ఆశా వర్కర్ల ధర్నాకు ఎమ్మెల్యే సంజయ్ సపోర్ట్

By Shiva· 25 Aug 2026· Chaitanya Nagar

TG : హైదరాబాద్‌లోని మెడికల్ కౌన్సిల్ ఆఫీస్ ముందు ఆశా వర్కర్లు చేసిన ధర్నాకు కోరుట్ల ఎమ్మెల్యే సంజయ్ సపోర్ట్ ఇచ్చారు. ఈ నిరసనలో ఆయన కూడా స్వయంగా పాల్గొని మాట్లాడారు. ప్రజల ఆరోగ్యాన్ని కాపాడటంలో ఆశా వర్కర్లు కీలక పాత్ర పోషిస్తున్నారని, కరోనా టైమ్‌లో ప్రాణాలకు తెగించి సేవలు చేశారని చెప్పారు. ప్రభుత్వం వారిపట్ల చిన్నచూపు చూడటం కరెక్ట్ కాదని, వారి న్యాయమైన డిమాండ్లను వెంటనే పరిష్కరించాలని, ఆశా వర్కర్ల పోరాటానికి తాను ఎల్లప్పుడూ అండగా ఉంటానని అన్నారు.

More in Local

Local· 11m ago

గ్లోబల్ అవార్డ్స్‌లో షాద్‌నగర్ విద్యార్థుల సత్తా

TG: రంగారెడ్డి జిల్లా షాద్‌నగర్‌కు చెందిన న్యూపవర్ కుంగ్‌ఫు అకాడమీ విద్యార్థులు గ్లోబల్ ఎక్సలెన్స్ ఐకాన్ అవార్డ్స్-2026లో ప్రతిభ చాటారు. తెలంగాణ రాష్ట్ర Amateur Sports and Cultural Awards Association ఆధ్వర్యంలో హైదరాబాద్‌లో ఈ అవార్డుల కార్యక్రమం నిర్వహించారు. కరాటే, కుంగ్‌ఫు విభాగాల్లో ప్రతిభ కనబర్చిన వారికి అవార్డులు అందజేశారు. నాజ్మా బేగం, ఇషిక రెడ్డి, సునైనా బేగం, వేదాదిత్య, నాగ, దిక్షిత, దాన్షిక, తదితరులు Global Star Kids Icon Awards అందుకున్నారు.

Local· 14m ago

పేదలందరికీ స్మార్ట్ రేషన్ కార్డులు: ఎమ్మెల్యే

TG: అర్హత కలిగిన ప్రతి పేద కుటుంబానికి రేషన్ కార్డు అందించడమే ప్రజా ప్రభుత్వ లక్ష్యమని రంగారెడ్డి జిల్లా షాద్‌నగర్ ఎమ్మెల్యే వీర్లపల్లి శంకర్ అన్నారు. షాద్‌నగర్ మున్సిపల్ కార్యాలయంలో నిర్వహించిన స్మార్ట్ రేషన్ కార్డుల పంపిణీ కార్యక్రమంలో ఆయన పాల్గొని లబ్ధిదారులకు కార్డులు అందజేశారు. రేషన్ కార్డు కోసం ఏ పార్టీ నాయకుడి సిఫారసు అవసరం లేదన్నారు. అర్హులు మీ సేవ కేంద్రాల్లో దరఖాస్తు చేసుకుంటే అధికారుల పరిశీలన అనంతరం నిబంధనల ప్రకారం కార్డులు మంజూరవుతాయని తెలిపారు.

Local· 17m ago

రంగాపురం సమస్యలు పరిష్కరించాలి

TG: వరంగల్ జిల్లా నల్లబెల్లి మండలం రంగాపురం గ్రామం అభివృద్ధికి ఆమడ దూరంలో ఉందని MCPIU మండల సహాయ కార్యదర్శి మార్తా నాగరాజు ఆవేదన వ్యక్తం చేశారు. గ్రామంలోని సమస్యలను అధికారులు వెంటనే పరిష్కరించాలని డిమాండ్ చేశారు. డంపింగ్ యార్డులో చెత్త పేరుకుపోవడంతో దుర్వాసన, దోమల బెడద పెరిగిందని, అంటువ్యాధులు ప్రబలే ప్రమాదం ఉందన్నారు. సైడ్‌ కాల్వలు సరిగా లేక మురుగునీరు రోడ్లపైకి వస్తోందని తెలిపారు. పాత బావులు పూడుకుపోయాయని, గ్రామ పంచాయతీ అధికారి అందుబాటులో లేక ప్రజలు ఇబ్బందులు పడుతున్నారని పేర్కొన్నారు.

Local· 18m ago

దాచేపల్లిలో అంతరాష్ట్ర కరాటే పోటీలు ప్రారంభం

AP: పల్నాడు జిల్లా దాచేపల్లిలో అంతరాష్ట్ర కరాటే పోటీలు ఆదివారం ఘనంగా ప్రారంభమయ్యాయి. గురజాల నియోజకవర్గ యువనేత యరపతినేని నిఖిల్ పోటీలను ప్రారంభించారు. గెలుపోటములను సమానంగా స్వీకరిస్తూ క్రీడా స్ఫూర్తితో పోటీల్లో పాల్గొనడం ముఖ్యమన్నారు. వివిధ ప్రాంతాల నుంచి విద్యార్థులు పెద్ద సంఖ్యలో పోటీలకు హాజరయ్యారు. కార్యక్రమంలో కరాటే పోటీల చీఫ్ ఆర్గనైజర్ నరసింహారావు, టోర్నమెంట్ ఇన్‌చార్జీలు పార్వతి, నవ్యశ్రీ, ఆర్గనైజర్ లక్ష్మణ్ సాయి, కొప్పుల గిరి, అంబటిమల్లి, కొప్పుల నరసింహారావు, తదితరులు పాల్గొన్నారు.