రేబీస్ ఫ్రీ దేశం ఏదో మీకు తెల్సా

By Sahani· 7 Sept 2026· Thehindu· Bhutan

భూటాన్ సరికొత్త చరిత్ర సృష్టించింది. కుక్కల ద్వారా మానవులకు వ్యాపించే రేబీస్ వ్యాధిని నిర్మూలించిన మొదటి ఆసియా దేశంగా డబ్ల్యూహెచ్‌ఓ (WHO) గుర్తించింది. 2023 జూన్ తర్వాత అక్కడ ఒక్క రేబీస్ మరణం కూడా ఫైల్ కాలేదు. ప్రపంచవ్యాప్తంగా ఏటా దాదాపు 59,000 మంది రేబీస్ వల్ల చనిపోతుంటే, అందులో మూడో వంతు మరణాలు ఒక్క భారతదేశంలోనే జరుగుతున్నాయి. కుక్కల సంతానోత్పత్తి నియంత్రణ, వ్యాక్సినేషన్ సక్రమంగా జరగకపోవడమే భారత్‌లో ఈ తీవ్రతకు కారణమని ఎక్స్పర్ట్ చెప్తున్నారు.

More in International

International· 5m ago

మక్కాలో బంగ్లాదేశీ జంటకు ఉరి.. అసలేం జరిగింది?

సౌదీ అరేబియాలోని మక్కాలో అనైతిక చర్యకు పాల్పడ్డారనే ఆరోపణలపై ఇద్దరు బంగ్లాదేశీ పౌరులకు ప్రభుత్వం ఉరిశిక్ష అమలు చేసింది. ఈ నెల 14న నజ్రుల్ ఇస్లాం అబ్దుల్ బషీర్, సితి అక్తర్‌లను ఉరితీసినట్లు సౌదీ హోం మినిస్ట్రీ తెలిపింది. తజిర్ చట్టం ప్రకారం కోర్టు వారికి మరణశిక్ష విధించింది. అయితే, వారు చేసిన తప్పేంటో అధికారులు క్లారిటీ ఇవ్వలేదు. తమ పౌరులను ఉరితీసిన విషయాన్ని సౌదీ ప్రభుత్వం ముందుగా తెలియజేయలేదని బంగ్లాదేశ్ సీరియస్ అయ్యింది.

International· 1h ago

పాకిస్థాన్‌లో ఆలయం కూల్చివేతను అడ్డుకున్న స్థానికులు

పాకిస్థాన్‌లో 200 సంవత్సరాల నాటి హిందూ దేవాలయాన్ని కూల్చివేసే ప్రయత్నాన్ని స్థానిక అధికారులు అడ్డుకున్నారు. ఖైబర్ పఖ్తుంఖ్వా ప్రావిన్స్‌లోని డేరా ఇస్మాయిల్ ఖాన్ నగరం రహీమ్ బజార్‌లో ఉన్న రామ్ లీలా ఆలయం పురాతత్వ శాఖ గుర్తించిన సాంస్కృతిక వారసత్వ ప్రదేశాలలో ఒకటి. దాన్ని కూల్చేసి ప్లాజాగా మార్చడానికి ₹2.5 కోట్ల ఒప్పందం చేసుకున్నట్లు సమాచారం. హిందూ సమాజం ప్రతినిధులు కూల్చివేతను అడ్డుకున్నారు. నిరసనలు పెరగడంతో అసిస్టెంట్ కమిషనర్ ఆలయాన్ని సీల్ చేశారు.

International· 6h ago

హౌతీ ఎఫెక్ట్.. వెనక్కి తగ్గిన సౌదీ!

యెమెన్ మిలిటెంట్లైన హౌతీలు.. పక్కన దేశమైన సౌదీ అరేబియాకి సవాళ్లు విసురుతూనే ఉన్నారు. మిస్సైల్, డ్రోన్ దాడులు చేస్తున్నారు. దాంతో రియాద్‌లో అక్టోబర్ 26-29 మధ్య జరపాలనుకున్న ఫ్యూచర్ ఇన్వెస్ట్‌మెంట్ ఇనిషియేటివ్ (FII) సమ్మిట్‌ని, సౌదీ పాలకులు 2027కి వాయిదా వేశారు. ఇటీవల రియాద్ కింగ్ ఖలీద్ ఎయిర్‌పోర్టుపై హౌతీలు చేసిన దాడిలో 13 మంది మరణించారు. దాంతో సౌదీకి వచ్చే వారు టెన్షన్ పడుతున్నారు. హౌతీలకు ఇరాన్ సపోర్ట్ ఇస్తోంది.

International· 7h ago

METAకు కేంద్రం కీలక సూచనలు

FACEBOOK, INSTAGRAMలో తప్పుడు వార్తలు, హింసను ప్రేరేపించే పోస్టులను గుర్తించి అడ్డుకోవాలని కేంద్ర ప్రభుత్వం META సంస్థకు సూచించింది. పాత వీడియోలను కొత్త ఘటనలుగా చూపించే పోస్టులపై జాగ్రత్తగా ఉండాలని తెలిపింది. ప్రభుత్వ సంస్థలతో కలిసి పనిచేయాలని, అడిగిన సమాచారాన్ని సకాలంలో ఇవ్వాలని ఆదేశించింది. అయితే, ఈ సూచనలు ప్రజల భావప్రకటన స్వేచ్ఛను దెబ్బతీస్తాయని డిజిటల్ రైట్స్ సంఘాలు విమర్శిస్తున్నారు. ఈ అడ్వైజరీకి చట్టంలో సరైన ఆధారం లేదని పేర్కొంటూ, దానిని వెనక్కి తీసుకోవాలని డిమాండ్ చేస్తున్నారు.