అల్పపీడనం.. మళ్లీ వర్షాలు

By Krishna· 6h ago· Gov

దక్షిణ బంగాళాఖాతంలో ఆవర్తనం ఏర్పడింది. అక్టోబర్ 13 నాటికి అల్పపీడనంగా మారుతుంది. ఇది గుండ్రంగా కాకుండా.. పొడవుగా, అసాధారణ ఆకృతిలో ఉండబోతోంది. AP వైపు వస్తోంది. దీని ప్రభావం AP, తెలంగాణతోపాటూ.. ఒడిశా, తమిళనాడుపై కూడా ఉంటుంది. బుధవారం లేదా గురువారం నుంచి వర్షాలు పడే ఛాన్స్ ఉంది. ఇవాళ అక్టోబర్ 12న మాత్రం రెండు తెలుగు రాష్ట్రాల్లో పొడి వాతావరణం ఉంటుంది. పలుచని మేఘాలతో ఎండ ఎక్కువగానే ఉంటుంది. వర్షం పడే ఛాన్స్ లేదు. గంటకు 20 కిలోమీటర్ల వేగంతో గాలులు వీస్తాయి.

More in Current Affairs

Current Affairs· 4h ago

రికార్డుల్లోకి శ్రీశైలం డ్యామ్

శ్రీశైలం డ్యాంకు అంతర్జాతీయ గుర్తింపు లభించింది. దేశంలోనే World Book of Records(లండన్‌)లో స్థానం దక్కించుకున్న తొలి ప్రాజెక్టుగా గుర్తింపు పొందింది. 60 అడుగుల వెడల్పు, 55 అడుగుల ఎత్తున్న క్రస్ట్ గేట్లు, భారీ వరదలను తట్టుకునే సామర్థ్యాన్ని పరిశీలించిన నిపుణుల బృందం ఈ గుర్తింపుకు రికమెండ్ చేసింది. ఈరోజు శ్రీశైలం‌లో జరిగే కార్యక్రమంలో సంస్థ సౌత్ రీజియన్ జాయింట్ సెక్రటరీ ఇలియాజర్, MLA బుడ్డా రాజశేఖర్‌రెడ్డి, ఇరిగేషన్ CE కబీర్ బాషా, డ్యాం SE వేణుగోపాల్‌కు సర్టిఫికెట్ అందజేయనున్నారు.

Current Affairs· 6h ago

నేటి నుంచి శ్రీవారి నవరాత్రి ఉత్సవాలు

తిరుమల శ్రీవారి నవరాత్రి బ్రహ్మోత్సవాలు ఈరోజు నుంచి ప్రారంభం కానున్నాయి. ఈ నెల 20 వరకు జరిగే ఉత్సవాల కోసం గుడిని పూలతో అందంగా అలంకరించారు. నిన్న రాత్రి శాస్త్రోక్తంగా అంకురార్పణ నిర్వహించి, విశ్వక్సేనులవారిని మాడవీధుల్లో ఊరేగించారు. తొలి రోజు ఉదయం 9 నుంచి 11 గంటల వరకు బంగారు తిరుచ్చి, రాత్రి 7 నుంచి 9 గంటల వరకు పెద్దశేష వాహన సేవ జరగనుంది. దసరా సెలవులు ఉండటంతో భక్తుల రద్దీ పెరిగే అవకాశం ఉండటంతో TTD విస్తృత ఏర్పాట్లు చేసింది.

Current Affairs· 19h ago

నానమ్మ మరణం.. పోలీసుల తీరుపై అభిజీత్ దీప్కే ప్రశ్నలు!

అభిజీత్ దీప్కే ఢిల్లీ పోలీసుల తీరుపై తన <a href="https://x.com/abhijeet_dipke/status/2109281570599457278">‘X’లో తీవ్ర ఫైర్ అయ్యారు.</a> తన నానమ్మ చనిపోయిన విషయం తెలిసినప్పటికీ, ఉదయం 3:30 గంటలకు అరెస్ట్ పేపర్లపై సైన్ చేయాలని పోలీసులు ఒత్తిడి చేశారని అన్నారు. తన ఫోన్ ఇచ్చి కజిన్ నంబర్ తీసుకోవడానికి, లాయర్లతో మాట్లాడేందుకు కూడా అనుమతి కోరానని తెలిపారు. లాయర్లతో మాట్లాడే వరకు అరెస్ట్ పేపర్లపై సంతకం చేయనని స్పష్టం చేశానన్నారు. ఇప్పుడు మానవత్వం గురించి మాట్లాడుతున్న పోలీసులు, అప్పుడు ఎక్కడున్నారని ప్రశ్నించారు.

భక్తుల ఊరేగింపులోకి దూసుకొచ్చిన ట్రక్.. ముగ్గురు మృతి!

▶

Current Affairs· 21h ago

భక్తుల ఊరేగింపులోకి దూసుకొచ్చిన ట్రక్.. ముగ్గురు మృతి!

కర్ణాటకలోని బెళగావి జిల్లాలో ఘోర ప్రమాదం జరిగింది. దుర్గమ్మ విగ్రహ ఊరేగింపులోకి వెనుక నుంచి ట్రక్ దూసుకురావడంతో ముగ్గురు భక్తులు అక్కడికక్కడే మృతి చెందారు. మరో 10 మందికి పైగా గాయాలయ్యాయి. వీరిలో నలుగురి పరిస్థితి క్రిటికల్‌గా ఉంది. బెళగావి నుంచి హుంచ్యానట్టి గ్రామానికి విగ్రహాన్ని తీసుకెళ్తుండగా హట్టరగి టోల్ ప్లాజా దగ్గరలో ఈ ఘటన జరిగింది. గాయపడిన వారిని హాస్పిటల్‌‌కు తీసుకెళ్లారు. ప్రమాదంపై పోలీసులు ఇన్వెస్టిగేషన్ చేస్తున్నారు.