గాంధీ ఆసుపత్రికి కొత్త సూపరింటెండెంట్

By siddu vinay· 1h ago

సికింద్రాబాద్‌లోని గాంధీ ఆసుపత్రికి డా. టి. ఉషారాణి కొత్త సూపరింటెండెంట్‌గా బాధ్యతలు తీసుకోనున్నారు. ఇప్పటివరకు డా. ఉషారాణి నాగర్‌కర్నూల్ ప్రభుత్వ ఆసుపత్రి సూపరింటెండెంట్‌గా పనిచేశారు. ఆరోగ్య శాఖ కార్యదర్శి క్రిస్టినా Z. చోంగ్తు ఆమెను నియమించారు. మరోవైపు సికింద్రాబాద్‌లోని గాంధీ ఆసుపత్రికి చెందిన వైద్య విద్య అడిషనల్ డైరెక్టర్ సి.హెచ్. రాజా కుమారిని ప్రభుత్వం తక్షణమే తన విధులకు సంబంధించిన బాధ్యతల నుంచి తప్పించింది. ఆమెను వైద్య విద్య డైరెక్టర్ (DME)కి రిపోర్ట్ చేయాల్సిందిగా ఆదేశించింది.

More in TG

TG· 1h ago

ట్రాన్స్‌జెండర్లకు సైబరాబాద్ పోలీసులు కౌన్సెలింగ్!

TG: ట్రాన్స్‌జెండర్ కమ్యూనిటీకి సైబరాబాద్ పోలీసులు కీలక సూచనలు చేశారు. హౌస్‌వార్మింగ్, షాప్ ఓపెనింగ్స్, ఇతర పబ్లిక్ ప్లేసెస్‌లో డబ్బుల కోసం ప్రజలను ఇబ్బంది పెడుతున్నారంటూ.. కంప్లైంట్స్ రావడంతో కమ్యూనిటీ పెద్దలు, లీడర్లతో పోలీసులు కౌన్సెలింగ్ కండక్ట్ చేశారు. డబ్బులు అడిగే టైమ్‌లో ప్రజలు, షాప్ ఓనర్లను హరాస్ చేయొద్దని తెలిపారు. ఈ ఇష్యూపై స్పెషల్ డ్రైవ్ చేపట్టాలని తెలంగాణ DGP సీవీ ఆనంద్ కమిషనర్లను ఆదేశించారు.

TG· 2h ago

తాతా మధు, నవీన్ రెడ్డికి బెయిల్

ఎస్టీ, ఎస్టీ కేసులో స్పీకర్ గడ్డం ప్రసాద్‌ని తిట్టారనే ఆరోపణలతో అరెస్టైన BRS ఎమ్మెల్సీలు తాతా మధుతోపాటూ.. నవీన్ రెడ్డి‌ని కూడా నాంపల్లి కోర్టు బెయిల్ ఇచ్చింది. 10 వేల రూపాయల వ్యక్తిగత పూచీకత్తుతో ఈ బెయిల్ ఇచ్చింది. 2 షూరిటీలు సమర్పించాలని ఆదేశించింది. ఐతే.. తాతా మధు.. స్పీకర్‌ని పేరు పెట్టి దూషించినట్లుగా లేదని కోర్టు తెలిపింది. తెలంగాణ తెచ్చిన యోధుడి చావును కాంగ్రెస్ కోరుకోవడం దారుణం అని నవీన్ రెడ్డి అన్నారు.

TG· 2h ago

బోయిన్‌పల్లి పీఎస్‌ దగ్గర రచ్చ రచ్చ

TG: కాంగ్రెస్ ప్రభుత్వాన్ని వదిలే ప్రసక్తే లేదు అన్నారు బీఆర్ఎస్ నేత కేటీఆర్. ఎర్రవల్లికి వెళ్తున్న ఆయన్ని పోలీసులు అదుపులోకి బోయిన్‌పల్లి పీఎస్‌‌కి తీసుకెళ్లడంతో అక్కడ ఉద్రిక్త పరిస్థితి ఏర్పడింది. పెద్ద ఎత్తున బీఆర్ఎస్, కాంగ్రెస్ శ్రేణులు అక్కడికి తరలిరావడంతో.. రెండు వర్గాల మధ్యా ఘర్షణ తలెత్తింది. పీఎస్‌ ముందే బీఆర్‌ఎస్‌, కాంగ్రెస్‌ కార్యకర్తలు దాడి చేసుకున్నారు. రాళ్లు, కుర్చీలు విసురుకున్నారు. పోలీసులు బలవంతంగా రెండు వర్గాలనూ చెదరగొట్టారు.

TG· 3h ago

నీళ్లడిగితే విద్యార్థినులను కొడతారా?

TG: ములుగు జిల్లా.. గిరిజన బాలికల రెసిడెన్షియల్ స్కూల్ విద్యార్థినులు తీవ్ర ఆవేదన వ్యక్తం చేస్తున్నారు. తాము బట్టలు ఉతికే నీళ్లు తాగుతున్నామనీ.. తాగేందుకు మంచి నీళ్లు ఎందుకు ప్రొవైడ్ చెయ్యట్లేదు అని అడిగితే.. ప్రిన్సిపల్ తమను కొట్టారని వారు ఆరోపించారు. మౌలిక వసతులు లేక నిత్య నరకం చూస్తున్నామని వారు ఆరోపించారు. తమ సమస్యలపై ప్రభుత్వం, ఉన్నతాధికారులు వెంటనే స్పందించాలని విజ్ఞప్తి చేశారు. ఈ ఘటన అందర్నీ కలచివేస్తోంది. కనీస వసతులే లేకపోతే, ఇక చదువులెలా సాగుతాయనే ప్రశ్నలొస్తున్నాయి.