భారత్‌కు లైన్ క్లియర్: చమురు ఊరట

By Sahani· 1h ago

రష్యా నుంచి చమురు కొనే దేశాలపై 100% సుంకాలు విధించే ‘లిండ్సే ఓ గ్రాహం చట్టం’ అమలును అమెరికా ప్రెసిడెంట్ ట్రంప్ తాత్కాలికంగా పక్కనపెట్టడంతో భారత్‌కు బిగ్ రిలీఫ్ దక్కింది. వెస్ట్ ఆసియా క్రైసిస్, గ్లోబల్ మార్కెట్‌లో పెరిగిన క్రూడ్ రేట్లు, US మిడ్ టర్మ్ ఎలక్షన్స్ వల్ల పెట్రోల్ ధరలు పెరగకుండా ట్రంప్ ఈ డెసిషన్ తీసుకున్నారు. దీంతో చైనా తర్వాత రష్యా నుండి భారీగా క్రూడ్ ఆయిల్ ఇంపోర్ట్ చేసుకుంటున్న ఇండియాపై టారిఫ్స్ పడతాయన్న ఆందోళనలు పూర్తిగా తొలగిపోయాయి.

More in International

International· 54m ago

చందమామకు 10 వేల పగుళ్లు

చంద్రుడి అంతర్భాగం చల్లబడి కుంచించుకుపోతుండటంతో ఉపరితలంపై ఏకంగా 10 వేలకుపైగా పగుళ్లు ఏర్పడినట్లు నాసా LRO సైంటిస్టులు గుర్తించారు. కోట్ల ఏళ్లలో జాబిలి వ్యాసార్థం 148 అడుగులు తగ్గడంతో భయంకరమైన చంద్రకంపాలు వస్తున్నట్లు తేల్చారు. ఈ చేంజ్ వల్ల ఫ్యూచర్‌లో వ్యోమగాములు మూన్‌పై ల్యాండ్ అవ్వడం రిస్క్‌గా మారనుంది. ముఖ్యంగా వాటర్ ఐస్ ఉన్న సౌత్ పోల్‌లోనే ఈ పగుళ్లు ఎక్కువగా ఉండటం నాసా ఆర్టెమిస్ మిషన్‌కు పెద్ద తలనొప్పిగా మారింది.

▶

International· 11h ago

ద్రువ్ రాఠీ పిలుపు.. లండన్‌లో హల్‌చల్!

ధ్రువ్ రాఠీ పిలుపుతో లండన్‌లోని Parliament Square దగ్గర S.I.R, CEC జ్ఞానేశ్ కుమార్‌కి వ్యతిరేకంగా భారీ నిరసన చేపట్టారు. పెద్ద సంఖ్యలో భారతీయులు మహాత్మా గాంధీ విగ్రహం దగ్గరికి చేరుకుని, త్రివర్ణ పతాకాలతో ‘వోట్ చోర్.. గద్దీ చోర్..’ అంటూ నినాదాలు చేశారు. ఈ నిరసన వీడియోను ధ్రువ్ రాఠీ తన 'X' ఖాతాలో షేర్ చేశారు. ‘ఓటు దొంగలు, ప్రజాస్వామ్య హంతకుల అసలు రూపాన్ని ప్రపంచానికి చూపించాల్సిన సమయం వచ్చింది’ అంటూ ఆయన కామెంట్ చేశారు.

International· 23h ago

బతికుండగానే చచ్చి.. చచ్చిన వ్యక్తిగా బతికొచ్చాడు

సినిమాను గుర్తుకుతెచ్చే ఒక ఘటన చైనాలో జరిగింది. 2002లో జెజియాంగ్ ప్రావిన్స్‌లో ఒక కిడ్నాప్, దోపిడీ కేసులో నిందితుడు దొరక్కుండా పారిపోయాడు. పోలీసులు ఆ కేసు మూసేశారు. పోలీసుల నుంచి తప్పించుకోవడానికి నిందితుడు ‘చెన్’ మాస్టర్ ప్లాన్ వేశాడు. తను చనిపోయినట్లు నమ్మించి, చనిపోయిన తన కవల సోదరుడి గుర్తింపును తను వాడుకోవడం మొదలుపెట్టాడు. కుటుంబ సభ్యులు కూడా అతనికి సహకరించారు. ఆ కవల సోదరుడి మాజీ ప్రియురాలు నిజం కనిపెట్టడంతో ఇన్నేళ్ల తర్వాత విషయం బయటపడింది.

International· 1d ago

జపాన్‌లో 9.9 తీవ్రతతో భూకంప హెచ్చరిక.. అంతా ప్రశాంతం

జపాన్ వాతావరణ సంస్థ (JMA) ఇవాళ మధ్యాహ్నం దేశవ్యాప్తంగా అత్యంత అత్యవసర భూకంప ముందస్తు హెచ్చరికను జారీ చేసింది. చరిత్రలోనే అత్యంత తీవ్రమైన 9.9 రిక్టర్ స్కేలు తీవ్రతతో భూకంపం వచ్చే అవకాశం ఉందని, ప్రజలందరూ వెంటనే సురక్షిత ప్రాంతాలకు వెళ్లాలని ఈ అలర్ట్ ద్వారా హెచ్చరించారు. అయితే, హెచ్చరిక వచ్చినా ఎలాంటి భూప్రకంపనలు నమోదు కాకపోవడంతో ప్రజలు అయోమయానికి, ఆందోళనకు గురయ్యారు. చివరకు సిస్టమ్ అంచనా తప్పని గుర్తించిన అధికారులు ఆ ప్రకటనను వెనక్కి తీసుకున్నారు.