పీహెచ్‌సీలో కలెక్టర్ చెక్.. సిబ్బందికి షాక్ ట్రీట్‌మెంట్

By Jelandharkoti Koti· 22 Aug 2026· మంచిర్యాల జిల్లా

TG: మంచిర్యాల జిల్లా దండేపల్లి ప్రభుత్వ ప్రాథమిక ఆరోగ్య కేంద్రంలో వైద్య సేవలపై కలెక్టర్ కుమార్ దీపక్ ఆకస్మికంగా తనిఖీ చేపట్టారు. శుక్రవారం పీహెచ్‌సీని సందర్శించిన ఆయన ఓపీ రిజిస్టర్, వార్డు, ల్యాబ్, మందుల నిల్వలను పరిశీలించారు. ప్రభుత్వ, ప్రైవేట్ ఆసుపత్రుల్లో జరుగుతున్న గర్భిణుల ప్రసవాల వివరాలను వైద్య సిబ్బందిని అడిగి తెలుసుకున్నారు. పీహెచ్‌సీలో వైద్యులు, స్టాఫ్ నర్సులు, ల్యాబ్ టెక్నీషియన్లు సమయపాలన పాటిస్తూ విధులకు తప్పనిసరిగా అందుబాటులో ఉండాలని కలెక్టర్ సూచించారు.

More in Local

Local· 43m ago

ప్రజావాణిలో BRS నేతల వినతిపత్రం

TG: కాంగ్రెస్ ప్రభుత్వం ఎన్నికల సమయంలో ఇచ్చిన ఆరుగ్యారంటీలను పూర్తిస్థాయిలో అమలు చేయడంలో విఫలమైందని ఆరోపిస్తూ నిజామాబాద్ జిల్లా రుద్రూర్ మండల BRS నాయకులు తహసీల్దార్‌కు వినతిపత్రం సమర్పించారు. ప్రజావాణిలో భాగంగా నిర్వహించిన కార్యక్రమంలో నాయకులు మాట్లాడుతూ.. కాంగ్రెస్ ప్రభుత్వం అధికారంలోకి వచ్చి చాలాకాలం గడిచినా ఎన్నికల హామీలను పూర్తిగా అమలు చేయడం లేదని విమర్శించారు. ప్రజలకు ఇచ్చిన హామీలను వెంటనే అమలు చేయాలని, అర్హులైన ప్రతిఒక్కరికీ ప్రభుత్వ సంక్షేమ పథకాలు అందేలా చర్యలు తీసుకోవాలని డిమాండ్ చేశారు.

Local· 52m ago

ప్రమాదకరంగా అన్నారం లోలేవల్ వంతెన

TG: కరీంనగర్ జిల్లా మానకొండూర్ మండలం అన్నారం గ్రామంలోని లోలెవల్ వంతెన శిథిలావస్థకు చేరడంతో ప్రయాణికులు తీవ్ర ఇబ్బందులు ఎదుర్కొంటున్నారు. కరీంనగర్–జమ్మికుంట రెండు లైన్ల రహదారి నిర్మాణం ప్రారంభమై ఎనిమిదేళ్లు గడిచినా వంతెన పనులు పూర్తికాలేదని గ్రామస్తులు ఆవేదన వ్యక్తం చేస్తున్నారు. ఇసుక లారీల రాకపోకలతో వంతెనపై గుంతలు ఏర్పడి ప్రమాదకరంగా మారిందని తెలిపారు. వాహనాల రాకపోకలతో దుమ్ము లేస్తుండటంతో ప్రయాణికులు ఇబ్బందులు పడుతున్నారు.

Local· 1h ago

బిగ్ బాస్ హౌస్‌లోకి వెళ్లిన 16 మంది వీళ్లే!

రియాలిటీ షో 'బిగ్ బాస్ తెలుగు సీజన్ 10' గ్రాండ్‌గా స్టార్ట్ అయింది. హోస్ట్ నాగార్జున 'దశావతారం' థీమ్‌తో 16 మంది కంటెస్టెంట్లను హౌస్‌లోకి వెల్‌కమ్ చేశారు. ఈసారి కృష్ణుడు, చైత్ర రాయ్, వర్షిణి, వంశీ, ముకేష్, అదితి ఈశ్వరన్, రామ్ ప్రసాద్, సుధీర్, నరేష్, డెబ్జానీ, ఝాన్సీ, అమన్, చరణ్, షాలిని, రోహిత్, శ్రేష్ఠి బిగ్ బాస్ హౌస్‌లోకి ఎంట్రీ ఇచ్చారు. విభిన్న రంగాలకు చెందిన ఈ 16 మందితో ఈ సీజన్ స్టార్ట్ అయింది.

Local· 1h ago

దున్నపోతుకు వినతిపత్రం ఇచ్చిన గ్రామస్తులు

TG: కాంగ్రెస్ ప్రభుత్వం ఎన్నికల్లో ఇచ్చిన 6 గ్యారంటీలు, 13 డిక్లరేషన్లు అమలు చేయడంలో విఫలమైందంటూ ఆదిలాబాద్ జిల్లా ఇచ్చోడ మండలం ముఖరా(కె) గ్రామస్తులు వినూత్న నిరసన చేపట్టారు. “ముఖ్యమంత్రికి మొరపెట్టుకున్నా పట్టించుకోవడం లేదు.. ఆయనకు చెప్పినా, దున్నపోతుకు చెప్పినా ఒక్కటే” అంటూ గ్రామంలోని దున్నపోతుకు వినతిపత్రం అందజేశారు. మాజీ సర్పంచ్ గాడ్గే మీనాక్షి మాట్లాడుతూ.. 100 రోజుల్లో హామీలను అమలు చేస్తామని చెప్పి కాంగ్రెస్ ప్రభుత్వం ప్రజలను మోసం చేసిందని విమర్శించారు.