శ్రీనివాస్‌రెడ్డికి సీఎంఆర్‌ఎఫ్‌ చెక్‌ అందజేసిన ఎమ్మెల్యే

By Adithya D· 4d ago

TG: రంగారెడ్డి జిల్లా షాద్‌నగర్‌ నియోజకవర్గానికి చెందిన శ్రీనివాస్‌రెడ్డికి ముఖ్యమంత్రి సహాయ నిధి (CMRF) ద్వారా రూ.3 లక్షల ఆర్థిక సాయం మంజూరైంది. అనారోగ్యంతో బాధపడుతున్న శ్రీనివాస్‌రెడ్డి పరిస్థితిని ఎమ్మెల్యే వీర్లపల్లి శంకర్‌ దృష్టికి తీసుకెళ్లడంతో ప్రభుత్వం వెంటనే స్పందించి సీఎంఆర్‌ఎఫ్‌ నుంచి సాయం మంజూరు చేసిందని ఎమ్మెల్యే తెలిపారు. ఈ మేరకు పట్టణంలోని తన క్యాంపు కార్యాలయంలో ఎమ్మెల్యే వీర్లపల్లి శంకర్‌ స్వయంగా రూ.3 లక్షల చెక్కును బాధితుడికి అందజేశారు.

More in Local

Local· just now

షాద్‌నగర్ ఉపాధ్యక్షుడిగా రాధాకృష్ణ

TG: బడుగు, బలహీన వర్గాలకు రాజ్యాధికారం సాధించేందుకు కృషి చేస్తామని తెలంగాణ రాజ్యాధికార పార్టీ రంగారెడ్డి జిల్లా షాద్‌నగర్ నియోజకవర్గ ఉపాధ్యక్షుడిగా నియమితులైన పర్వతాపూర్‌కు చెందిన మీదికేరి రాధాకృష్ణ తెలిపారు. హైదరాబాద్‌లోని పార్టీ రాష్ట్ర కార్యాలయంలో అధ్యక్షుడు తీన్మార్ మల్లన్న చేతులమీదుగా రాధాకృష్ణ నియామక పత్రం అందుకున్నారు. బడుగు,బలహీన వర్గాల కోసం మల్లన్న చేస్తున్న పోరాటానికి ఆకర్షితుడై పార్టీలో చేరినట్లు చెప్పారు. జనాభా దామాషా ప్రాతిపదికన రాజ్యాధికారం ప్రజలకు దక్కేలా చైతన్యం కల్పిస్తామన్నారు.

Local· 6m ago

SIR హియరింగ్‌ ప్రక్రియపై ఆకస్మిక తనిఖీ

AP: SIR–2026లో భాగంగా పల్నాడు జిల్లా దాచేపల్లి నగర పంచాయతీ పరిధిలోని పోలింగ్ స్టేషన్లు 87, 88, 89లో నిర్వహించిన హియరింగ్ ప్రక్రియను అధికారులు ఆకస్మికంగా తనిఖీ చేశారు. No Mapping, Logical Discrepancies అంశాలపై BLOలు, AERO, నగర పంచాయతీ కమిషనర్ నుంచి వివరాలు సేకరించారు. హియరింగ్‌కు వచ్చిన ఓటర్లతో మాట్లాడి ఆధార పత్రాలను పరిశీలించారు. 18 ఏళ్లు నిండిన అర్హులైన ప్రతి పౌరుడు Form–6 ద్వారా ఓటరుగా నమోదు చేసుకోవాలని సూచించారు. శని, ఆదివారాల్లో జరిగే Special Campaign Daysను సద్వినియోగం చేసుకోవాలని కోరారు.

Local· 10m ago

జపాన్ పర్యటనకు ఎంపికైన హెచ్‌ఎంకు ఘన సత్కారం

TG: విద్యా పరిశోధనల కోసం తెలంగాణ ప్రభుత్వం తరఫున జపాన్ పర్యటనకు ఎంపికైన నాగర్‌కర్నూల్ ZPHS ప్రధానోపాధ్యాయులు భాస్కర్‌రెడ్డిని శ్రీవెంకటేశ్వర కాలనీ కార్యవర్గం ఘనంగా సత్కరించింది. శనివారం భాస్కర్‌రెడ్డికి శాలువా కప్పి అభినందనలు తెలిపారు. కాలనీ గౌరవాధ్యక్షులు క్రిష్ణయ్య, అధ్యక్షులు లక్ష్మణ్, ప్రధాన కార్యదర్శి దశరథం, కోశాధికారి సతీష్‌తో పాటు కార్యవర్గ సభ్యులు, కాలనీ ప్రతినిధులు పాల్గొన్నారు. జపాన్ పర్యటనకు ఎంపిక కావడం నాగర్‌కర్నూల్‌కు గర్వకారణమని వారు పేర్కొన్నారు.

Local· 36m ago

చనిపోయినా.. వెలుగునిచ్చిన సిరివెన్నెల

TG: కుమార్తెను కోల్పోయిన విషాదంలోనూ వరంగల్ జిల్లా నల్లబెల్లి మండలానికి చెందిన కుటుంబం మానవత్వాన్ని చాటుకుంది. కరెంట్ షాక్‌తో పిట్టల సిరివెన్నెల (14) మృతి చెందగా, ఆమె కోరిక మేరకు కళ్లను LV ప్రసాద్‌ ఐ బ్యాంకుకు దానం చేశారు. ఇంటివద్ద ఉన్న బాలిక విద్యుత్‌ షాక్‌కు గురై అపస్మారక స్థితికి చేరుకుంది. 108 సిబ్బంది సీపీఆర్‌ చేసినా ఫలితం లేకపోయింది. ‘నేను చనిపోతే నా కళ్లను దానం చేయాలి’ అని బాలిక గతంలో చెప్పిన మాటలను తండ్రి గుర్తుచేశారు. కుమార్తె కోరిక నెరవేర్చిన కుటుంబసభ్యులను పలువురు అభినందించారు.