RTC డ్రైవరుపై మహిళ నిరసన

By Sharmila· 29 Sept 2026

AP: అనంతపురం జిల్లా లోని ఓ RTC బస్సులో.. తనతో డ్రైవర్ అసభ్యంగా మాట్లాడాడని ఆరోపిస్తూ ఓ మహిళ నిరసనకు దిగింది. బత్తలపల్లిలో బస్సు ఎక్కే టైంలో డ్రైవర్ అనుచిత పదాలతో దూషించాడని ఆరోపించింది. తర్వాత కలెక్టర్ ఆఫీసు ముందు, రోడ్డుపై కూర్చొని నిరసన తెలిపింది. విషయం తెలుసుకున్న ఆమె బంధువులు డ్రైవర్‌పై దాడికి యత్నించగా పోలీసులు అడ్డుకున్నారు. ఘటనకు కారణాలు, మిగతా వివరాలను సేకరిస్తున్నారు.

More in AP

AP· 1h ago

కోటియాలో AP ఎన్నికలా? BJPకి నవీన్ పట్నాయక్ ప్రశ్నలు!

ఒడిశా మాజీ CM నవీన్ పట్నాయక్ కోటియా వివాదంపై BJPను <a href="https://x.com/Naveen_Odisha/status/2112163975408537977">ప్రశ్నించారు.</a> ఒడిశాలో భాగమైన కోటియాలో AP ఎన్నికలు ప్రకటించడం ఆందోళనకరమన్నారు. గతంలో ‘ఆంధ్రా గో బ్యాక్’ అంటూ స్లోగన్స్ ఇచ్చిన BJP.. ఇప్పుడు ఏం చేస్తోందని నిలదీశారు. 2024 ఎన్నికల్లో కోటియా సమస్యకు పరిష్కారం చూపుతామని ఇచ్చిన హామీ ఏమైందని ప్రశ్నించారు. NDAలో TDP ఉండటంతో ఒడిశా ప్రభుత్వం మౌనంగా ఉంటోందా అని అనుమానం వ్యక్తం చేశారు. రాష్ట్ర సమగ్రతను కాపాడేందుకు వెంటనే చర్యలు తీసుకోవాలని డిమాండ్ చేశారు.

▶

AP· 4h ago

వేట కొడవళ్లు, బీర్ బాటిళ్లు.. ఎందుకిలా?

కడపలో YCP మేయర్ అభ్యర్థి బండి దీప్తి ఇంటిపై అర్ధరాత్రి జరిగిన దాడి తీవ్ర కలకలం రేపుతోంది. సోమవారం అర్ధరాత్రి గుర్తు తెలియని వ్యక్తులు వాహనాల్లో వచ్చి ఆమె ఇంటిపై మద్యం బాటిళ్లు విసిరారు. ఇంటి అద్దాలు, కిటికీలు ధ్వంసమయ్యాయి. ఒక వేట కొడవలిని అక్కడ వదిలారు. ఇది TDP కుట్ర అనే ఆరోపణలు వస్తున్నాయి. కడప 1 టౌన్ పోలీసులు కేసు నమోదుచేశారు. ఈ ఘటన రాజకీయ ఉద్రిక్తతలను పెంచుతూ.. ఎన్నికల నిర్వహణపై ఆందోళన కలిగిస్తోంది.

▶

AP· 6h ago

చంద్రబాబుపై జుబైర్ సెటైర్

AP: YCP డబుల్ స్టాండర్ట్స్ పాటిస్తోందని CM చంద్రబాబు నిన్న చేసిన వ్యాఖ్యలపై సోషల్ మీడియాలో సెటైర్లు పేలుతున్నాయి. "ఈ మాటలు ఎవరు అంటున్నారో చూడండి" అని ఫ్యాక్ట్ చెకర్ మహ్మద్ జుబైర్ సెటైర్ వేశారు. "ఒకప్పుడు CECని సపోర్ట్ చేసిన YCP ఇప్పుడు ఆయన నచ్చలేదంటోంది" అని చంద్రబాబు అన్నారు. మరి చంద్రబాబు కూడా ఒకప్పుడు మోదీని తీవ్రంగా విమర్శించి.. ఇప్పుడు అదే మోదీని తెగ మెచ్చుకోవట్లేదా? అని నెటిజన్లు ప్రశ్నిస్తున్నారు. మీరేమంటారు? కామెంట్ చెయ్యండి.

AP· 9h ago

నేడు మెగా కార్నివాల్.. ట్రాఫిక్ ఆంక్షలు!

విజయవాడలో దసరా వేడుకల్లో భాగంగా ఈ రోజు మెగా కార్నివాల్ నిర్వహించనున్నారు. ఏలూరు రోడ్డులోని SRR కాలేజీ నుంచి చుట్టుగుంట సిగ్నల్ మీదుగా విశాలాంధ్ర రోడ్డులోని ఇందిరాగాంధీ స్టేడియం వరకు ఈ ప్రోగ్రామ్ జరగనుంది.దీంతో పోలీసులు ట్రాఫిక్ మళ్లింపులు చేపట్టనున్నారు. వాహనదారులు ట్రాఫిక్ ఆంక్షలను గమనించి, ప్రత్యామ్నాయ మార్గాల్లో ప్రయాణించాలని సూచించారు