రమానందనకు మరో షాక్!

By Krishna· 17h ago· Andhrajyothy

వీసా చీటింగ్ కేసులో యూట్యూబర్ రమానందన ఇబ్రహీంపట్నం పోలీసుల ఎదుట విచారణకు లాయర్లతో హాజరయ్యారు. విదేశాల్లో వీసా ఉద్యోగం ఇప్పిస్తానని రమానందన దంపతులు 13 లక్షలు వసూలు చేసినట్టు క్రాంతి కుమార్ చేసిన కంప్లైంట్‌తో కేసు నమోదైంది. నిన్న UK నుంచి హైదరాబాద్ చేరిన ఆమె విచారణకు రావాలని పోలీసులు నోటీసు ఇచ్చారు. వీసా రెన్యువల్ పేరుతో డబ్బులు వసూలు చేశారనే ఆరోపణలతో అద్దంకి ‌పోలీస్‌స్టేషన్‌లో మరో కేసు నమోదైంది. బాధితులు ఇబ్రహీంపట్నం స్టేషన్‌కు చేరుకుంటున్నారు.

More in AP

AP· 1h ago

రూ.18 బాటిల్ 25కు అమ్మాడు.. 7 లక్షల జరిమానా

AP: కాకినాడ జిల్లా అన్నవరం దేవస్థానంలో వాటర్ బాటిల్‌ను MRP కంటే అధికధరకు విక్రయించిన దుకాణదారుడికి జిల్లా వినియోగదారుల వివాద పరిష్కార కమిషన్ రూ.7లక్షల జరిమానా విధించింది. ఫిబ్రవరి 22న పిఠాపురానికి చెందిన వెంకటేశ్వరరావు అన్నవరంలోని సత్యగిరిపై వాటర్‌బాటిల్ కొన్నాడు. రూ.18 MRP ఉండగా రూ.25కు విక్రయించడంతో ఆయన కమిషన్‌ను ఆశ్రయించారు. విచారణ అనంతరం అదనంగా వసూలుచేసిన రూ.7తోపాటు రూ.10వేల పరిహారం, రూ.5వేల కేసు ఖర్చులు, రూ.7 లక్షలు వినియోగదారుల సంక్షేమ నిధికి చెల్లించాలని కమిషన్ ఆదేశించింది.

AP· 1h ago

ఎరువుల కోసం రైతుల పడిగాపులు

AP: రాష్ట్రవ్యాప్తంగా పలు ప్రాంతాల్లో వర్షాలు కురుస్తుండటంతో పంటలకు యూరియా, DAP వేసేందుకు రైతులు సిద్ధమవుతున్నారు. అయితే కేంద్ర ప్రభుత్వ DBT Fertilizer యాప్‌లో సాంకేతిక సమస్య తలెత్తడంతో రెండు రోజులుగా ఎరువుల విక్రయాలకు అంతరాయం ఏర్పడింది. దీంతో కాకినాడ జిల్లా పెద్దాపురంతో పాటు పలు ప్రాంతాల్లో రైతులు దుకాణాల వద్ద గంటల తరబడి వేచి చూస్తున్నారు. ఎరువులు అందక కొందరు రైతులు ఖాళీ చేతులతో వెనుదిరుగుతున్నారు. సర్వర్ సమస్యకు మరో రెండు రోజులు పట్టే అవకాశం ఉందని అధికారులు తెలిపారు.

AP· 12h ago

YCP కీలక నేత రాజీనామా

AP: విజయనగరం జిల్లా వైఎస్సార్ కాంగ్రెస్ పార్టీ అధ్యక్షుడు మజ్జి శ్రీనివాసరావు (చిన్న శీను) పార్టీకి రాజీనామా చేశారు. విజయనగరం జిల్లా పరిషత్ ఛైర్‌పర్సన్‌గా గతంలో పనిచేసిన ఆయన, ప్రస్తుతం భీమిలీ నియోజకవర్గ సమన్వయకర్తగా బాధ్యతలు నిర్వహిస్తున్నారు. వైఎస్సార్ కాంగ్రెస్ పార్టీతో పాటు భీమిలీ నియోజకవర్గ సమన్వయకర్త, విజయనగరం జిల్లా అధ్యక్ష పదవులకు కూడా రాజీనామా చేస్తున్నట్లు మజ్జి శ్రీనివాసరావు తెలిపారు. తన రాజీనామా లేఖను పార్టీ అధ్యక్షుడు జగన్ మోహన్ రెడ్డికి పంపించారు.

AP· 13h ago

డివైడర్‌ను ఢీకొన్న RTC బస్సు.. ప్రయాణికులకు గాయాలు

AP: నంద్యాల జిల్లా డోన్‌లో RTC బస్సుకు యాక్సిడెంట్ జరిగింది. కర్నూలు నుంచి డోన్‌కు వస్తున్న బస్సు ITI కాలేజ్ దగ్గర స్కూటీపై వెళ్తున్న భార్యాభర్తలను తప్పించబోయి అదుపుతప్పి డివైడర్‌ను ఢీకొట్టింది. దీంతో బస్సులోని కొందరి ప్యాసింజర్లకు గాయాలయ్యాయి. యాక్సిడెంట్ జరిగిన వెంటనే స్థానికులు రెస్పాండ్ అయ్యి గాయపడిన వారిని డోన్ Govt. హాస్పిటల్‌కు తీసుకెళ్లారు. ప్రస్తుతం వారికి ట్రీట్‌మెంట్ కొనసాగుతోంది.