ఊరు ఒక్కటే.. మండలాలు మాత్రం మూడు

By prabhakar kodepaka· 2d ago· Hanumakonda

TG: హనుమకొండ జిల్లా వెంకటేశ్వర్లపల్లి గ్రామస్థులు మూడు మండలాల చుట్టూ తిరగాల్సిన పరిస్థితి ఏర్పడింది. జిల్లాల పునర్విభజనకు ముందు వరంగల్ జిల్లా పరకాల మండలంలో ఉన్న ఈ గ్రామాన్ని అనంతరం హనుమకొండ జిల్లా కమలాపూర్ మండలంలో చేర్చారు. కొత్తగా నడికుడ మండలం ఏర్పడిన తర్వాత గ్రామాన్ని ఆ మండలంలో విలీనం చేశారు. దీంతో రెవెన్యూ పనులకు నడికుడ, పరిపాలనా అవసరాలకు కమలాపూర్, శాంతిభద్రతల వ్యవహారాలకు పరకాల మండలాలను ఆశ్రయించాల్సి వస్తోంది. దూర ప్రాంతాలకు వెళ్లాల్సి రావడంతో సమయం, డబ్బు వృథా అవుతున్నాయని అన్నారు.

More in Local

Local· 1m ago

గుత్తికొండలో ఘనంగా 679వ ఉరుసు ఉత్సవాలు

AP: పల్నాడు జిల్లా గుత్తికొండలో హజరత్ సయ్యద్ షా వలి బాషా ఖాద్రి రహమతుల్లా అలైహి ఉరుసు ఉత్సవాలు ఘనంగా నిర్వహించారు. ప్రతి ఏటా ఆనవాయితీగా జరిగే వేడుకలకు భక్తులు, ప్రజలు భారీగా తరలివచ్చారు. మతసామరస్యానికి ప్రతీకగా నిలిచిన ఉరుసు ఉత్సవాల్లో వివిధ మతాలకు చెందిన ప్రజలు పాల్గొని ఐక్యతను చాటారు. ఉరుసు సందర్భంగా నిర్వహించిన ఖవ్వాలి, ఆర్కెస్ట్రా కార్యక్రమాలు విశేషంగా ఆకట్టుకున్నాయి. కళాకారుల పాటలు, సంగీతంతో ఉత్సవ ప్రాంగణం సందడిగా మారింది.

Local· 5m ago

విద్యార్థుల సమస్యలు పరిష్కరించాలి

TG: సంక్షేమ హాస్టళ్లలో విద్యార్థులు ఎదుర్కొంటున్న సమస్యలను ప్రభుత్వం, అధికారులు వెంటనే పరిష్కరించాలని USFI హనుమకొండ జిల్లా అధ్యక్షుడు ఆకుల మనోజ్ డిమాండ్ చేశారు. USFI జిల్లా కమిటీ ఆధ్వర్యంలో భీమదేవరపల్లి మండలంలోని సంక్షేమ హాస్టళ్లను సందర్శించి విద్యార్థుల సమస్యలను అడిగి తెలుసుకున్నారు. వంగరలోని ఎస్సీ బాలుర హాస్టల్‌ను పరిశీలించారు. పూర్తిస్థాయిలో సిబ్బంది లేకపోవడంతో విద్యార్థులు ఇబ్బందులు పడుతున్నారని మనోజ్ తెలిపారు. రాత్రివేళల్లో వాచ్‌మన్ లేకపోవడం విద్యార్థుల భద్రత సమస్యగా మారుతోందన్నారు.

Local· 10m ago

జిల్లా బెస్ట్ టీచర్‌గా సాతూరి ప్రసాద్

TG హన్మకొండ జిల్లా ఉత్తమ ఉపాధ్యాయుడిగా సాతూరి ప్రసాద్ ఎంపికయ్యారు. భీమదేవరపల్లి మండలం కొత్తకొండ జిల్లా పరిషత్ ఉన్నత పాఠశాలలో విధులు నిర్వహిస్తున్న సాతూరి ప్రసాద్‌ను తెలంగాణ ప్రభుత్వం హన్మకొండ జిల్లా ఉత్తమ ఉపాధ్యాయుడిగా ఎంపిక చేసింది. ఉపాధ్యాయ దినోత్సవం సందర్భంగా ప్రకటించిన జిల్లా ఉత్తమ ఉపాధ్యాయుల జాబితాలో ఆయనకు చోటు దక్కింది. జిల్లాలో నిర్వహించనున్న గురుపూజోత్సవ కార్యక్రమంలో సాతూరి ప్రసాద్ అవార్డును అందుకోనున్నారు. పాఠశాల సిబ్బంది, విద్యార్థులు, పలువురు ఆయనకు శుభాకాంక్షలు తెలిపారు.

Local· 9h ago

కరెంట్ కోసం చీకట్లో కొవ్వొత్తులతో రాస్తారోకో

TG: కరెంట్ కోతలతో విసిగిపోయిన మహబూబాబాద్ జిల్లా మునిగలవీడు గ్రామస్తులు చీకట్లో కొవ్వొత్తులతో రాస్తారోకో చేపట్టారు. శుక్రవారం రాత్రి మహబూబాబాద్–తొర్రూరు రహదారిపై విద్యుత్ సబ్‌స్టేషన్ ఎదుట ఆందోళన నిర్వహించడంతో వాహనాలు నిలిచిపోయాయి. ప్రభుత్వం కరెంట్ కోతలు లేవని చెబుతున్నా రోజులో పలుమార్లు విద్యుత్ సరఫరా నిలిపివేస్తున్నారని గ్రామస్తులు ఆరోపించారు. సాయంత్రం, రాత్రి వేళల్లో కోతలు ఎత్తివేయాలని డిమాండ్ చేశారు. పోలీసులు అధికారులతో మాట్లాడి విద్యుత్ సరఫరా పునరుద్ధరిస్తామని హామీ ఇవ్వడంతో ఆందోళన విరమించారు.