ఆసియాలో డిజిటల్‌ చెల్లింపుల్లో భారత్‌ టాప్‌

By E.Nani· 3h ago· Spglobal

ఆసియా దేశాల్లో డిజిటల్‌ చెల్లింపుల వినియోగంపై 2026లో నిర్వహించిన సర్వేలో భారత్‌ ప్రత్యేకంగా నిలిచింది. భారత్‌లో 97 శాతం మంది డిజిటల్‌ చెల్లింపు సేవలను ఉపయోగిస్తున్నట్లు తేలింది. గూగుల్‌ పే 71 శాతం వినియోగంతో ముందుంది. ఫోన్‌పేను 63 శాతం, అమెజాన్‌ పేను 59 శాతం మంది ఉపయోగిస్తున్నారు. చైనాలో వీచాట్‌ పే, అలీపే, దక్షిణ కొరియాలో నేవర్‌ పే ఎక్కువగా వాడుతున్నట్లు సర్వే వెల్లడించింది.

More in National

National· 24m ago

EMI చెల్లించనందుకు..యువకుడి రక్తం తీసుకున్నారు

UP రాజధాని లక్నోలో మొబైల్ ఫోన్ EMI చెల్లించలేకపోయిన యువకుడిని రికవరీ ఏజెంట్లు కిడ్నాప్ చేసి, అతని రక్తం తీసుకున్నారు. నావల్ కుమార్ గతేడాది 21,500 రూపాయల విలువైన మొబైల్ ఫోన్‌ జీరో డౌన్ పేమెంట్‌పై కొన్నాడు. EMI కట్టలేకపోవడంతో అతణ్నుంచి ఫోన్‌ తిరిగి తీసుకున్నారు. అయితే సెప్టెంబర్ 8న రికవరీ ఏజెంట్ షుభం సింగ్, అతని సహచరులు నావల్‌ను కిడ్నాప్ చేసి బ్లడ్ బ్యాంక్‌కు తీసుకెళ్లి బలవంతంగా రక్తం తీయించారు. ఆ తర్వాత అతని ఇంటి నుంచి డబ్బు డిమాండ్ చేశారు. అతని కుటుంబం పోలీసులకు చెప్పడంతో నావల్‌ను వదిలేశారు.

National· 1h ago

CMను ప్రశ్నించిన జర్నలిస్ట్‌కు బెదిరింపులు

లక్నోలో ఈనెల 11న జరిగిన ఓ మీడియా కార్యక్రమంలో జర్నలిస్ట్ దివ్య శ్రీవాస్తవ సీఎం యోగి ఆదిత్యనాథ్‌ను ప్రశ్నించేందుకు ప్రయత్నించారు. సీఎం ప్రసంగం తర్వాత ఆ ప్రశ్నలకు సమాధానం ఇవ్వకుండా వెళ్లిపోతుండగా, ఆమె ప్రశ్నలకు సమాధానం ఇవ్వాలని కోరిన వీడియో SMలో వైరల్ అయింది. ఆ తర్వాత తనకు ఆన్‌లైన్‌లో తిట్లు, బెదిరింపులు వచ్చినట్లు దివ్య ఆరోపించారు. తనను రాజకీయ పార్టీలకు అనుకూలంగా పనిచేసే జర్నలిస్టుగా చూపే ప్రయత్నం చేస్తున్నారని తెలిపారు

▶

National· 1h ago

NRI ఇంట్లో చోరీకి వెళ్లి.. దొంగకు షాక్!

గుజరాత్‌లోని సూరత్‌ రాజారాంనగర్ సొసైటీలో NRI ఇంట్లో దొంగతనానికి వెళ్లి ఇనుప గ్రిల్స్‌లో ఇరుక్కున్నాడు. ఇంట్లోకి చొరబడి పారిపోబోయే సమయంలో వెనుకవైపు గ్రిల్‌లో ఇరుక్కుపోయాడు. అటూ ఇటూ కదలలేక నానా తంటాలు పడ్డాడు. స్థానికులు గమనించి కర్రలు, రాళ్లతో చితకబాదారు. ఈ దృశ్యాలు సోషల్‌ మీడియాలో వైరల్‌ అయ్యాయి. ఇంటి యజమాని ఎలాంటి సామాన్లు చోరీ కాలేదని స్పష్టం చేశారు.

National· 3h ago

ఘోర రోడ్డుప్రమాదం.. నలుగురు మృతి

రాజస్థాన్‌లోని నాగౌర్ జిల్లా మిఠ్లో ఘోర రోడ్డు ప్రమాదం జరిగింది. టిప్పర్, కారు ఢీకొనడంతో నలుగురు మృతి చెందారు. ఈ ప్రమాదంలో డ్రైవర్‌తో పాటు ఒకే కుటుంబానికి చెందిన ముగ్గురు ప్రాణాలు కోల్పోయారు. ఘటన జరిగిన వెంటనే పోలీసులు స్థలానికి చేరుకుని సహాయక చర్యలు చేపట్టారు. మృతుల వివరాలు, ప్రమాదానికి గల కారణాలు ఇంకా క్లారిటీ రాలేదు. స్థానికులు, అధికారులు ఘటనాస్థలంలో చేరుకున్నారు. పోలీసులు మరిన్ని వివరాల కోసం విచారణ చేపట్టారు.