీకాకుళం జిల్లాలోని గణగళ్లవానిపేట బీచ్‌లో మంగళవారం సాయంత్రం విషాదం చోటుచేసుకుంది. సముద్ర స్నానానికి వెళ్లిన ఓ కోచింగ్ సెంటర్‌కు చెందిన నలుగురు విద్యార్థులు అలల ఉద్ధృతికి కొట్టుకుపోయారు. వీరిలో పావని, మాధవి అనే ఇద్దరు మృతి చెందారు. వీరు విజయనగరం జిల్లా రామభద్రపురానికి చెందినవారని తెలిసింది. మిగిలిన ఇద్దరి కోసం సహాయక సిబ్బంది గాలింపు చర్యలు చేపట్టారు.

▶

AP· 23m ago

మద్యం మత్తులో నడిరోడ్డుపై ఫైట్

విజయవాడలోని యనమలకుదురు స్క్రూ బ్రిడ్జి సెంటర్ వద్ద మద్యం మత్తులో కొందరు నడిరోడ్డుపై గొడవకు దిగారు. ఒకరినొకరు దుర్భాషలాడుకుంటూ, కర్రలతో దాడి చేసుకున్నారు. వాహనాల రాకపోకలు సాగుతున్న లెక్క చేయలేదు. అక్కడే ఉన్న ట్రాఫిక్ పోలీసులు వారిని విడదీసేందుకు ప్రయత్నించారు. ఈ గొడవకు సంబంధించిన వీడియోలు సోషల్ మీడియాలో వైరల్ అయ్యాయి.

AP· 2h ago

కోటియాలో AP ఎన్నికలా? BJPకి నవీన్ పట్నాయక్ ప్రశ్నలు!

ఒడిశా మాజీ CM నవీన్ పట్నాయక్ కోటియా వివాదంపై BJPను <a href="https://x.com/Naveen_Odisha/status/2112163975408537977">ప్రశ్నించారు.</a> ఒడిశాలో భాగమైన కోటియాలో AP ఎన్నికలు ప్రకటించడం ఆందోళనకరమన్నారు. గతంలో ‘ఆంధ్రా గో బ్యాక్’ అంటూ స్లోగన్స్ ఇచ్చిన BJP.. ఇప్పుడు ఏం చేస్తోందని నిలదీశారు. 2024 ఎన్నికల్లో కోటియా సమస్యకు పరిష్కారం చూపుతామని ఇచ్చిన హామీ ఏమైందని ప్రశ్నించారు. NDAలో TDP ఉండటంతో ఒడిశా ప్రభుత్వం మౌనంగా ఉంటోందా అని అనుమానం వ్యక్తం చేశారు. రాష్ట్ర సమగ్రతను కాపాడేందుకు వెంటనే చర్యలు తీసుకోవాలని డిమాండ్ చేశారు.

▶

AP· 5h ago

వేట కొడవళ్లు, బీర్ బాటిళ్లు.. ఎందుకిలా?

కడపలో YCP మేయర్ అభ్యర్థి బండి దీప్తి ఇంటిపై అర్ధరాత్రి జరిగిన దాడి తీవ్ర కలకలం రేపుతోంది. సోమవారం అర్ధరాత్రి గుర్తు తెలియని వ్యక్తులు వాహనాల్లో వచ్చి ఆమె ఇంటిపై మద్యం బాటిళ్లు విసిరారు. ఇంటి అద్దాలు, కిటికీలు ధ్వంసమయ్యాయి. ఒక వేట కొడవలిని అక్కడ వదిలారు. ఇది TDP కుట్ర అనే ఆరోపణలు వస్తున్నాయి. కడప 1 టౌన్ పోలీసులు కేసు నమోదుచేశారు. ఈ ఘటన రాజకీయ ఉద్రిక్తతలను పెంచుతూ.. ఎన్నికల నిర్వహణపై ఆందోళన కలిగిస్తోంది.